• «Ծաղկի գրավչությունն իր հակասությունների մեջ է»․ Լուսինե Թովմասյան (ֆոտո)

  Ոճային․․․

• «Չէի ասի, որ կանայք զուրկ են բնավորությունից, ուղղակի նրանք ամեն օր նոր բնավորություն ունեն»․ Ռոմելա Սարգսյան (ֆոտո)

  Նոր ֆոտոշարք․․․

• Պամելա Անդերսոնը խոստովանել է, որ հուշերի վրա աշխատելիս գիրացել է 11 կիլոգրամով

  Խենթություն էր․․․

• «Հայրենիքը սիրում ես ոչ թե նրա համար, որ մեծ է, այլ նրա համար, որ քոնն է»․ Ծովինար Մարտիրոսյան

  Նոր հրապարակում․․․

• «Հպարտ եմ, որ քո զինվորն եմ»․ Վլադիմիր Արզումանյան

  Արխիվային լուսանկար, զինվորական համազգեստ․․․

• «Կար ժամանակ, երբ ծնողները հանգիստ էին, որ իրենց որդիներն անցնում են տղամարդու կյանքի այս կարեւոր փուլը...»․ Գրիգոր Դանիելյան

  Արխիվային կադրեր․․․

• Ինչպե՞ս է ընթանալու «Երգ երգոց. նոր ձայներ» մրցույթը. Խորեն Լեւոնյանն ու Հրաչ Քեշիշյանը՝ նոր նախագծի ձեւաչափի ու նպատակների մասին

  13 տարվա պատմություն ունեցող «Երգ երգոց»-ին զուգահեռ՝ Առաջին ալիքը մեկնարկում է «Երգ երգոց. նոր ձայներ» համահայկական մրցույթը...

• «Որդիս իմ համար ամենալավն է, բայց մյուսների որդիներից հաստատ ավելի լավը չէ, ինքը գիտի, որ պարտավոր է ծառայելու»․ Ռուբեն Մխիթարյան (ֆոտո)

  Պետություն լինելու է։ Բանակ լինելու է․․․

«Միսս Երեւան 2021» տիտղոսի հաղթող ԷմմանուԷլլա Գրիգորյանը շարունակում է մոդելային ակտիվ գործունեություն ծավալել Հնդկաստանում: Վերջերս հայուհին նկարահանվել է Collective մուլտի բրենդի գովազդային արշավում, որտեղ ներկայացրել է հայտնի բրենդների հագուստներ, ու պարբերաբար հայտնվում է Հնդկաստանի ամենահայտնի ամսագրերի շապիկներին: Երեւանի ամենագեղեցիկ աղջկա տիտղոսին արժանացած հայուհին, սակայն, խոստովանում է, որ Հայաստանից հեռու գտնվելով հաճախ է կարոտում հայրենիքն ու ընտանիքի անդամներին, ինչը երբեմն տխրելու առիթ է դառնում:

NEWS.am STYLE-ի հետ զրույցում ԷմմանուԷլլան պատմել է Մումբայում ընտրյալի ու ընկերների հետ անցկացրած ծննդյան տարեդարձի, տիտղոսի ու դրա կարեւորության, հայտնի զարմուհու` Իվետա Մուկուչյանի հետ մտերմության ու առաջիկա նորությունների մասին:

ԷմմանուԷլլան ապրիլի 17-ին դարձել է 29 տարեկան. մոդելը ծննդյան տարեդաձը նշել է սիրելիի ու ընկերների հետ: Նա պատմեց, որ անմոռանալի ժամանակ է անցկացրել, սակայն այն լիարժեք չի համարում առանց ընտանիքի անդամների ներկայության.

«Ծննդյանս օրն անցկացրի ընկերոջս տանը` օվկիանոսի ափին, տարբեր ազգերի ներկայացուցիչների մարդկանց հետ: Արդեն երրորդ տարին է` տարեդարձս անցնում է առանց ընտաիքիս անդամների, սակայն այս տարի որոշել ենք վերադառնալուցս հետո միասին նշել: Կարծում եմ` Հայաստանում կլինեմ մոտ 2-3 ամսից»:

Մոդելը որոշել է` չնայած իր հիմնական զբաղվածությունը Հնդկաստանում է, պետք է ավելի հաճախ գա հայրենիք.

«Հիմնականում Հնդկատնում եմ լինում, նախորդ անգամ Հայաստան վերադարձել էի մեկնելուցս երկու տարի անց, սակայն որոշել եմ, որ այլեւս այդպես չեմ անի, քանի որ շատ էի կարոտել...»:

ԷմմանուԷլլայի խոսքով` «Միսս Երեւան 2021» տիտղոսը կարեւորվել է նաեւ Հնդկաստանի իր գործընկերերի կողմից.

«Գեղեցկության մրցույթներին այստեղ ավելի մեծ տեղ են տալիս, քանի որ համարում են` դա նաեւ կարեւոր հարթակ է նշանակալից հարցերում ձայնդ բարձրացնելու համար: Շատ ուրախ եմ, որ այս միջավայրում հնարավորություն ունեմ այստեղի մարդկանց ծանոթացնելու Հայաստանի հետ, մեր մշակույթին, պատմությանը... Շատերն ինձանից են իմացել ցեղասպանության ու պատերազմի մասին, ապշում են, որ աշխարհը լուռ է: Վերադառնալով թագին` նշեմ, որ այն այժմ ինձ մոտ է, ու շուտով Մումբայում գեղեցիկ նկարահանում կունենամ դրանով»:

Տիտղոսակիր գեղեցկուհին չի անտեսում նաեւ թագի հետ իրեն փոխանցված պարտականությունները.

«Շուտով վերադառնալու եմ Հայաստան` ներկա լինելու «Միսս ուսանողուհի» մրցույթին, որը տեղի է ունենալու հունիսի 8-ին: Փոխանցելու եմ հաղթող գեղեցկուհու թագը, այնուհետեւ Երեւանից մեկնելու եմ Փարիզ, հանդիպելու եմ այնտեղի հայ համայնքին, կունենամ նաեւ այլ կարեւոր տեսակցություններ»:
ԷմմանուԷլլան հաճախ ընտանեկան լուսանկարներ է հրապարակում, որոնցից շատերում հայտնի զարմուհու` Իվետա Մուկուչյանի հետ է: Խոսելով իրենց հարաբերություններից` մոդելը նշեց.

«Սիրում ենք հավաքվել քույրերով, սակայն, իրականում, հաճախ չենք կարողանում տեսնվել ճամփորդությունների պատճառով: Բայց երբ հայտնվում ենք նույն երկրում, տաքուկ հանդիպումներ ենք կազմակերպում: Իվետան, բացի քույր լինելուց, ինձ համար դեռ մանկուց եղել է ուժեղ կնոջ օրինակ. սիրում եմ լսել նրան, սիրում եմ նրա էներգիան»:

Անդրադառնալով իր առաջիկա նորություններին` ԷմմանուԷլլան նշեց, որ շուտով կյանքի կկոչի իր վաղեմի նպատակներց մեկը.

«Ցանկանում եմ Մումբայում ստեղծել հայկական դետալներով հագուստի բրենդ, ուրախ եմ տեղեկացնել, որ առաջին շապիկներն արդեն գծագրել եմ»:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում