«Միսս Տիեզերք Արմենիա 2019» տիտղոսակիր Դայանա Դավթյանը համալրել է այս տարվա «արտակարգ» շրջանավարտների շարքը: Մոդելն ավարտել է ուսումը Ճարտարապետության եւ շինարարության Հայաստանի ազգային համալսարանում, որտեղ մասնագիտանում էր՝ որպես դիզայներ, բայց ինչպես այս տարվա մյուս շրջանավարտները՝ չի կարողացել ավարտական օրը նշել հատուկ խնջույքով: NEWS.am STYLE-ի հետ զրույցում, սակայն, Դայանան նշեց, որ ավարտելու կապակցությամբ անակնկալների պակաս չի ունեցել:
«Անկեղծ ասած՝ շատ էի սպասում դիպլոմային պաշտպանության օրվան: Առհասարակ, սիրում եմ կարեւոր միջոցառումներ, եւ երբ ինձ շնորհավորում են: Սակայն միեւնույն է՝ իմ հարազատներն ինձ համար տոն դարձրին այդ օրը: Նվերներն ու շնորհավորանքներն անպակաս են»,-ասում է մոդելը՝ հավելելով, որ, միգուցե, ավարտական միջոցառումը փոքր-ինչ ուշացումով նշեն.
«Ճիշտն ասած՝ մեր կուրսում շատ տարբեր բնույթի մարդիկ էին սովորում եւ, երեւի, այդ պատճառով միասնական կուրս չենք եղել: Բայց կարծում եմ՝ դիպլոմը ստանալուց հետո կկազմակերպվի ինչ-որ մի բան»:
Հիշելով անցած 4 տարիները՝ Դայանան խոստովանում է.
«Չեմ կարող ասել, որ միշտ գերազանցիկ եմ եղել, ստացել եմ շատ տարբեր գնահատականներ: Սակայն երկրորդ կուրսում բարձր գնահատականներով մոտ 130 հոգուց ստացա 8 անվճար տեղերից մեկը»:
Գեղեցկության մրցույթի տիտղոսակիրը նշում է, որ ուսումը կշարունակի իր մասնագիտությամբ, թեեւ խոստովանում, որ այս շրջանում շատ ուրիշ հետաքրքրություններ էլ ունի.
«Հոգուս խորքում մինչ այսօր էլ երազում եմ մի քանի մասնագիտություն ունենալ` սկսած դիզայներից մինչեւ հոգեբույժ, անասնաբույժ, կամ դերասանուհի: Ինքս էլ եմ գիտակցում, թե որքան տարբեր են այդ ոլորտները, բայց ինչ արած՝ երազանքը երազանք է: Հաճախ եմ ափսոսում, որ մեկ մարդու համար դժվար է միաժամանակ լիարժեք մի քանի մասանգիտություն ունենալ: Այնուամենայնիվ, հասկանում եմ, որ գերադասելի է ունենալ մեկ մասնագիտություն եւ լինել այդ ոլորտում առաջիններից: Ըստ այդմ՝ կշարունակեմ մագիստրոսի ուսումս նույն մասնագիտությամբ, սակայն թե որ բուհում, դեռ չեմ որոշել»:
Սյունե Առաքելյան
Լուսանկարները՝ Դայանա Դավթյանի ֆեյսբուքյան էջից, Gosh Sargsyan Photography
Հետևեք NEWS.am STYLE-ին Facebook-ում, Twitter-ում և Instagram-ում
14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով