«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

Հայտնիներն ու զարգացման տարբեր առանձնահատկություններ ունեցող երախաները՝ մեկ բեմում. Երեւանում երկրորդ անգամ կանցկացվի «Կողք կողքի» փառատոնը (տեսանյութ)

14:05, 28 սեպտեմբերի

Հոկտեմբերի 1-ին եւ 4-ին Երեւանի Հովհաննես Թումանյանի անվան պետական տիկնիկային թատրոնում կկայանա «Կողք կողքի» երաժշտական ներառական-արտ փառատոնը, որի նպատակն է լսելի դարձնել զարգացման տարբեր առանձնահատկություններ ունեցող երեխաների ձայներն ու կարողությունները:

Փառատոնն արդեն երկրորդ անգամ է անցկացվում Երեւանում: Դրան մասնակցում են Երեւանի եւ մարզերի տարբեր վերականգնողական կենտրոնների սաները:

«Կողք կողքի» երաժշտական ներառական-արտ փառատոնի հիմնադիր-ղեկավար, երաժշտաթերապեւտ Նաիրա Սարգսյանը ուրախությամբ է նշում, որ առաջին փառատոնը մոտիվացնող ներուժ է ունեցել իրենց սաների վրա՝ ստիպելով, որ էլ ավելի ոգեւորված պատրաստվեն գալիք համերգներին: Երեխաներին այս հարցում աջակցելու են նաեւ հայկական երգարվեստի ճանաչված դեմքերից շատերը:

Այս նախաձեռնության ու փառատոնի մանրամասների շուրջ NEWS.am STYLE-ը զրուցել է Նաիրա Սարգսյանի հետ.

««Կողք կոքի» երաժշտական ներառական-արտ փառատոնն ստեղծելու գաղափարն ինձ մոտ ծագեց այն ժամանակ, երբ երաժշտական թերապիայի ընթացքում հասկացա, որ երեխաներն ասելիք ունեն, բեմից կարող են ներկայանալ եւ հանրությանն ինչ-որ բան ասել իրենց կատարումով եւ երաժշտական կարողությունով: 2019 թ-ին՝ ԿԳՄՍ նախարարության ներքո տեղի ունեցավ մեր առաջին փառատոնը: Փառատոնին ներգրավված էին տարբեր ներառական կազմակերպություններ»,-պատմում է նա՝ հավելելով,-«Փառատոնն իր ձեւաչափով տարբերվում է նրանով, որ այն բացի երեխաներից ներառում է տարբեր անվանի երաժիշտների. մասնակցում են Ռուբեն Հախվերդյանը, Միքայել Ոսկանյան եւ ընկերներ բենդը, Գոռ Սուջյանը, Վահագն Հայրապետյանը, «Նեմրա», «Լավ էլի», Hope for Coffee խմբերը, Աննա-Անահիտ Մխիթարյան քույրերը եւ այլք: Փառատոնին մասնակցության հայտ են ներկայացրել Սեւանի, Գյումրու, Սպիտակի, Իջեւանի եւ Երեւանի բոլոր վերականգնողական կենտրոնները»:

Փառատոնին երեխաները ներկայանալու են ոչ միայն երաժտական համարներով, այլեւ՝ իրենց ձեռքի աշխատանքներով:

Անդրադառնալով տվյալ փառատոնն անցկացնելու կարեւորությանը՝ Նաիրա Սարգսյանն ընդգծեց.

«Այս փառատոնը մեծ հնարավորություն է տալիս երախաներին լսելի լինելու, մեր շրջապատում ավելի ներագրավվելու, ինչն իրենց շատ է պակասում, եւ մեր հասարակության մեջ ներառական մտածողությունն է սերմանվում: Նպատակն է նաեւ մեր երեխաների համար ստեղծագործական միջավայր ստեղծելը, ինչն իրենց կրկին շատ անհրաժեշտ է»:

Փառատոնը տեղի կունենա ԿԳՄՍ նախարարության, «Աուտիզմ» ազգային հիմնադրամի եւ SOAR կազմակերպության հովանու ներքո: Ավելի մանրամասն՝ տեսանյութում:

Սյունե Առաքելյան

Օպերատոր՝ Ալեքս Խաչատրյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search