Ամերիկահայ հայտնի լուսանկարիչ Դավիթ Մուշեղյանը (David Mushegain), որն աշխատում է մի շարք ճանաչված աստղերի եւ մոդելների հետ, որոնց թվում են Սթելա Մաքսվելը, Լիլի Ռոուզ Դեպը, Միլա Յովովիչը եւ այլք, ինստագրամյան իր էջում բաց նամակ է հղել Իսրայելի իշխանությանը` կոչ անելով նրանց դադարեցնել Ադրբեջանին զենք վաճառելը, քանի որ վերջիններիս նպատակը հայերի ցեղասպանությունը շարունակելն է: Լուսանկարչի խոսքով անընդունելի է այն փաստը, որ Ադրբեջանին ու Թուրքիային այս հարցում սատարում է մի ազգ, որն ինքն էլ անցել է այս դաժան ոճրագործության միջով:
«Իսրայել, աղաչում եմ դադարեք զենք մատակարարել դիկտատորներին, որոնց միակ նպատակը հայերին սպանելն է` ցեղասպանությունը շարունակելը: Մեր երկրները կիսում են միեւնույն ողբերգական պատմությունը: Մենք ձեր եղբայրներն ու քույրերն ենք: Ես երկար եմ մտածել մինչեւ այս հրապարակումն անելը, քանի որ հրեա շատ լավ ընկերներ ունեմ, եւ չեմ ցանկանում վիրավորել ինչ-որ մեկին, բայց մարդիկ պետք է տեղյակ լինեն, թե ինչ է կատարվում: Պարզ ասած` գրածս ուղղված է Իսրայելի կառավարությանը եւ նրանց` Ադրբեջանին զենք վաճառելու որոշմանը: Չեմ կարողանում հասկանալ` ինչպե՞ս կարող է Հոլոքոստ ապրած ազգը հնարավոր համարել Թուրքիայի հետ համագործակցելը, այն դեպքում, երբ նրանք փորձում են շարունակել Հայոց ցեղասպանությունը: Իմ կարծիքով` սա ամոթալի քայլ է...»,- գրել է լուսանկարիչը` մեջբերելով նաեւ հրեա լրագրող Յոսի Մելմանի` Haaretz.com կայքին տված հարցազրույցից հետեւյալ հատվածը:
View this post on Instagram
«Անընդունելի է, որ Թուրքիան ու Իսրայելը համատեղ պայքարում են Քրիստոնյա հայերի դեմ: Էլ չասեմ այն, որ Իսրայելը հրաժարվում է ճանաչել Հայոց ցեղասպանությունը, այն դեպքում, երբ հրեաները եւս անցել են ցեղասպանության միջով... սա ցինիկ քայլ է, ուրիշ ոչինչ չեմ կարող ասել: Սկզբում մենք հրաժարվեցինք դա ճանաչելուց, որպեսզի չբարկացնեինք Թուրքիային, բայց հիմա մենք այլեւս բարեկամ չենք Թուրքիայի հետ, սակայն, քանի որ Թուրքիան ու Իսրայելն օգնում են Ադրբեջանին, մենք մի կողմից չենք ուզում բարկացնել Թուրքիային, մյուս կողմից էլ` Ադրբեջանին: Որպես հրեա, որպես Իսրայելի բնակիչ` ես դա իսկապես չեմ կարող ընդունել: Իսրայելը պետք է ավելի մեծ բարոյականությամբ ներկայանա արտաքին քաղաքականության մեջ, մինչդեռ միայն հետաքրքրված է զենք վաճառելով, ուրիշ ոչնչով»,- ասել է հրեա լրագրողը:
Հետևեք NEWS.am STYLE-ին Facebook-ում, Twitter-ում և Instagram-ում
12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում