Անի Երանյանը՝ «Լինում է, չի լինում»-ի մանրամասների մասին

Նաիրա Մովսիսյանը՝ կրկին մայրանալու ցանկության, հայրիկի բացի եւ իր կողակցի մասին

«Լաց լինելու ու բարդույթավորվելու փոխարեն սովորեցի իմ անձը պաշտպանել». Իրինա Այվազյանը՝ NEWS.am STYLE-ի «արեւային» ֆոտոշարքում

Էմմա Մկրտչյանը` մանկության վառ հուշերի, Երեւանում բնակվելու եւ իր սիրտը կոտրելու մասին

Գոհար Հարությունյանը` մանկության, հայրիկի բացի եւ 16 տարեկանում նշանադրությունը չեղարկելու մասին

«Խորոտիկ-մորոտիկ»․ Սոֆի Մխեյանը՝ իր նոր տեսահոլովակի մասին

«Չէի կարողանում պատկերացնել, որ մայրս չկա». Աղաս Մանուկյանը` իր մեծ կորստի եւ անցած ճանապարհի մասին

BACKSTAGE. Ինչպես են անցել «Սիրուն Սոնայի» վերջին նկարահանումները

«Հորս վերաբերմունքը փոխվեց իմ հանդեպ»․ Վիկտորիա Սահակյանը՝ դիպլոմ չստանալու եւ չստացված սիրո մասին

Ինչպես են ընթացել Արամեի նոր տեսահոլովակի նկարահանումները քաղաքից դուրս

Ամենամեծ կորուստը, կյանքի նպատակը եւ ծնողների խորհուրդը․ Բլից հարցեր Ժաննա Բուտուլյանի հետ

Լիա Զախարյանը՝ հայկական շոուբիզնեսի ամենահմայիչ մարդու, ամենամեծ կորստի և առօրյայի մասին․ ԲԼԻՑ ՀԱՐՑԵՐ

Քրիստինե Պեպելյանը՝ իր նոր նախագծի եւ որդու՝ Արեգի մասին

Քիմ Քարդաշյանի 60 մլն դոլորանոց առանձնատունը

Մանուկ Ալեքսանյանը՝ սեզոնի թրենդների, հակաթրենդների եւ Pillow Challenge-ի մասին

Մարիամ Ալեքսանյանը՝ մոլերից մեկում խայտառակ լինելու եւ ամուսնության հարցից խուսափելու մասին․ ԲԼԻՑ ՀԱՐՑԵՐ

Մանկության ամենավառ հուշից մինչեւ զավեշտալի սիրո խոստովանությունը․ բլից հարցեր՝ Դիանա Տոռեսի հետ

Մատնահարդարման 5 տարածված միֆեր

Ստեղնաշարային գործիքների վարպետը. Էդգար Հայրապետյանի երաժշտական ուղին ու հաջողությունը

13:25, 6 մարտի

Նա այն երաժիշտն է, որը նվագում է հայկական շոու բիզնեսի, գրեթե, բոլոր ներկայացուցիչների համերգային շոուներին, նա գործիքավորում է երգեր, մասնակցում հայ արտիստների շրջագայություններին եւ շարունակում իր փորձով կիսվել ավելի երիտասարդ սերունդի հետ: Խոսքը ստեղնաշարային գործիքների վարպետ Էդգար Հայրապետյանի մասին է, որի հետ NEWS.am STYLE-ը զրուցել է անցած ուղու եւ առաջիկա նորությունների մասին:

Էդգար, ե՞րբ ու ինչպե՞ս սկսվեց Ձեր սերը ստեղնաշարային գործիքների նկատմամբ:

Մանուկ հասակից: Ծնվել եմ երաժիշտի ընտանիքում, հայրիկիս գործընկերները միշտ մեր տուն էին գալիս ու նաեւ նվագում տարբեր երաժշտական գործիքներով: Ես բնատուր երաժշտական լսողությամբ միանում էի իրենց եւ արդեն տասներեք տարեկան հասակում ինձ վստահեցին, որպեսզի իրենց հետ գնամ ու նվագեմ կոմերցիոն միջոցառումներին: Իմ երաժշտական ուղին սկսել է ինքնաբուխ եւ աշխատանքի շնորհիվ զարգացել տարիների ընթացքում:

Տարբեր երաժշտական ոճերում, տարբեր արտիստների հետ եք համագործակցում. ո՞ր ոճն է, այնուամենայնիվ, Ձեզ ավելի հոգեհարազատ:

Տիրապետում եմ երաժշտական տարբեր ոճերի, համագործակցում եմ հայաստանյան, գրեթե, բոլոր հայտնի ու սիրված երգիչների հետ:

Ինձ ավելի հարազատ է հայկական փոփ երաժշտությունը, բայց իհարկե, սիրում եմ նաեւ մյուս բոլոր ոճերը` նվագում եւ համաշխարհային հիթեր եւ ազգային:

Այսօր ամենապահանջված երաժիշտներից եք եւ Հայաստանում, եւ արտերկրում ապրողների շրջանակներում, դուք նվագում եք Երեւանում տեղի ունեցող, գրեթե, բոլոր կենդանի համերգներին. երբ ետ եք նայում Ձեր անցած ուղուն, ի՞նչ եք կարծում՝ ո՞ր հատկանիշի շնորհիվ եք կարողացել հասնել այդպիսի հաջողության:

Ի ուրախություն ինձ` նախատեսված մեծ մենահամերգների ժամանակ իմ էլեկտրոնային ստեղնաշարային գործիքը միշտ բեմում ունենում է իր պատվավոր տեղը: Շնորհակալ եմ ազգությամբ հայ այն արտիստներին, ովքեր իրենց երաժշտական պատմության մեջ կարեւորագույն համերգները վստահել են նաեւ ինձ: Աշխատել եմ ՀՀ վաստակավոր արտիստների հետ: Կարծում եմ` այն, ինչ պահանջում են երգիչները, ես կարողանում եմ կատարել, դրանով պայմանավորված շատերն են ցանկություն հայտնում ինձ հետ աշխատելու:

Երգիչներից ո՞ւմ հետ եք առանձնահատուկ ոգեւորությամբ աշխատում:

Նրանք բոլորն էլ իմ ընկերներն են, որոնց հետ ճանապարհ ունեմ անցած այն բազմամարդ, հազարավոր հանդիսատես ունեցող դահլիճներում, որտեղ նրանք հանդես են գալիս աշխարհի տարբեր երկրներում: Ես սրտանց ուրախանում եմ իրենց համար: Յուրաքանչյուր երգչի մեջ կա մի առանձնացող, տարբերվող բնավորության գիծ, որով ոգեւորվում ես ու հաճույքով աշխատում:

Արտիստների համար երգեր եք գործիքավորել «Դեպի Եվրատեսիլ» նախագծի շրջանակում: Ի՞նչ սկզբունքով եք առաջնորդվում այդ մրցույթի համար երգեր գործիքավորելիս: Հետեւո՞ւմ եք միջազգային փորձին:

Այո, հետեւում եմ միջազգային փորձին ու կարեւորում ինձ դիմած անձի բնատուր երաժշտական տվյալները, բեմական լինելու շարմը :

Կա՞ մի արտիստ, որի հետ դեռ առիթ չի եղել աշխատելու, բայց հավանում եք նրա ոճն ու կցանկանայիք համատեղ մի նախագածի շուրջ աշխատել:

Այս ոլորտը, որում մենք աշխատում ենք, սիրում է երիտասարդ դեմքեր ու անուններ: Այն, որ մեր սերնդակիցների հետ բազմաթիվ երաժշտական նածագծերի եմ մասնակցում, ինչ խոսք`հաճելի է , բայց ավելի երիտասարդների հետ աշատելն էլ իր հետաքրքիր կողմերն ունի: Այնուամենայնիվ, չէի ցանկանա նրանցից որեէ մեկին առանձնացնել:

Ձեր փորձով կիսվելու առիթներ հաճա՞խ են լինում սկսնակ երաժիշտների հետ:

Հաճախ եմ կիսվում սկսնակ երաժիշտների հետ: Դա գործնականում նաեւ անխուսափելի է, որովհետեւ տարբեր առիթների ու նախագծերի ժամանակ` կախված ծրագրից ու կազմակերպչական աշխատանքներից, դու հայտնվում ես նոր մարդկանց կողքին, որոնք տաղանդավոր են եւ կրթված:

Ի՞նչն եք առաջնային հաշվի առնում արտիստների հետ համագործակցության առաջարկներն ընդունելիս: Ձեզ համար կարեւո՞ր է նրանց ճանաչված լինելը, երաժշտական ոճը...

Պետք է արտիստը լինի բնատուր տաղանդավոր եւ ճաշակով, աշխատասեր, ինչի շնորհիվ էլ ստեղծվում է լավ համագործակցություն: Ճանաչված լինելը պարտադիր պայման չէ :

Առաջիկայում ի՞նչ նորություններ ունեք: Ո՞ր համերգներին եք ելույթ ունենալու:

2020թ-ը շատ բեղուն է. փետրվարի 20- ին մեկնել էինք Դուբայ, իսկ ապրիլի 12 -ին համերգ կունենանք Շվեդիայում, 19-ին` Ստամբուլում, մայիսի 25- ին, հունիսի 3-ին` ՌԴ-ի տարբեր քաղաքներում ունենք համերգային շրջագայություն Արմենչիկի ու Հարութ Փամբուկչյանի հետ : Հունիսին13-ին Փարիզում կմասնակցեմ մրցանակաբաշխության, որին կմասնակցեն բոլոր հայ հայտնիները: Այնուհետեւ հունիսի 27-ին Կանադա կմեկնեմ: Եվս մեկ համերգ նախատեսված է օգոստոս ամսին` Սուպեր Սաքոյի հետ:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ