«Սրտի վալետ». նոր հումորային սիթքոմի մանրամասները. BACKSTAGE

Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

«Դեռ չեմ պատկերացնում` ինչպես եմ համերգներ ունենալու. հոգեպես առայժմ պատրաստ չեմ». Անուշիկ Ալավերդյանը՝ ընտանեկան ֆոտոշարքի, բեմը կարոտելու եւ նոր գործունեության մասին

17:05, 19 հունվարի

Անուշիկ եւ Արեւիկ Ալավերդյան քույրերն ընտանեկան ֆոտոշարք են իրականացրել, որում մասնակցել են նաեւ մայրը եւ հայրը՝ «Ակունք» ազգագրական երգի-պարի համույթի ղեկավար Սարգիս Ալավերդյանը:  Ֆոտոշարքն ազգային մոտիվներով է:

NEWS.am STYLE-ի հետ զրույցում Անուշիկը պատմել է, որ ամբողջ ընտանիքին ֆոտոշարքի շուրջ համախմբելը Արեւիկի միտքն է եղել, որը Փարիզից վերադառնալով ծրագրել է լուսանկարահանումները:

«Միշտ նմանատիպ նկարներ նայելիս գաղափարը շատ հավանել ենք, բայց մեր մտքով երբեք չէր անցել այդպես լուսանկարվել, ու մի օր Արեւիկը եկավ եւ ասաց, որ պատրաստվենք ֆոտոշարքի: Արդյունքը, կարծում եմ, հրաշալի էր: Ամեն ինչ հեշտ կազմակերպեցինք, ու սիրով մասնակցեցինք նկարահանմանը: Ամուսինս փոքր-ինչ խուսափում էր, որովհետեւ այնքան էլ չի սիրում լուսանկարվել, բայց իրեն էլ է արդյունքը շատ դուր եկել: Այն, ինչը մերն է, պետք է պահպանել, պետք է փայփայել եւ հնարավորինս շատ տարածել: Այն տարազները, որոնցով լուսանկարվել ենք, հին` հայկական տարբեր տարածաշրջաններին պատկանող տարազներ են, եւ ֆոտոշարքի հիմնական մեսիջը հենց դա է` մեր հնագույն մշակույթը պետք է պահպանել»,-նշել է երգչուհին:

Անդրադառնալով 2020-ի դժվարություններին՝ Անուշիկը խոստովանել է՝ ծանր տարին իր ներսում էլ է փոփոխություններ բերել.

«Պետք է գնահատես այն, ինչ ունես այս պահին ու ավել բան չխնդրես Աստծուց: Շատ բաներ, որոնց մասին երազում էի, այսօր էլ երազանք չեն, նույնիսկ, աղոթելիս  Աստծուց միայն մի բան եմ խնդրում` խաղաղություն ու առողջություն, մնացած բաների համար, այսպես ասած, չեմ անհանգստացնում»:

Մեզ հետ զրույցում Անուշիկը խոսել է նաեւ կորոնավիրուսով պայմանավորված աշխատանքային սահմանափակումների մասին: Թեեւ երգչուհին չի դադարել իր մի շարք գործունեությունները, բայց հասցրել է կարոտել բեմը.

«Համերգների բացակայությունն էր շատ դժվար... Բեմի մարդիկ սովոր են միշտ ելույթներ ունենալ, շփվել հանդիսատեսի հետ, բայց, մոտավորապես, մեկ տարի ես դա չեմ ունեցել: Սակայն ունեցել եմ այլ նորություններ կապված երաժշտական գործունեությանս հետ. չեմ դադարել երգել, պարապել, դասավանդել, բացել եմ իմ ստուդիան... Մի նորություն եւս ունեցա` կարանտինի ընթացքում միտք առաջացավ ստեղծել մանկական գլխարկների վինտաժ հավաքածու, կարծում եմ` այն մեծ հաջողություն ունեցավ: Միայն բեմն եմ շատ կարոտել, ու հույս ունեմ, որ 2021-ին փոքրիկ քայլերով կսկսենք աշխատել, չնայած դեռ չեմ պատկերացնում` ինչպես եմ համերգներ ունենալու, որովհետեւ հոգեպես առայժմ պատրաստ չեմ»:

Իսկ 2021-ից երգչուհին մի բան է միայն խնդրում՝ «Միակ բանը, որ սպասում եմ, մի փոքր խաղաղվելն է»:

Սյունե Առաքելյան

Լուսանկարները՝ «Մարաշլեան» ֆոտոստուդիոյի


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել