«Սրտի վալետ». նոր հումորային սիթքոմի մանրամասները. BACKSTAGE

Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Ստաս Նամինը Հայաստանում է. Երեւանում այսօր կկայանա հայազգի անվանի երաժիշտի 70-ամյակին նվիրված համերգ

17:25, 30 նոյեմբերի

Հայազգի հայտնի արվեստսգեստ, սիրված ռոք երաժիշտ, կոմպոզիտոր, ռեժիսոր եւ պրոդյուսեր Ստաս Նամինը Հայաստանի ազգային ֆիլհարմոնիկ նվագախմբի հետ համատեղ այսօր՝ նոյեմբերի 30-ին, Արամ Խաչատրյան համերգասրահում կներկայանա իր 70-ամյակին նվիրված հոբելյանական համերգով: Երեկոյի ընթացքում կհնչեն Նամինի «Աշունը Սանկտ Պետերբուրգում» սիմֆոնիկ սյուիտը, «Արատներ եւ սեր» բալետից «Առերեսում» հատվածը եւ Centuria S-QUARK սիմֆոնիան: Համերգը կղեկավարի ՀԱՖՆ-ի գեղարվեստական ղեկավար եւ դիրիժոր Էդուարդ Թոփչյանը:

«Ինձ համար մեծ պատիվ է, որ Էդուարդ Թոփչյանի պես մեծ դիրիժորը մի ամբողջ համերգ է նվիրում իմ ստեղծագործություններին: Համերգի առաջին հատվածում կհնչեն ռոմանտիկ, երկրորդում կլինեն ավելի բարդ ստեղծագործություններ»,-այսօր՝ համերգին նվիրված ասուլիսի ժամանակ նշեց Ստաս Նամինը,-«Երեկ եղել եմ համերգի փորձին ու շատ տպավորված եմ նվագախմբի աշխատանքով: Հաճելի է ու ուրախալի, որ ունեմ նման հրավեր, եւ որ Հայաստանում ինձ միշտ մեծահոգի մարդիկ են հանդիպում»:

No description available.

Նամինի ոգեւորությունը կիսում է նաեւ Էդուարդ Թոփչյանը: Նա նշեց, որ հայազգի մեծանուն երաժշտի կողքին կանգնելն ու նրա հետ համագործակցելը իր եւ նվագախմբի համար էլ է մեծ պատիվ.

«Ստաս Նամինը ոչ միայն լեգենդար երաժիշտ է, այլեւ մեծ մարդ` ինչպիսին իր երաժշտության մեջ է, այնպիսին էլ կյանքում է: Նա ոչ միայն ստեղծագործում է, գրում բարդ երաժշտություն, այլեւ փայլուն լուսանկարիչ ու գեղանկարիչ է: Մեզ համար սա ոչ միայն պատիվ է, այլեւ՝ մեծ պատասխանատվություն»,-նշեց նա:

Ստաս Նամինը (Անաստաս Ալեքսեյի Միկոյան) ծնվել է 1951թ-ին Մոսկվայում: Նրա պապը՝ ԽՍՀՄ հայտնի պետական, քաղաքական գործիչ Անաստաս Միկոյանն է: Պապի հարազատ եղբայրը՝ Արտեմ Միկոյանը, լեգենդար խորհրդային ավիակոնստրուկտոր, ՄիԳ կործանիչի հեղինակն է: Նամինի հայրը գեներալ-լեյտենանտ, վաստակավոր ռազմական օդաչու էր, մայրը՝ Նամի Միկոյանը (Հարությունովա) ավարտել է կոնսերվատորիան իբրեւ դաշնակահար եւ տեսաբան:

Նամինի առաջին ուսուցիչը երաժշտության մեջ Առնո Բաբաջանյանն էր: Իսկ եկրորդը, ինչպես ինքն է նշում, Օհան Դուրյանը: Երաժիշտն այսօր էլ առանձնահատուկ խանդավառությամբ է խոսում նրանց մասին:

No description available.

«Բաբաջանյանը մեր ընտանիքի լավ ընկերն էր, հաճախ էր լինում մեր տանը: Նա հրաշալի ու ջերմ անձնավորություն էր՝ անկեղծ ու հանճարեղ»,-հիշեց Նամինը ու կատակով հավելեց,- «Գիտե՞ք նա մի փոքր ալարկոտ էր, եթե այդ հատկանիշը չլիներ, հաստատ, ավելի շատ գործեր թողած կլիներ»:

Իր եւ Հայաստանի կապը Ստաս Նամինը «տարօրինակ» է համարում: Հայաստան կատարած իր այցից 35 տարի անց էր միայն տարիներ առաջ հրավեր ստացել այստեղ ելույթ ունենալու, բայց առանձնահատուկ սիրով ու հպարտությամբ է ասում՝ Հայաստանն առաջին երկրներից էր, որտեղ ռոքը զարգացում ապրեց:

Ի դեպ, Հայաստանի ազգային ֆիլհարմոնիկ նվագախմբի գլխավոր պրոդյուսեր Արման Պադարյանը չբացառեց, որ Նամինի հետ համատեղ հաջորդ համերգը, գուցե, հենց այդ ժանրում լինի:

«Հուսով եմ՝ այս համերգին կհաջորդեն շատերը: Միգուցե, հաջորդ անգամ ռոք համերգ կազմակերպենք ու նա նվագի իր հայտնի ու սիրված գործերից շատերը»,-իր խոսքում նշեց նա:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել