• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

Երգչուհի Աստղիկ Սաֆարյանն Ամանորը դիմավորելու է տանը՝ ընտանիքի հետ միասին: Մեր զրույցից առաջ երգչուհին ինքն էլ նախապատրաստական աշխատանքների մեջ էր, բայց չնայած զբաղվածությանը՝ սիրով համաձայնվեց NEWS.am STYLE-ի հետ միասին ամփոփել տարին ու պատմել 2022-ից իր սպասումների մասին:

«Աշխատանքային առումով շատ լեցուն, շատ բուռն ու շատ զբաղված տարի էր»,-այսպես է Աստղիկը բնորոշում 2021-ն ու ուրախությամբ հավելում, որ այս տարի ձեռքբերումներն ավելի շատ են եղել.

 
«Այս տարի ձեռքբերումներս նժարի վրա ավելի ծանր կողմն են զբաղեցնում, քան կորուստներս։ Բայց ցավոք՝ հաճախ ձեռքբերումներն ուղիղ համեմատական են լինում որոշ մարդկանց կորստին, քանի որ ամեն ձեռքբերումովդ վերաճանաչում ես քեզ շրջապատող մարդկանց ու հասկանում, թե նրանցից ով է արժանի «ընկեր» որակավորմանը եւ ով՝ ոչ»։

2021-ի ընթացքում Աստղիկի երաժշտական նորությունները հագեցած էին՝ հասցրեց թողարկել իր 4-րդ՝ «Դու ուժեղ ես» ձայնասկավառակը, ունեցավ շատ համերգներ՝ ոչ միայն Երեւանում, այլեւ որոշ մարզերում, ներկայացրեց նոր՝ «Հայաստան» տեսահոլովակն ու եւս մեկը նկարահանեց, որը իր իսկ խոսքով՝ կներկայացնի 2022-ի ընթացքում:  

«Ունեցա նաեւ շատ հարցազրույցներ լրատվական եւ հեռուստա-ռադիո հարթակներում, արեցի նոր ֆոտոշարքեր, որոնք եւս կներկայացնեմ հաջորդ տարի, ինչպես նաեւ աշխատել եմ շատ նախագծերի ստեղծման վրա, որոնց փակագծերը դեռ չեմ բացում։ Մի շարք նորաձեւության միջոցառումներին հանդես եմ եկել, որպես միջոցառման վարող։ Իմ ստեղծած ապրանքանիշի գծով արեցի ռե-բրենդինգ, շուտով այն կներկայանա նորովի՝ նոր անուն, նոր ապրանքանշան, նոր տեսականի։ Ամբողջ տարվա ընթացքում շատ ընկերությունների եւ ապրանքանիշերի հետ համագործակցեցի, որպես ինֆլուենսեր՝ որոշների դեպքում հանդիսանալով դրանց դեմքը։ Այս տարի ոչ մի ազատ օր չեմ ունեցել, գրեթե ամեն օրս լեցուն է եղել աշխատանքով, ինչի համար շատ ուրախ եմ ու գոհ»,-հավելեց երգչուհին:

 
Ինչ վերաբերում է ամանորյա պատրաստություններին՝ Աստղիկը եւս դրանցից անմասն չի մնում. նրա հյուրերը կկարողանան համտեսել մի քանի  ուտեստ, որոնք հենց երգչուհին է պատրաստել.

«Ավելորդ համեստություն չանեմ եւ անկեղծ ասեմ, որ ես, գրեթե, ամեն ինչ պատրաստում եմ ու այն էլ՝ համեղ. թե´ նրբաբլիթները, եւ թե´ տարատեսակ աղցանները միշտ ինքս եմ պատրաստել Ամանորին, բացի դոլմայից, քանի որ մեր տանը դոլմայի «մենաշնորհը» պատկանում է քրոջս»,-կատակեց նա:

Աստղիկը հավելեց, որ ամեն Նոր տարուն փորձում է այնպես անել, որ աշխատանքը չխանգարի տոնն ընտանիքի հետ դիմավորելուն.

«Գերադասում եմ հնարավորինս շատ ժամանակ անցկացնել ընտանիքիս հետ, քանի որ ըստ իս՝ Ամանորն ամենաընտանեկան տոնն է, եւ այդ պատճառով, երբ ընդունում եմ Ամանորի գիշերն աշխատելու առաջարկներ, փորձում եմ դա հարմարեցնել գոնե 00:30-ից հետո, որպեսզի բուն տարեմուտը դիմավորեմ ընտանեկան միջավայրում, իսկ հետո աշխատեմ»։

Երգուհին վստահեցրեց, որ 2021-ին հասցրել է իրականացնել, նույնիսկ, ավելին, քան ծրագրել էր, իսկ 2022-ից սպասելիքներն ավելի շատ են.

«2022-ը Վագրի տարի է՝ իմ տարին, եւ սպասելիքներս մի քիչ ավելին են, քան որեւէ այլ տարուց։ Գործնական առումով ակնկալում եմ էլ ավելի շատ աշխատանքների իրականացում, իսկ անձնականիցս սպասում եմ, որ վերջապես հանդիպեմ այն մեկին, ում կսիրեմ եւ ում հետ կցանկանամ կազմել ընտանիք։ Ես լավ գիտեմ, որ իմ լսարանը, ինձ հետեւողներն ինձանից շատ են դա կամենում ինձ եւ սրտանց մաղթում են, որ վերջապես գտնեմ իմ երկրորդ կեսին, ինչի համար շնորհակալ եմ: Հուսամ՝ այդ առումով եւս կկարողանամ էլ ավելի ուրախացնել նրանց։ Կարծում եմ՝ սա գեղեցիկ օրինակ պետք է ծառայի բոլորիս, որպեսզի մեկս մյուսի համար միայն լավը կամենանք եւ ուրախ լինենք միմյանց երջանկությամբ ու հաջողությամբ»,-նշեց նա, իսկ վերջում կիսվեց իր ամանորյա բարեմաղթանաքով.

«Այս տարվա ամանորյա մաղթանքս հստակ է՝ մեր երկրին՝ Խաղաղություն, մեր զինվորին՝ ուժ, իսկ մեզ՝ հանդուրժողականություն, սեր ու համերաշխություն։ Եկեք այս տարի փորձենք մեկս մյուսին մի քիչ ավելի լավ վերաբերվել եւ մի քիչ ավելի շատ սիրել միմյանց։ Շնորհավոր Ամանոր և Սուրբ Ծնունդ»։

Սյունե Առաքելյան

Լուսանկարները ` Հայկ Ալեքսանյանի

Հետևեք NEWS.am STYLE-ին Facebook-ում, Twitter-ում և Instagram-ում