Դերասանուհի, մոդել Սրբուհի Ավանեսյանն այսօր՝ հունվարի 17-ին, նշում է ծննդյան 25-ամյակը: NEWS.am STYLE-ի հետ զրույցում Սրբուհին նշեց, որ այս տարի տարօրինակ հասունություն է իր մեջ բացահայտել, բայց հավելեց, որ այն աղջիկներից չէ, որոնք վախենում են խոսել տարիքի մասին ու խուսափում են դրան վերաբերող հարցադրումներից:
«Դառնում եմ 25 տարեկան: Տարիքիս մասին խոսել սիրում եմ, չունեմ այնպիսի կարծրատիպ, որ եթե աղջիկ եմ, ուրեմն պետք է տարիքս չբարձրաձայնեմ: Ինձ միշտ ասում էին, որ 25-ից հետո կյանքը փոխվում է, չգիտեմ՝ այդպես է, թե ոչ, բայց արդեն ունեմ որոշակի զգացողություն»,-ասաց նա՝ խոստովանելով, որ թեեւ ամեն տարի ծննդյան օրն անակնկալի սպասումով էր արթնանում, այս տարի նման սպասելիքներ չի ունեցել.
«Այլ կերպ եմ սկսել վերաբերվել իմ տարիքին՝ ավելի հասուն կերպ: Չէի կարծում, որ մեկ տարին կարող էր այդքան շատ բան փոխել իմ մեջ, բայց, փաստորեն, փոխել է: Այսօր մի տեսակ հանգիստ եմ: Այնպիսի տպավորություն է, թե պետք է լրջանամ ու անցնեմ գործի»:
Ծննդյան մեկնարկը մոդել-դերասանուհին դիմավորել է մտերիմ ընկերների հետ, ասում է՝ այդկերպ ծնունդ նշելն արդեն ավանդույթ է դարձել: Հարցին՝ արդյոք կա՞ր մեկը, որի շնորհավորանքին ամենաշատն էր սպասում, Սրբուհին պատասխանեց.
«Չկա մեկը, որի շնորհավորանքին սպասում էի, որովհետեւ բոլորն էլ արդեն հասցրել են շնորհավորել: Իհարկե, ինձ համար ամենակարեւոր շնորհավորաքը մայրիկինս է. նա այն մարդն է, որը միշտ ինձ առաջինն է շնորհավորում ու առաջին նվերը հենց ինքն է տալիս: Երբ փոքր էի, ու գալիս էին ծնունդս շնորհավորելու, ինձ հաճախ գումար էին տալիս ու շատ նվերներ, բայց ծաղկեփունջ չէին նվիրում, ու մայրիկս միակ մարդն է, որ ծնունդիս ինձ միշտ ծաղկեփունջ է տալիս, քանի որ ասում է՝ գիտի, թե ես որքան եմ ծաղիկներ սիրում: Միշտ ծաղկեփունջը ձեռքին արթնացնում է ինձ ու շնորհավորում»:
Անդրադառնալով սպասելիքներին ու տարվա կտրվածքով իր անելիքներին՝ մոդելը նշեց.
«Ուզում եմ այս տարվա մեջ հասնել այն ամենին, որ հաջորդ ծննդյանս օրը հետ նայեմ ու ասեմ՝ ապրի Սրբուկը, որ այսքան բան հասցրեց անել: Առհասարակ, ես ունեմ նման սովորություն՝ ամեն ծննդյանս նախորդող օրը վերլուծում եմ, թե ինչ եմ արել տվյալ տարվա ընթացքում, ինչի եմ հասել, ինչ եմ բաց թողել… ու ցանկանում եմ ամեն տարի այդ օրը հպարտանալ իմ արածներով՝ լինի դա կարիերայում, թե անձնական կյանքում»:
Ինչ վերաբերում է այս տարվա ծննդյան խնջույքին՝ Սրբուհին այնպես է դասավորելու իր օրը, որպեսզի ժամանակ հատկացնի թե´ ընտանիքի ադամներին, թե´ ընկերներին.
«Ծնունդս որոշել եմ տարօրինակ ձեւով նշել՝ նախ՝ միայն ընտանիքիս անդամների հետ ցանկանում եմ նշել ռեստորաններից մեկում, այնուհետեւ կլինի afterparty` ընկերներիս հետ, որոնց հետ եւս կցանկանայի այս օրը կիսել: Այդ պատճառով այս տարի որոշեցի ժամանակ տրամադրել ե´ւ ընտանիքիս, ե´ւ ընկերներիս, քանի որ նրանք բոլորն էլ ինձ համար անչափ կարեւոր են»:
Սյունե Առաքելյան
Լուսանկարները՝ Սրբուհի Ավանեսյանի ֆեյսբուքյան էջից
Հետևեք NEWS.am STYLE-ին Facebook-ում, Twitter-ում և Instagram-ում
23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը