• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

«Շանթ» հեռուստաընկերության «Ազգային երգիչ» նախագիծն իր հաղթողին ազդարարեց 2020-ից րոպեներ առաջ՝ այդպիսով տարեսկիզբը կրկնակի տոն դարձնելով Աշտարակից ժամանած երիտասարդի՝ Հարություն Մկրտչյանի համար, որը դարձավ նախագծի հաղթողն ու որպես մրցանակ ստացավ ճանապարհորդական ուղեգիր դեպի Միացյալ Նահանգներ: Ինչպես շատերի՝ Հարությունի համար եւս ԱՄՆ-ում լինելը երազանք է, իսկ մյուս երազանքների եւ նպատակների մասին երգիչը պատմել է NEWS.am STYLE-ի հետ զրույցում:

Հարությունը նշեց, որ նախագծին մասնակցել է ընկերոջ՝ Դավիթ Կիրակոսյանի խորհրդով, որն, ի դեպ, եւս նախագծի ֆինալիստներից էր:

«Ես միշտ հետեւում էի «Շանթ» հեռուստաընկերության բոլոր նախագծերին: Ընկերս՝ Դավիթն, ինձ տեղեկացրեց նախագծի մասին, մեզ շատ էր դուր եկել մրցույթի անունը՝ «Ազգային երգիչ», ինչպես նաեւ՝ ֆորմատը: Քանի որ «Շանթ»-ի մյուս նախագծերը շատ սիրել էինք, որոշեցինք մեր ուժերը փորձել այս հարթակում»:

Ի դեպ, X Factor-ի երկրպագուները Հարությունին կհիշեն նաեւ նախագծի երրորդ եթերաշրջանից: Այդ ժամանակ երգիչը հանդես էր գալիս «Հիփ հոփ» խմբի կազմում: X Factor-ի ավարտից հետո, սակայն, խումբն իր գործունեությունը դադարեցրել է: Հարությունի խոսքով՝ պարզապես իրենք տարբեր ուղղություններով են գնացել:

Երիտասարդ երգչին ավելի հոգերհարազատ են հենց ժողովրդական կատարումները, սակայն նախագծի ընթացքում Հարությունը փայլել է նաեւ այլ ժանրերում:

«Չեմ կարծում՝ հանդիսատեսն ինձ տեսել է հիմնականում ժողովրդական երգեր կատարելիս: Այս նախագծում ես երգել եմ նաեւ կոմպոզիտորական, աշուղական, ազգակրական, ինչպես նաեւ՝ փոփ ժանրի երգեր, օրինակ Արամ mp3-ի «Կուզես» երգը, Սոնա Ռուբենյանի «Ճանապարհը»… Սիրում եմ բոլոր ժանրերի որակյալ եւ պրոֆեսիոնալ կատարումները: Չեմ սիրում, երբ ինչ-որ մի ժանր աղավաղում են եւ մատուցում ճաշակի բացակայությամբ, ցածր որակով»:

Հարցին՝ արդյոք իր սրտում կա՞ այն աջիկը, որին նվիրում էր իր սիրային կատարումները, երգիչը պատասխանեց.

«Անկեղծ՝ չկա այդ աղջիկը: Ես իմ բոլոր կատարումները նվիրել եմ իմ հանդիսատեսին եւ անհամբներությամբ էի միշտ սպասում նրանց կարծիքներին»:

Հարությունի խոսքով՝ նախագծի ամենաբարդ փուլը եղել է եզրափակիչը, քանի որ ե´ւ պատասխանատվությունն էր բարձր, ե´ւ լարվածությունը.

«Մրցութային վերջին փուլն էր, եւ պետք է բարդագույն ստեղագործություններ կատարեի վնասված ձայնալարերով»,-ասում է երգիչը, որի ձայնալարերի խնդիրն իրեն զգացնել տվեց դեռեւս մրցութային փուլերից մեկի ժամանակ.

«Ես, իհարկե, վնասված ձայնալարերով պայքարեցի մինչեւ նախագծի ավարտը: Եթե չլիներ Աստծո կամքը, իմ կյանքում հրաշք տեղի չէր ունենա: Փառք Աստծո՝ հիմա ամեն ինչ կարգին է: Կարճ ժամանակ դադարից հետո ձայնալարերիս բոլոր խնդիրները կարգավորվեցին»:

Հարությունի յուրաքանչյուր կատարում արժանանում էր նախագծի ժյուրիի եւ հանդիսատեսի բուռն արձագանքին: Չի եղել մի դեպք, երբ նրա կատարման մեջ որեւէ թերություն նկատած լինեին: Երգչի խոսքով՝ այդ արձագանքներն իր համար մեծ դպրոց են եղել, մեծ սեր ու ոգեւորություն փոխանցել:

«Հոգուս խորքում Աստծուց էի խնդրում հաջողություն. եթե նրա կամքը լիներ, ես կհաղթեի, եթե ոչ, ուրեմն՝ այդպես էր պետք»,-ասում է Հարությունը՝ վերհիշելով այն ապրումները, որոնք ունեցել է իր անունը լսելու պահին.

«Անբացատրելի մի զգացողություն կար իմ ներսում. բոլորն ինձ շնորհավորում էին, իսկ իմ աչքի դիմաց անցնում էր իմ խորդուբորդ ճանապարհը… Այն, որ ես՝ Աշտարակ քաղաքի Մուղնի թաղամասից մի հասարակ տղա, հաղթեցի նախագիծն ու երջանկացրի իմ ծնողներին: Ես շնորհակալ եմ Աստծուն, ծնողներիս եւ իմ վարպետին՝ Տիգրան Հայորդուն՝ պրոֆեսիոնալ երգարվեստի ճանապարհին ինձ ճիշտ ուղղորդելու համար»:

Հարությունը նաեւ ոգեւորված է գարնանը ԱՄՆ սպասվող իր ուղեւորության համար: Ասում է՝ փոքր տարիքում սիրում էր դիտել «Տանը միայնակ» ֆիլմն ու այդ ժամանակվանից իր համար երազանք է եղել, հատկապես, Նյու Յորքը տեսնելը:

Ինչ վերաբերում է նոր մրցույթներին եւ առաջիկա նորություններին՝ «Ազգային երգչի» հաղթողը նշեց.

«Մոտ ապագայում կլինեն հեղինակային երգեր եւ տեսահոլովակներ, իսկ հետագայում նախագծերի մասնակցության հարցում կխորհրդակցեմ «Շանթ» հեռուստաընկերության հետ, որպեսզի հասկանանք՝ որ նախագծին է ավելի նպատակահարմար իմ մասնակցությունը»:

Սյունե Առաքելյան

Լուսանկարները՝ Հարություն Մկրտչյանի Instagram-ի էջից

Հետևեք NEWS.am STYLE-ին Facebook-ում, Twitter-ում և Instagram-ում