Վերջերս HBO հեռուստաալիքը հրապարակել էր «Գահերի խաղը» սերիալի փրիքվել հանդիսացող «Վիշապի տուն»-ը սերիալի առաջին կադրերը:
Մենք որոշեցինք պատմել, թե ինչի մասին է լինելու սերիալը, որն ակնհայտորեն հավակնում է իր «նախորդի» գահին։
«Վիշապի տունը» Ջորջ Մարտինի «Կրակ և արյուն» գրքի էկրանավորումն է։
Սերիալը կպատմի իրադարձությունների մասին, որոնք տեղի են ունեցել «Գահերի խաղը» սերիալից մոտ 170 տարի առաջ։ Գլխավոր գործող անձինք են լինելու Թարգարիեն իշխող տան անդամները։
Վիզերիս I Թարգարիենի մահից հետո Վեսթերոսում գահի համար պատերազմ է բռնկվում, որն ավելի հայտնի է որպես «Վիշապների պար»: Մի կողմից կլինի արքայադուստր Ռեյնիրա Թարգարիենը, որին կաջակցի, այսպես կոչված, «սեւերի» կուսակցությունը, մյուս կողմից ՝ արքայազն Էյգոն Թարգարիենը, որին աջակցում է «կանաչների» կուսակցությունը:
Սկզբնաղբյուրից և որոշ ինսայդերներից մենք կարող ենք ենթադրել, որ բացի ոլորված սյուժեից, մեզ կցուցադրվեն երկու կողմերի վիշապների մասնակցությամբ շատ դիտարժան մարտեր, որոնք խիստ պակասում են «Գահերի խաղում»:
Գլխավոր դերակատարները հիմնականում կլինեն բրիտանացի դերասաններ։
Պեդդի Կոնսիդայն-Վիզերիս I Թարգարիեն.
Մեթ Սմիթ-Դեյմոն Թարգարիեն.
Օլիվիա Քուկ-Ալիսենտա Հայթաուեր.
Էմմա Դ ' Արսի-Ռեյնիրա Թարգարիեն.
Սթիվ Թուսսեն-Կորլիսս Վելարիոն․
Իվ Բեսթ-Ռեյնիս Վելարիոն.
Ենթադրվում է, որ սերիալի գլխավոր հերոս կդառնա Դեյմոն Թարգարիենը (Ռեյնիրա թագուհու քեռին և միաժամանակ ամուսինը)՝ տաղանդավոր Մեթ Սմիթի կատարմամբ:
Որպես սերիալի շոուրաներ հանդես կգա Միգել Սապոչնիկը, որը «Գահերի խաղի» բազմաթիվ սերիաների ռեժիսորն է. հենց նա էլ կնկարահանի «Վիշապի տան» առաջին դրվագը:
Կոմպոզիտորն է Ռամին Ջավադին, որը «Գահերի խաղին» նվիրել է անմոռանալի սաունդտրեքներ։
Սերիալի նկարահանումները սկսվել են Մեծ Բրիտանիայում 2021 թվականի ապրիլին։ Առաջին եթերաշրջանի պրեմիերան, որը կներառի տասը դրվագներ, նախատեսված է 2022 թվականին։
Առայժմ հստակ հայտնի չէ՝ արդյո՞ք ցուցադրությունը կլինի դասական տարբերակով (այսինքն, շաբաթական մեկ սերիա), թե՞ ինչպես ստրիմինգ-հարթակներում, այսինքն, ամբողջ սեզոնը միանգամից: Մենք ենթադրում ենք, որ, այնուամենայնիվ, HBO կգնա դասական տարբերակով։
Մենք վստահ ենք, որ մեկնարկի ժամանակ այն կունենա բարձր վարկանիշ, իսկ հետո ամեն ինչ կախված կլինի սցենարի որակից, բեմադրությունից եւ դերասանական խաղից։ Մեզ համար գլխավորն այն է, որ «նախորդի» պես ամեն ինչ չավարտվի մեծ փշիկով։
Նորայր Նազարյան
Հետևեք NEWS.am STYLE-ին Facebook-ում, Twitter-ում և Instagram-ում
19:33, 27 հունիսի
Աշխարհի ամենահարուստ մարդն աշխատում է օրական 24 ժամ. երբ քնում է՝ նոր գաղափարներ է տեսնում երազում17:05, 27 հունիսի
«Մենք չենք մեկնում այս անգամ «Սլավյանսկի Բազար» մրցույթին, քանի որ իրավիճակը բավականին լուրջ է եւ պատասխանատու». Սյուզաննա Մելքոնյան16:13, 27 հունիսի
75-ամյա Վերա Վոնգն ապացուցում է, որ գտել է երիտասարդության բանաձեւը15:23, 27 հունիսի
Քորթնի Քարդաշյանը պատմել է իր վախերի մասին՝ կապված հեշտոցի «արտանկման» հետ ծննդաբերությունից հետո14:33, 27 հունիսի
59-ամյա Պաուլինա Պորիզկովան բիկինիով. «Որքան մեծ, այնքան լավ»13:43, 27 հունիսի
Բրիթնի Սփիրսը «դավաճանված» է զգում պապարացիների վերջին լուսանկարների պատճառով13:07, 27 հունիսի
Նրբագեղ Սելենա Գոմեսը պապիկի հետ՝ ձեռք ձեռքի տված12:12, 27 հունիսի
Թոմ Քրուզի դուստրը հրաժարվել է հոր ազգանունից11:21, 27 հունիսի
Աննա Նետրեբկոն և Յուսիֆ Էյվազովը հայտարարել են ամուսնալուծության մասին10:56, 27 հունիսի
Քեթի Փերին ներկայացել է սադրիչ կերպարով՝ Բիանկա Սենսորիի ոճով10:18, 27 հունիսի
Քիմ Քարդաշյանը սուզվել է 1960-ականների դարաշրջանի վինտաժային մթնոլորտի մեջ09:00, 27 հունիսի
ՀՈւՆԻՍԻ 27-ի ՁԵՐ ՌՈՄԱՆՏԻԿ ՀՈՐՈՍԿՈՊԸ