• Zuhair Murad-ը մեղմացրել է սովորական շքեղությունը՝ միջերկրածովյան երանգ, ծոպեր և Մերիլին Մոնրոյից ոգեշնչված զգեստ

  Zuhair Murad-ը մի քայլով հեռացել է սովորական երեկոյան գլամուրից և ներկայացրել գարնանային ավելի թեթև ու անկաշկանդ պատրաստի հավաքածու․․․

• Մաթյո Բլազին հաղթական ելույթ է ունեցել Chanel-ի համար. Կոկո Շանել, թվիդ և մի փոքր համարձակություն  

  Մեկ տարի առաջ Մաթյո Բլազին իր դեբյուտն է կատարել Chanel-ի նորաձևության տան պոդիումին՝ բացելով նոր գլուխ լեգենդար տան պատմության մեջ։ Այժմ, 12 ամիս անց, նա վերադարձել է Grand Palais իսկական հաղթանակով՝ իր գարուն/ամառ 2027 հավաքածուով, որը և՛ սիրո խոստովանություն էր Կոկո Շանելի նկատմամբ, և՛ ապագայի խոստում...

• Elie Saab-ը վերադարձնում է 2000-ականների պաշտամունքային գեղագիտությունը և պատրաստում է բարձրակարգ համագործակցություն H&M-ի հետ

  Հենց Էլի Սաաբի զգեստն էր, որը Հոլի Բերին կրեց 2002 թվականին Օսկարի կարմիր գորգին և պատմություն ստեղծեց՝ լիբանանցի դիզայներին դարձնելով հանրահայտ…

• Miu Miu-ն և New Balance-ը վերամիավորվում են. Փարիզը տեսավ ապագայի սպորտային կոշիկները

  Miu Miu-ն Փարիզի նորաձևության շաբաթվա ընթացքում ներկայացրեց երկու նոր համագործակցություն…

• Դիտա ֆոն Թիզը նվաճեց Փարիզը. Քրիստիան Լուբուտենը պաշտամունքային կոշիկները վերածեց թատերական սենսացիայի

  Քրիստիան Լուբուտենը կրկին կոշիկի շնորհանդեսը վերածեց հիասքանչ թատերական ներկայացման…

• Valentino Գարուն/Ամառ 2027. Նորաձևությունը որպես անվերջ հնարավորություն  

  Մեկ երեկոյի ընթացքում Փարիզի Սենտ-Ժենևիևի գրադարանը վերածվել է Valentino-ի ամենատպավորիչ ցուցադրություններից մեկի բեմի։ Ստեղծագործական տնօրեն Ալեսանդրո Միշելը խնդրել է հյուրերին գրքեր բերել նվիրատվության համար՝ գարուն/ամառ 2027 հավաքածուն անվանելով «Հակա-գրադարան»...

• Hermès SS27. Շքեղություն, որը հեշտ է շնչել. Նադժե Վանհի-Սիբուլսկին ներկայացրել է եթերային հավաքածու  

  Ինչպիսի՞ն պետք է լինի զգեստապահարանը մի աշխարհում, որտեղ ամառները ավելի շոգ են դառնում: Hermès կանացի հագուստի շարքի գեղարվեստական ղեկավար Նադժե Վանհի-Սիբուլսկու համար պատասխանը պարզ է. այն պետք է ավելի թեթև դառնա...

• Հայկական ոճ. Գլամուրային աղջիկները նախընտրում են աշունը

  Բեժ գույնի տրենչքոթը կարող է հանգստանալ մինչև գարուն, քանի որ այս աշնանը նորաձև հայ կանայք փորձում են կովբոյական գլխարկ, փողկապ՝ թափանցիկ բլուզի վրայից, ջինսե բաճկոն՝ ոսկեգույն կոճակներով և կարմիր շրթներկի գույնի կոստյում․․․

Քչերին է հայտնի, որ իտալական Emporio Armani ապրանքանիշի՝ տղամարդկանց շարքի դիզայներներից մեկը հայ է: Ռիմա Կազումյանը ներկայում հայտնի ապրանքանիշի Senior դիզայներ է: Հենց նրա ստեղծած հագուստներով են Emporio Armani-ի մոդելները փայլուն համաշխարհային բեմերում:

Չնայած խիստ զբաղվածությանը, Ռիմա Կազումյանը ժամանակ գտավ պատասխանել NEWS.am STYLE-ի մի քանի հարցերին:

Ռիմա, մանկության տարիներին սիրո՞ւմ էիք Ձեր տիկնիկների համար հագուստ կարել:

Այո, իհարկե, ինչպես շատ աղջիկներ: Բայց ընտանիքիս շնորհիվ ես սկսեցի դրանով լրջորեն, պրոֆեսիոնալ մակարդակով զբաղվել:

Պատմեք, խնդրեմ, ե՞րբ եւ ինչպե՞ս է սկսվել Ձեր դիզայներական կարիերան:

Ես մանկության տարիներից հասկացա, որ ցանկանում եմ դիզայներ դառնալ: 11 տարեկանում սկսեցի «Ատեքս» նորաձեւության կենտրոնում նկարչության դասերի հաճախել: Դրան հետեւեցին գրաֆիկայի, մոդելավորման, հագուստի դիզայնի կուրսերը:

Իմ առաջին դիզայներական փորձն «Առաջին քայլ» մրցույթում էր, որտեղ ես առաջին տեղը գրավեցի: Այն ժամանակ 17 տարեկան էի: Հետո մասնակցեցի «Русский Силуэт» մրցույթին եւ արժանացա Գրան Պրի մրցանակի: Դրան հետեւեցին բազմաթիվ այլ հեղինակավոր մրցույթներ եւ պարգեւներ:

Իսկ ի՞նչ բարձրագույն կրթություն ունեք:

Ես ավարտել եմ Երեւանի Գեղարվեստի ակադեմիան, հետո սովորել եմ Լոնդոնում, Saint Martins քոլեջում, այնուհետեւ՝ Ֆլորենցիայում, Accademia Arte&Moda-ում: Ընդունվել եմ նաեւ Միլանի Istituto Marangoni-ի Master Design-ի բաժին: Գերազանց ավարտելուց հետո իրավունք ստացա մասնակցել ինստիտուտի լավագույն ուսանողների ցուցադրությանը:

Ինչպե՞ս հայտնվեցիք Emporio Armani-ում:

Istituto Marangoni-ն ավարտելուց հետո ինձ հրավիրեցին փորձաշրջան անցնել Frankie Morello-ում, իսկ հետո արդեն՝ Emporio Armani-ում: Փորձաշրջանից հետո առաջարկեցին ապրանքանիշի գլխավոր դիզայների օգնականի պաշտոնը: Այնուհետեւ սկսեցի աշխատել որպես դիզայներ, իսկ հիմա արդեն senior designer եմ:

Ինչո՞ւ հենց տղամարդկանց շարք: Այդպես ստացվե՞ց, թե՞ Դուք ընտրեցիք ուղղությունը:

Կարծում եմ՝ տղամարդկանց նորաձեւությունում աշխատելը հիմա ավելի հետաքրքիր է: Այն ավելի ինտենսիվ է զարգանում, իսկ ստեղծագործելու, երեւակայելու հնարավորությունն ավելի շատ է:

Ե՞րբ կթողարկվի Ձեր մասնակցությամբ արված հաջորդ հավաքածուն:

Emporio Armani-ի հաջորդ ցուցադրությունը կայանալու է 2014 թվականի հունվարին, Միլանի նորաձեւության շաբաթվա ընթացքում:

Ձեր կարծիքով, կա՞ որոշակի մանրուք, որը պետք է անպայման առկա լինի հենց հայ տղամարդկանց հագուստում:

Ցավոք, հայ տղամարդիկ շատ միատոն են հագնվում: Օգտվելով առիթից՝ կցանկանայի նրանց կոչ անել ավելի շատ բաց գույների հագուստ հագնել, ուշադրություն դարձնել աքսեսուարներին, մանրուքներին: Հաճախ սխալ ընտրված աքսեսուարները փչացնում են ամբողջ արտաքին տեսքը: Կարեւոր է, որ տղամարդիկ ոչ այնքան նորաձեւ, որքան նորաոճ տեսք ունենան: Ի դեպ, այդ վերաբերում է նաեւ կանանց:

Գտնել սեփական ոճը, անհատականությունը, միաժամանակ՝ հետեւել նորաձեւության միտումներին. ահա ինչին պետք է ձգտեն մեր տղամարդիկ: Այդ դյուրին չէ, հարկավոր է իմանալ նորաձեւության ժամանակակից ուղղությունները, նորաձեւության բնագավառում որոշակի գիտելիքներ ունենալ:

Ի դեպ, հայ տղամարդկանց մասին: Ընտրյալ ունե՞ք: Եթե այո, արդյո՞ք հայ է:

Ոչ, առայժմ ես ազատ եմ:

Հայաստանում վաղո՞ւց եք եղել:

Որպես կանոն, Հայաստան գալիս եմ արձակուրդներին: Ես աշխատանքային խիտ գրաֆիկ ունեմ եւ, ցավոք, հաճախ չեմ կարողանում տանը լինել: Բայց շատ եմ կարոտում: Երեւանում իմ տունն է, իմ հարազատները, ընկերները:

Եվ վերջում. կա՞ ինչ-որ բան, որ կցանկանայիք ասել NEWS.am STYLE-ի ընթերցողներին:

Ես մեր բոլոր ընթերցողներին ցանկանում եմ երջանկություն, առողջություն, հաջողություն բոլոր գործերում եւ բարեկեցություն:

Մարինա Ադուլյան

Հետևեք NEWS.am STYLE-ին Facebook-ում, Twitter-ում և Instagram-ում