• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

Ստանիսլավսկու անվան դրամատիկական թատրոնի բեմում փետրվարի 17-ին եւ 18-ին սիրային «խառնաշփոթ» էր. տեղի ունեցավ ֆրանսիացի հեղինակ Ռաֆֆի Շարտի «Կապի´ր ինձ ջեռուցման համակարգին» պիեսի հայկական բեմադրությունը՝ էլ ավելի ինտրիգային՝ «Կապի´ր ինձ մահճակալին» վերնագրի ներքո:

Ներկայացման ռեժիսոր Կարո Բալյանի խոսքով՝ այն, ինչ գեղեցիկ է հնչում ֆրանսերնով, հայերենում փոքր-ինչ երկար էր հնչում, այդ պատճառով էլ, օգտագործելով թատրոնի՝ գեղարվեստական փոփոխությունների դիմելու հնարավորությունը, որոշել են ոչ միայն փոփոխել պիեսի վերնագիրը, այլեւ կատարել որոշակի կրճատումներ՝ գործողությունների ընթացքն ու կերպարների երկխոսություններն ավելի հետաքրքիր դարձնելով հայ հանդիսատեսի համար:

Ներկայացման հերոսները մեկը մյուսից տարբեր, բայց միեւնույն ժամանակ` վառ ու էմոցիոնալ անհատականություններ են:  Նրանցից յուրաքանչյուրն իր ճակատագրական դերակատարումն է ունենում մյուսի կյանքում՝ իր գործողություններով արժանանալով հանդիսատեսի բուռն արձագանքին:

Հերոսներից մեկը փնտրում է սիրային ինտրիգներ՝ իր օրը հագեցնելով թեթեւաբարո կանանց հետ զվարճանքներով, մյուսը փորձում է ազատվել ալկոհոլային կախվածությունից եւ հայտնվում առաջինի ինտրիգների կիզակետում, ինչի արդյունքում տուժում է երրորդ հերոսը, եւ այսպես շարունակ...

«Այն, որ այս դաժան օրերին կարողանում ենք ծիծաղեցնել հանդիսատեսին, ես դրա համար ավելի ուրախ եմ, քան եթե դա անեինք սովորական օրերին. այս ծիծաղն ինձ համար ավելի արժեքավոր է»,-նշեց Կարո Բալյանը՝ հավելելով, որ երբեմն հանդիսատեսն անսպասելի էր արձագանքում.

«Լինում են բաներ, որոնց դեպքում չես սպասում, բայց մարդիկ ծիծաղում են, եւ լինում է նաեւ հակառակը: Դա էլ, իհարկե, կախված է դերասանի ներկայացնելուց: Ուրախ եմ, որ հաճախ էի լսում ծիծաղ»:

Ներկայացաման հերոսներին մարմնավորում են ճանաչված դերասաններ Մխիթար Ավետիսյանը, Լեւոն Հարությունյանը, Լիա Զախարյանը, Անդրանիկ Հարությունյանը, Անի Պետրոսյանը, Սաթենիկ Հազարյանը եւ Արա Սարգսյանը:

Ռեժիսորի խոսքով՝ լավ ծանոթ լինելով տվյալ դերասանների խաղին՝ իր ընտրությունը կանգ է առել է հենց նրանց վրա:

«Բոլորին էլ գիտեմ մշակութային ոլորտից: Բոլորի հետ էլ աշխատել եմ, բոլորին գիտեմ՝ որպես դերասաններ, բայց երկար տեւեց, մինչեւ վերջնական հասկացա, թե ում եմ տեսնում պիեսի կերպարներում»:

Խոսելով ներկայացման «հայաֆիկացման» մասին՝ Կարո Բալյանը նշեց.

«Հայկական տարբերակում կան մի շարք կրճատումներ, որովհետեւ Ռաֆֆի Շարտը պիեսը ֆրանսիական նորմայի մեջ է գրել: Ընդհանուր առմամբ՝ ցանկացել ենք հասնել նրան, որ հանդիսատեսի համար այն ծիծաղելի լինի, ինչը կարծում եմ՝ հիմա շատ է պակասում բոլորիս»:

«Կապի´ր ինձ մահճակալին» պիեսի հայկական բեմադրությունը հնարավոր է եղել հայ-ֆրանսիական «Modd-Events» կազմակերպության ջանքերով:

Ներկայացման ամենահետաքրքիր դրվագներին եւ դերասանների տպավորություններին առաջարկում ենք ծանոթանալ NEWS.am STYLE-ի պատրաստած ռեպորտաժում:

Սյունե Առաքելյան

Տեսանյութը՝ Մելինե Տոնոյանի

Լուսանկարները՝ Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում