Էմմա Մկրտչյանը` մանկության վառ հուշերի, Երեւանում բնակվելու եւ իր սիրտը կոտրելու մասին

Գոհար Հարությունյանը` մանկության, հայրիկի բացի եւ 16 տարեկանում նշանադրությունը չեղարկելու մասին

«Խորոտիկ-մորոտիկ»․ Սոֆի Մխեյանը՝ իր նոր տեսահոլովակի մասին

«Չէի կարողանում պատկերացնել, որ մայրս չկա». Աղաս Մանուկյանը` իր մեծ կորստի եւ անցած ճանապարհի մասին

BACKSTAGE. Ինչպես են անցել «Սիրուն Սոնայի» վերջին նկարահանումները

«Հորս վերաբերմունքը փոխվեց իմ հանդեպ»․ Վիկտորիա Սահակյանը՝ դիպլոմ չստանալու եւ չստացված սիրո մասին

Ինչպես են ընթացել Արամեի նոր տեսահոլովակի նկարահանումները քաղաքից դուրս

Ամենամեծ կորուստը, կյանքի նպատակը եւ ծնողների խորհուրդը․ Բլից հարցեր Ժաննա Բուտուլյանի հետ

Լիա Զախարյանը՝ հայկական շոուբիզնեսի ամենահմայիչ մարդու, ամենամեծ կորստի և առօրյայի մասին․ ԲԼԻՑ ՀԱՐՑԵՐ

Քրիստինե Պեպելյանը՝ իր նոր նախագծի եւ որդու՝ Արեգի մասին

Քիմ Քարդաշյանի 60 մլն դոլորանոց առանձնատունը

Մանուկ Ալեքսանյանը՝ սեզոնի թրենդների, հակաթրենդների եւ Pillow Challenge-ի մասին

Մարիամ Ալեքսանյանը՝ մոլերից մեկում խայտառակ լինելու եւ ամուսնության հարցից խուսափելու մասին․ ԲԼԻՑ ՀԱՐՑԵՐ

Մանկության ամենավառ հուշից մինչեւ զավեշտալի սիրո խոստովանությունը․ բլից հարցեր՝ Դիանա Տոռեսի հետ

Մատնահարդարման 5 տարածված միֆեր

90-ականներին ծնողներս թույլ չեն տվել, որ ես ու քույրս մտածենեք տան հոգսերի մասին»․ Իրինա Թովմասյան

5 խորհուրդ առողջ մազեր ունենալու համար. Ջեք Թեքեյան

BACKSTAGE. Գոշը, Քրիստինա Եղոյանը, Լիանա Վանոյանը, Արուս Տիգրանյանը եւ այլ դերասաններ` «Կինստարգրամ» նոր սիթքոմում (ֆոտո/վիդեո)

Ո՞վքեր են նրանք, ի՞նչ երազանքներ ու ձեռբերումներ ունեն. նոր մանրամասներ՝ «Դեպի Մանկական Եվրատեսիլ» նախագծի այս տարվա մասնակիցների մասին

16:04, 6 սեպտեմբերի

Սեպտեմբերի 15-ին Հանրային հեռուստատեսության ուղիղ եթերում կբացահայտվի այն փոքրիկ արտիստի անունը, որը կներկայացնի Հայաստանը Լեհաստանում կայանալիք «Մանկական Եվրատեսիլ 2019» միջազգային երգի մրցույթում: Այս տարի տվյալ մրցույթում ուղեգիր ստանալու համար պայքարում են տասը կատարողներ, որոնցից յուրաքանչյուրն ունի իր ոճը, ձեռքբերումներն ու երազանքները:

NEWS.am STYLE-ը ներկայացնում է այս տարվա «Դեպի Մանկական Եվրատեսիլ» մրցույթի մասնակիցներին եւ նրանց մասին կարճ տեղեկություններ:

Անահիտ Առաքելյան

Անահիտը Երեւանից է՝ 10 տարեկան։ Փոքրիկ երգչուհին սովորում է «Անանիա Շիրակացու» անվան միջազգային գիտակրթական համալիրի 5-րդ դասարանում։

«Շատ սիրում եմ երգել, պարել, դաշնամուր նվագել, նկարել, մոդելավորել և ճանապարհորդել իմ ընտանիքի հետ»,-ասում է երգչուհին, որն իր առաջին ձայնագրությունն ունեցել է 3 տարեկանում, իսկ ավելի լուրջ սկսել է զբաղվել երգարվեստով 6 տարեկանից, երբ ընդունվել է LIVA փոփ–ջազ վոկալ համույթ։ Հաճախում է նաեւ դաշնամուրի եւ պարի, ունի 10–ից ավելի ձայնագրություններ ու երկու տեսահոլովակ։

«Միշտ շարժվում եմ առաջ՝ հաղթահարելով բոլոր դժվարությունները։ Երազանքս է՝ մասնակցել միջազգային երաժշտական մրցույթի եւ հաղթել այն»,-ասում է նա:

Անժելա Ալբերտյան

12-ամյա Անժելա Ալբերտյանը Երեւանից է․ սովորում է Հակոբ Կարապենցի անվան թիվ 6 հիմնական դպրոցում, ինչպես նաեւ՝ Տիգրան Չուխաջյանի անվան թիվ 7 երաժշտական դպրոցի «Դաշնամուր» եւ «Վոկալ» բաժիններում։ Ինչպես ինքն է նշում՝ ամենամեծ երազանքը երգչուհի դառնալն է։ Անժելան ինչպես Հայաստանում, այնպես էլ արտերկրում բազմաթիվ մրցույթների մասնակից եւ դափնեկիր է։ Իր ամենավառ հուշերի մեջ առանձնացնում է Բելոռուսի Վիտեբսկ քաղաքում «Славянский Базар-2019» մրցույթում հաղթանակը:Ասում է՝ «Ձգտում եմ մասնակցել էլ ավելի հետաքրքիր մրցույթների»։

Անի Աթայան

Անին ծնվել է Երեւանում, բայց արդեն երկու տարի է՝ բնակվում է Շվեդիայում: Սովորել է Երեւանի թիվ 128 դպրոցում, «Այբ» դպրոցում եւ Ղ.Սարյանի անվան արվեստի դպրոցի դաշնամուրի, ջութակի եւ վոկալի բաժիններում: Եղել է «ՀայաստանիՀանրապետությունում եւ Լեռնային Ղարաբաղի Հանրապետությունում տաղանդավոր պատանի երաժիշտ-կատարողների զարգացման եւ կատարելագործման նպատակային ծրագրի» անդամ: Այժմ սովորում է Շվեդիայում:

«Սիրում եմ պարել, լողալ, նկարել, զբաղվում եմ գեղասահքով, հաճախում եմ ձիարշավարան»,-իր նախասիրությունների մասին խոսելիս հավելում է փոքրիկ երգչուհին:

Երաժշտական կարիերան Անին սկսել է 5 տարեկանից. արդեն հասցրել է մասնակցել մի շարք մրցույթների՝ Հայաստանում եւ դրա սահմաններից դուրս:

Անի Պետրոսյան

Անին 9 տարեկան է, ծնվել է Արցախում: Սովորում է Ստեփանակերտի Խ. Աբովյանի անվան թիվ 1 հիմնական դպրոցում։ Սկսել է երգել 2 տարեկանից։ 2017 թվականին Մոսկվայում մասնակցել է «Նոր Ալիք» միջազգային մրցույթին, հասել մինչեւ կիսաեզրափակիչ փուլ։ Արդեն 4 տարի է, ինչ հաճախում է «Արցախի Ձայներ» պրոդյուսերական կենտրոն։

Անին նշում է՝ միշտ հետեւել է «Մանկական Եվրատեսիլ» մրցույթին, ինչն էլ ցանկություն է առաջացրել մասնակցել «Դեպի Մանկական Եվրատեսիլ»-ին: Աղջիկն ունի մեկ սկզբունք, որը հետեւյալն է՝ «Միշտ հավատա ինքդ քեզ»:

Էմիլի Հովհաննիսյան

Էմիլին 10 տարեկան է, ծնվել է Արթիկում, այժմ բնակվում է Աբովյան քաղաքում: Սովորել է Երեւանի «Նյուտոնիկ» նախակրթարանում, այնուհետեւ՝ «Օհանյան» կրթահամալիրում:

«Սիրում եմ նկարել, սեփական ձեռքերով որեւէ բան ստեղծել, ճանապարհորդել, ֆիլմեր դիտել, տարբեր ֆիլմերից եւ գրքերից մոնոլոգներ սովորել եւ բեմադրել»,-ասում է պատանի երգչուհին, որը երաժշտության ասպարեզում իր քայլերն սկսել է դեռեւս 3 տարեկանից:

Խոսելով իր երազանքների մասին՝ Էմիլին նշում է. «Երազում եմ մասնակցել Բրազիլիայում կայացվող ամենավառ շքերթին, դեր ունենալ Broadway-ի երաժշտական ներկայացումներից մեկում, շատ ճանապարհորդել եւ տեսնել բնության հրաշքներ»:

Կարինա Իգնատյան

12-ամյա Կարինան ծնվել է Ռուսաստանի Դաշնության Կալուգա քաղաքում, բնակվում է այնտեղ, բայց ամեն տարի այցելում է հայրենիք:

«Առաջին երաժշտական քայլերս արել եմ 6 տարեկանից եւ միանգամից հասկացել, թե ինչով եմ ուզում զբաղվել ամբողջ կյանքում: Դեռ վաղ տարիքից մասնակցել եմ տարբեր երաժշտական մրցույթների, այդ թվում՝ ռուսական «Голос дети», «Во весь голос», «Детская Новая Волна», «Поколение next»… եւ միշտ լավ գնահատականների եմ արժանացել»,-պատմում է նա:

Կարինան երազում է դառնալ լավ երգչուհի եւ Հայաստանի անունը բարձր պահել աշխարհի տարբեր բեմերում:

Նարեկ Մարկոսյան

12-ամյա Նարեկը ծնվել եւ մեծացել է Երեւանում: Սովորում է Գրիգոր Նարեկացու անվան թիվ 137 հիմնական դպրոցում: Նշում է, որ հոբբին կիթառ նվագելն է: Երաժշտական առաջին քայլերն արել է 8 տարեկանում՝ «Դո, Ռե, Մի» ստուդիայում:

«2017-ին մասնակցել եմ Ղազախստանի Աստանա «Шаттик» միջազգային մրցույթ- փառատոնին, որտեղ արժանացել եմ Գրան Պրի մրցանակին, ապա 2019թ-ին Իտալիայի Պինետո քաղաքում կայացավ «MIF» միջազգային մրցույթը, որտեղ գրավեցի 2-րդ պատվավոր հորիզոնականը»,-ասում է պատանին, որի երազանքն է՝ լինել լավ մարդ, դառնալ ճանաչված եւ սիրված արվեստագետ:

Ռոբերտ Բագրատյան

Ռոբերտը հայ հեռուստաիտողին ծանոթ է  ռուսական «Голос Дети» նախագծից: Ծնվել է Երևանում, սակայն այժմ ապրում է Դոնի Ռոստովում:

«Ապրում եմ ծնողներիս եւ քրոջս հետ: Աշխույժ, մարդասեր եւ ընկերասեր տղա եմ: Ես շատ եմ սիրում երգել: Երգել սկսել եմ 5 տարեկանից: Երգը իմ կյանքն է, առանց երգի իմ կյանքը կլիներ անգույն եւ անհետաքրքիր: Չեմ կարող պատկերացնել իմ կյանքը առանց երաժշտության։ Շատ եմ սիրում երգել մեծ բեմերում: Իմ կյանքի լավագույն հիշողությունները կապված են «Голос дети» նախագծի հետ»,-ասում է տղան, որը բացի երգից՝ սիրում է ճանապարհորդել,  շրջել փողոցներով եւ տեսնել, թե ինչպես են մարդիկ ապրում։

«Սիրում եմ կյանքը, իմ ընտանիքը եւ մարդկանց»:

Ռոզա Էլոյան

Ռոզան ծնվել եւ մեծացել է Գյումրիում: Ապրում է ծնողների եւ եղբոր հետ:

«Աշխույժ, մարդասեր եւ ընկերասեր աղջիկ եմ: Շատ եմ սիրում երգել:Երգել սկսել եմ 9 տարեկանից: Երգը իմ կյանքն է, առանց դրա իմ կյանքը կլիներ անգույն և անհետաքրքիր»,-ասում է աղջիկը, որի ամենավառ հիշողությունները կապված են սիրելի քաղաքի՝ Գյումրու հետ:

«Շատ եմ սիրում իմ քաղաքը. հյուրասեր եւ հումորով մարդիկ ապրում են Գյումրիում»:

Վարդան Մարգարյան

Վարդանը ծնվել եւ մեծացել է Կոտայքի մարզի Հրազդան քաղաքում: Սովորում է Հրազդանի14 հիմնական դպրոցում: Սիրում է ճամփորդել եւ նկարել: 3,5 տարեկանից հաճախել է «Արեւներ» երգի դպրոց: Նախկինում էլի մասնակցել է մրցույթների, որոնց թվում են՝ «Մանկական Դեպի եվրատեսիլ 2018»-ը, «Մանկական Նոր ալիք 2018»-ը , Ուկրաինայի The Voice Kids-ը:Սիրելի զբաղմունքների ցանկում երգիչը նշում է բակի երեխաների հետ հաճախակի բեմադրություններ կազմակերպելը:

Ունի շատ երազանքներ, որոնցից, ինչպես ինքն է նշում, կհրաժարվի միայն այն ժամանակ, երբ դրանք կատարվեն:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ