• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

Հայտնի էստրադային հայ երգչուհի Էռնա Յուզբաշյանը լրագրողներին պատմել է Հայրենիք վերադառնալու հետ կապված զգացողությունները, ինչպես նաեւ սեպտեմբերի 28-ին կայանալիք իր համերգից ակնկալիքները:

Երգչուհին, ով այժմ մշտապես բնակվում է ԱՄՆ-ում, այս օրերին Երեւանում է: Այստեղ նա հանդես է գալու համերգով Music Week in Yerevan փառատոնի շրջանակում:

«Ես Հայրենիքում եմ: Էլ ինչպիսի՞ զգացողություններ պետք է ունենամ: Ես ծնվել եմ այս քաղաքում: Սա իմ քաղաքն է: Սա իմ երկիրն է, իմ քաղաքը, ես խոսում եմ իմ լեզվով, վերջ ի վերջո, ես հայ եմ: Դուք այդ չեք հասկանա: Դուք երբեք Բաքվում չեք ապրել, իսկ ես ապրել եմ… Որքան հպարտ էի ու երջանիկ, որ հայերով եմ շրջապատված»,- ասաց երգչուհին: Առաջիկա համերգը նա գնահատեց բեմում իր առաջին ելույթին համարժեք:

«Այս անգամ ծրագիրն ընտրանի է լինելու, այսինքն՝ կլինեն իմ երգացանկի գոհարները: Վերջ ի վերջո, համերգին կհնչեն Ռոբերտ Ամիրխանյանի երգերը` իմ ամենասիրելիները, որոնց առաջին կատարողը ես եմ եղել: Ի միջի այլոց, նրա երգերից մեկը ես առաջին անգամ ներկայացրեցի հայ հանդիսատեսին: Դա Ֆիլհարմոնիայի մեծ դահլիճում էր, Ցվետաեւայի բանաստեղծության հիման վրա գրված Մոնոլոգն էր`«Мой милый, что тебе я сделала» իր ստեղծագործական երեկոյի ժամանակ: Դա, կարծես, վերադարձ լինի դեպի 1981 թվականը` գրեթե 34 տարի հետ»,- նշեց Էռնա Յուզբաշյանը:

Երգչուհին խոստովանեց նաեւ, որ այժմ արդեն Հայրենիք վերադառնալու ուղղությամբ համարձակ քայլեր կատարելու համար «արդեն այն տարիքում չէ»:

«Մենք մեծանում ենք, ապրում օտար երկրում, օվկիանոսից այն կողմ, եւ այսպես անցնում է կյանքն առանց քեզ, քո Երեւանում: Ես արդեն այն տարիքում չեմ, որպեսզի համարձակ քայլեր անեմ… Համարձակ քայլը պետք է կատարի այն անձնավորությունը, ով կասի ինձ. «Վե՛րջ: Դու պետք է վեր կենաս եւ վերադառնաս Հայրենիք»:

Էռնա Յուզբաշյանը ծնվել է 1958 թվականին, Երեւանում, սակայն մինչեւ 20 տարեկանն ապրել է Բաքվում, ուր տեղափոխվել էր հոր հետ: Այնուհետեւ երգչուհին նորից փոխադրվել է Երեւան: Բեմում առաջին քայլերը նա արել է 16 տարեկանում` որպես «Գայա» Պետական ջազային կվարտետի մենակատար: Ռոբերտ Ամիրխանյանի հետ համագործակցության շնորհիվ երգչուհին ելույթ է ունենում Դնեպրոպետրովսկում կազմակերպվող Սովետական երգի երիտասարդ կատարողների մրցույթում:

1982 թվականին ԽՍՍՀՄ ժողովրդական արտիստ Կոնստանտին Օրբելյանը երգչուհուն հրավիրում է Հայաստանի պետական ջազային նվագախմբում աշխատելու: 1994 թվականին երգչուհին տեղափոխվում է ԱՄՆ, բայց մինչ օրս պարբերաբար այցելում է Հայրենիք:

Տեքստը` Լիլիթ Պետրոսյանի

Լուսանկարները` Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում