• Balenciaga-ի շուրջ սկանդալից հետո Քիմ Քարդաշյանն առաջին անգամ նկարահանվել է բրենդի արշավում

  Քիմ Քարդաշյանը կրկին ռիսկի է դիմել՝ Balenciaga-ի շուրջ սկանդալից հետո առաջին անգամ նկարահանվելով բրենդի գովազդային արշավում...

• Միլանի նորաձեւության շաբաթվա ընթացքում The Muse հայկական բրենդը մեծ էկրանին ցուցադրել է Ստեփանակերտի ռմբակոծությունը

  «The Muse»-ը խնդրում է կանգնել Արցախի հայերի կողքին...

• Հին Հոլիվուդի սեւ-սպիտակ երազանքը՝ Հարիս Ռիդի հավաքածուում

  Այս հավաքածուի նպատակն էր հարգանքի տուրք մատուցել «դյութիչ եւ չափազանցված կանացիությանը»՝ զարգացնելով մի գաղափար, որը միշտ գոյություն է ունեցել Ռիդի հավաքածուներում․․․

• Յուրաքանչյուր Real It Girl հագնում է Tory Burch

  Ճշմարիտ It-girl կրում է Tory Burch, քանի որ նրա հագուստը նրբագեղության եւ զիլության հավասարակշռություն է․․․

• Apple-ը եւ Hermès-ը շարունակում են ընդլայնել իրենց համագործակցությունը

  Վերջին հավաքածուն խանութներում կհայտնվի սեպտեմբերի 22-ին․․․

• Michael Kors-ը յուրովի է մեկնաբանել ներկայումս հայտնի «մերկ միտումը»

  Սա, անշուշտ, մերկ հագուստը վերանայելու եղանակներից մեկն է՝ դարձնելով այն եւ՛ համեստ, եւ՛ բարդ․․․

• Wish List․ Alexander McQueen-ի Seal Bag պայուսակ

  Նրբագեղ եւ էլեգանտ պայուսակ․․․

• Palomo Spain SS24-ը մարտահրավեր է նետել ավանդական տղամարդկանց հագուստին

  Մարդը երկու կողմ ունի․․․

«Parizyans Jelly» բրենդը, որն այսօր դոնդողյա տորթերի սիրահարների համար ամենապահանջված ապրանքանիշներից է, ունի ստեղծման հետաքրքիր ու յուրահատուկ պատմություն․ բրենդի հիմնադիր Կարինե Հովեյանը դեռեւս 5 տարի առաջ չէր էլ կարող պատկերացնել, որ իր սիրելի հոբբին մի օր դառնալու է հաջողված բիզնես ու արժանանալու ոլորտի ամենապատվավոր հավաստագրերին, մրցանակներին եւ դոնդողյա տորթերի սիրահարների բարձր գնահատակին։

Բրենդի ստեղծման իրական «մեղավորները» Հովեյանի դուստրերն են, որոնք, հասկանալով, որ չեն կարողանում նրան համոզել հոբբին վերափոխել բիզնեսի, մի օր, պարզապես, որոշում են մայրիկի պատրաստած տորթը տեղադրել առցանց հարթակում, որից էլ սկսվում է դոնդողյա տորթերի համեղ բրենդի ճանապարհը․ զանգեր, պատվերներ, հիացական խոսքեր՝ այս ամենն էլ «ստիպեցին» ունենալ արտադրամաս ու շարունակել տորթերի պատրաստումն արդեն այնտեղ։

Ի դեպ, հետաքրքիր է նաեւ ընկերության անվան ընտրությունը․ հայկական համ ու որակ ունեցող տորթերին փարիզյան դարձրել է ոչ միայն ֆրանսիական բարձրակարգ հումքը, այլեւ՝ Կարինե Հովեյանի ամուսնու՝ Փարիզյան ազգանունը, ինչն էլ հետաքրքիր բառախաղ է ստեղծել անվան շուրջ։

«Parizyans Jelly» բրենդը պաշտոնապես հիմնադրվել է 2018 թ-ի ապրիլին։ Առաջին արտադրանքը, որով հանդես է եկել ընկերությունը, կաթնաշոռի ու դոնդողի համադրությամբ տորթն էր։ Շուկայում բրենդն առաձնանում է նրանով, որ միակն է, որը զբաղվում է բացառապես դոնդողյա տորթերի արտադրությամբ։ Ընտրությունը ակնհայտ է՝ դոնդողը ոչ միայն նուրբ ու հաճելի համ ունի, այլեւ՝ մի շարք օգտակար հատկանիշներ ամուր ոսկրերի, լավ հիշողության ու առողջ քնի համար։

Բրենդն առաջարկում է համային մի քանի համադրություններով տորթեր՝ կաթնաշոռի եւ դոնդողի, սերուցքի եւ դոնդողի, ընդեղենի եւ դոնդողի, ինչպես նաեւ թարմ մրգերի հավելումներով։ Իսկ երբ այս ամենին գումարվում է նաեւ տորթի յուրահատուկ դիզայնը՝ ախորժելի տեսքը, ինքնատիպ համն ու օգտակարը միահյուսվում են մեկ ամբողջության մեջ։ 

Հաճախորդները կարող են լայն ընտրություն կատարել ոչ միայն բրենդի ինստագրամյան ու ֆեյսբուքյան էջերում ներկայացված տեսականուց, այլեւ պատվիրել էքսկլյուզիվ տորթեր՝ իրենց նախընտրած դիզայնով։ Այս համեղ տորթերը պարտադիր պետք է փորձեն բոլորն՝ առանց սահմանափակումների, հենց այդ պատճառով էլ «Parizyans Jelly»-ն պատրաստում է դոնդողյա տորթեր նաեւ շաքարային դիաբետ ունեցող մարդկանց համար։ Տորթերը պատրաստվում են բացառապես որակյալ հումքից, որի մեծ մասն արտերկրից է եւ ձեռք է բերվում անմիջպես ներմուծողից:

Ապրանքանիշի՝ լավագույնը լինելը փաստում են ինչպես հաճախորդների, այնպես էլ՝ ոլորտի պրոֆեսիոնալների գնահատականները։ «Parizyans Jelly»-ն արժանացել է մի շարք մրցանակների` միջազգայն ու տեղական ընկերությունների կողմից, այդ թվում՝ Հայաստանի սպառողների ասոցիացիայի «Սպառողի ընտրություն», «Սպառողի գոհունակություն», Համազգային վստահություն խորհրդի «Վստահության վարկանիշ», «Պառլամենտ» հասարակական քաղաքական ամսագրի կողմից` «Ոլորտի առաջատար» կոչումներին, ինչպես նաեւ հավատագրեր` Mila Cakes, Profriend, «Միշել քեյք դեկոր» ընկերությունների ու Global business forum-ի կողմից: Բրենդի հիմնադիր Կարինե Հովեյանին 2021 թ-ին շնորհվել է «Տարվա հայուհի» մրցանակը։

«Parizyans Jelly»-ի դոնդողյա տորթերը կարող եք ձեռք բերել հենց արտադրամասից, որը գտնվում է Մամիկոնյանց 58 հասցեում։ Պատվերներ կարող եք կատարել նաեւ Instagram-ում եւ Facebook-ում, հեռախոս՝ 091 60 60 09։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում