• Աթենքը մարտահրավեր է նետում Դուբային. Ինչպես է հին մայրաքաղաքը վերածվում հարուստ արտագաղթողների համար նոր դրախտի

  Այնտեղ, որտեղ մի ժամանակ գտնվում էր Աթենքի հին օդանավակայանը, արագորեն ի հայտ է գալիս ապագայի քաղաքը․․․

• Գեղեցիկ վայրեր՝ սառը ընդունելություն. 6 ուղղություն, որտեղ զբոսաշրջիկները բախվում են կոպտության

  Էյֆելյան աշտարակը, իտալական փողոցները և կապույտ Ադրիատիկ ծովը՝ միլիոնավոր զբոսաշրջիկներ երազում են տեսնել այս վայրերը…

• Դուբայը՝ ինչպիսին դուք այն երբեք չեք տեսել. քաղաքի նոր սեզոնի ուղեցույց

  Դուբայը քաղաք է, որին երբեք լիովին չես սովորում. այն ամեն այցելության հետ նորովի է բացվում․․․

• Մեկ ամբողջ տարի շքեղ նավի վրա. 56,000 ֆունտ ստեռլինգ արժողությամբ կռուիզը, որը կընդգրկի ամբողջ աշխարհը՝ Ալյասկայից մինչև Զանզիբար

  Երկշաբաթյա կռուիզը կարող է շքեղության գագաթնակետ թվալ։ Բայց ի՞նչ կլիներ, եթե դուք կարողանայիք ամբողջ տարին անցկացնել ծովում՝ ամեն օր արթնանալով մոլորակի մի նոր անկյունում․․․

• Ֆանտաստիկ ճանապարհորդություն. սուպեր զբոսանավերը և շքեղ լայներները գերհարուստ արկածախնդիրներին տանում են աշխարհի ծայրը  

  Սեզոնային ճանապարհորդները, որոնք ունեն բավարար ֆինանսական միջոցներ, դիմում են փորձարարական արշավային կրուիզների դեպի մոլորակի ամենահեռավոր անկյունները...

• «Հարստությունը վերածվել է կենդանաբանական այգու». Ինչու է էլիտար տուրիզմը սկսում ապստամբել «Սպիտակ լոտոսի» դեմ

  Քիչ հեռուստասերիալներ են այնպիսի խորը ազդեցություն ունեցել շքեղ ճանապարհորդությունների ոլորտի վրա, որքան «Սպիտակ լոտոսը»․․․

• «Դժոխք Երկրի վրա». դրախտային հունական լողափը վերածվել է մղձավանջի զբոսաշրջիկների բազմության պատճառով

  Հունաստանի գեղատեսիլ լողափը անվանվել է «դժոխք երկրի վրա», քանի որ այն լցվել է անթիվ զբոսաշրջիկների բազմությամբ...

• Փախուստ քաղաքակրթությունից. ինչու են մոլորակի ամենահարուստ մարդիկ հանգստավայրերի փոխարեն ընտրում անտառային խորքերն ու վայրի բնությունը

  Շվեդիայի ամենահյուսիսային դահուկային հանգստավայրը՝ ընդամենը 60 բնակիչ ունեցող Ռիկսգրենսենը, ձմռանն իսկական մագնիս է դառնում ադրենալինի սիրահարների համար։ Բևեռային շրջանից ընդամենը 200 կիլոմետր հեռավորության վրա գտնվող այս փոքրիկ ավանը վերածվել է ֆինանսիստների, տեխնոլոգիական հսկաների ու թոփ-մենեջերների թաքստոց-դրախտի։ Այստեղ սովորական ճոպանուղիներին փոխարինում են ուղղաթիռները, իսկ աղմկոտ զբոսաշրջիկների բազմությանը՝ անմարդաբնակ, վայրի լանջերը, գրում է Robb Report-ը...

Դալաթը Վիետնամի իսկական մարգարիտն է, որը նման չէ Հարավ-արեւելյան Ասիայի ոչ մի քաղաքի: Երբ հայտնվում ես այնտեղ, մոռանում ես, թե որ երկրում ես գտնվում: Դալաթը տարբերվում է գրեթե ամեն ինչով. սկսած թարմ, զով եւ աներեւակալի «քաղցր» սոճու օդից, մինչեւ ֆրանսիացիների կառուցած փողոցների ու տների ճարտարապետությունը: Նույնիսկ վիետնամական սուրճն այստեղ ավելի համեղ է թվում: Իսկ հաճելի անակնկալները՝ թարմ ելակի տեսքով, որ վաճառվում է ամեն անկյունում, ծաղիկների, որոնց տեսքից անվերջ հաճույք ես ստանում, ինչպես նաեւ ամենուր հանդիպող սիրահար զույգերը Դալաթ այցելությունն ավելի տոնական են դարձնում: Իզուր չէ, որ վիետնամցիներն այստեղ գալիս են մեղրամիս անցկացնելու. այս քաղաքում ամեն ինչ ներծծված է սիրով:

Վիետնամում տեղական արժույթը վիետնամական դոնգն է: 2013-ի մարտ-ապրիլին, երբ ես այնտեղ էի, մեկ դոլարն արժեր 20.000-21.000 դոնգ:

Տրանսպորտային հաղորդակցությունն այս երկրում լավն է: Դալաթ հասնելու ամենապարզ միջոցն ավտոբուսն է: Մինչեւ այդ քաղաք ուղիղ երթուղի կա Հոշիմինից (տոմսն արժե 10-12 դոլար), Մույնեից (6 դոլար), Նյաչանգից (6 դոլար): Սակայն խորհուրդ չեմ տա ընտրել Մույնեից ուղեւորվող ավտոբուսները. դրանք հաճախ փոքր են եւ առանց օդորակիչի: Իսկ ահա Հոշիմինից եւ Նյաչանգից ուղեւորվող ավտոբուսները մեծ են, ճանապարհին հրաշալի տեսարաններ են բացվում:

Ավտոբուսի տոմս կարելի է գնել ցանկացած տուրիստական ընկերությունում, ձեզ նույնիսկ կվերցնեն հյուրանոցից: Հետադարձ տոմսը կարող եք գնել ինչպես տեղում, այնպես էլ արդեն Դալաթում: Իսկ եթե չգիտեք, թե որքան ժամանակ եք մնալու Դալաթում, կարող եք բաց ամսաթվով տոմս վերցնել: Պարզապես մեկնելուց մեկ օր առաջ պետք է գնաք տուրիստական ընկերություն, որից գնել եք տոմսը, եւ հաստատել ձեզ հարմար ամսաթիվը:

Դալաթում բազմաթիվ հյուրանոցներ կան, եւ կարող եք շատ հանգիստ սակարկել գնի հարցում, ինչպես եւ Վիետնամի բոլոր քաղաքներում: Պասիվ սեզոնին կարելի է նույնիսկ մինչեւ երկու անգամ իջեցնել գինը, չնայած Դալաթում այն այդքան էլ բարձր չէ: Երկու հոգու համար նախատեսված հյուրանոցային սենյակը, ներառյալ՝ նախաճաշը, արժե 8-12 դոլար: Այս գնով կարելի է նորմալ հյուրանոց գտնել՝ պատշգամբից ներքեւ ծաղկած այգով եւ կեցության համար անհրաժեշտ բոլոր հարմարություններով: Դալաթի հյուրանոցներում օդորակիչ մի փնտրեք, ամենայն հավանականությամբ, այն ձեզ պետք չի գա: Բայց ավելի թանկ հյուրանոցներում (20-50 դոլար) սպասարկումը սովորաբար ավելի բարձր մակարդակի է:

Ուշադիր եղեք. Դալաթ ուղեւորվելիս հարկավոր է տաք հագուստ վերցնել: Ի տարբերություն արեւոտ հարավային ափից, Վիետնամի ամենից ռոմանտիկ քաղաքում կարող է բավական ցուրտ լինել:

Սովորաբար քաղաքում տեղաշարժվելու համար զբոսաշրջիկները մոտոբայք են վարձում (6-8 դոլար), բայց կարելի է նաեւ հեծանիվ վերցնել կամ ոտքով զբոսնել: Քաղաքի բոլոր տեսարժան վայրերը մեկ օրում դիտել ցանկացողների համար էքսկուրսիաներ կան: Անգլալեզու ուղեկցորդով էքսկուրսիայի գինն ամբողջ օրվա համար տատանվում է 7-12 դոլարի սահմաններում: Նախապես ճշտեք, արդյո՞ք էքսկուրսիայի գինը ներառում է մուտքի տոմսերը, թե՝ ոչ: Էքսկուրսիաների համար նախատեսված տրանսպորտային միջոցները սովորաբար շատ հարմարավետ են: Իսկ ահա ռուսալեզու ուղեկցորդով էքսկուրսիա գտնելը Դալաթում դժվար է, նաեւ ավելի թանկ արժե (60-90 դոլար): Նման էքսկուրսիա կարող եք պատվիրել Մույնեում կամ Նյաչանգում:

Շարունակությունը՝ հաջորդիվ…

Հետևեք NEWS.am STYLE-ին Facebook-ում, Twitter-ում և Instagram-ում