Ցանկացած աղջիկ տանից դուրս գալուց առաջ բավական ժամանակ է ծախսում իրեն կարգի բերելու համար: Հարկավոր է համապատասխան հագուստ եւ աքսեսուարներ ընտրել, շպարվել: Բայց մազերը մեր կերպարի եւս մեկ անբաժան մասն են: Խնամված վարսերը ոչ պակաս կարեւոր են, քան հագուստն ու աքսեսուարները: Իսկական կնոջ մազերը պարզապես պարտավոր են միշտ խնամված եւ առողջ տեսք ունենալ: Կարեւոր է, որ սանրվածքը հարմար լինի ձեզ եւ, իհարկե, համապատասխանի նորաձեւության միտումներին: Առաջարկում ենք ծանոթանալ այս սեզոնի հիմնական hair-միտումներին եւ մի քանիսը փորձել:
«Երեկույթին հաջորդող առավոտ»
Այս պարզ սանրվածքն այժմ ամենատարածվածն է: Այն այնպիսի տեսք ունի, կարծես բուռն գիշեր եք անցկացրել, իսկ առավոտյան մոռացել եք սանրվել: Սակայն իրականում այն ստանալու համար որոշակի ջանք, ամեն դեպքում, պահանջվում է:
Հարկավոր է ընդամենը սփրեյի օգնությամբ փոքր-ինչ ծավալ հաղորդել մազափնջերին եւ մատներով թափթփված տեսք տալ դրանց: Արդյունքը ստացվում է նորաոճ եւ անփույթ, ինչպես եւ պահանջում է ժամանակակից նորաձեւությունը:
Նրբագեղ խոպոպներ
Թեթեւ ալիքները գեղեցիկ ու կանացի տեսք ունեն, դրանք նրբորեն ընդգծում են դիմագծերը:
Դրա համար ձեզ ընդամենը վարսերը գանգրացնող սարք է հարկավոր, ինչպես նաեւ սանրվածքը ֆիքսելու որեւէ միջոց:
Մի քիչ խենթություն
Ոճաբաններն առաջարկում են փորձեր կատարել վարսերի հետ՝ վերածվելով ռոք կամ փանկ-աստղի: Դրա համար հարմար են խենթ ծավալը, տարբեր սանրվածքերը, անհավանական խոպոպները:
Այդ կերպ հնարավորություն կունենաք ոչ միայն շրջապատին ցույց տալ ձեր փոքր-ինչ հանդուգն բնավորությունը, այլեւ ժամանակակից կերպար ստեղծել վառ երեկույթի կամ թեմատիկ որեւէ միջոցառման համար:
Խիստ սանրվածքներ
Նախորդ տարբերակը հարմար է որոշակի դեպքերի համար, իսկ խիստ սանրվածքները տեղին են միշտ եւ ամենուր:
Օրինակ՝ խիստ պոչը, փնջաձեւ սանրվածքը եւ կատարյալ հարթ մազափնջերը, ինչը հնարավորություն է տալիս արագորեն ճիշտ տրամադրություն ստեղծել գործնական հավաքի կամ գործընկերների հետ ճաշի համար: Բացի այդ, ո՞վ է ասել, որ այդ տեսքով չի կարելի նաեւ ժամադրության գնալ: Պարզապես վառ դիմահարդարում ավելացրեք:
Գրաֆիկական ճակատի մազափնջեր
Եթե ձեզ դուր է գալիս ճակատի մազափունջը, ապա այս սեզոնին հնարավորություն կունենաք հետաքրքիր կերպարով հանդես գալ: Նորաոճ են համարվում ինչպես դասական ուղիղ եւ անհավասար ճակատի մազափնջերը, այնպես էլ գրաֆիկական ձեւերը:
Դրանք կարող են արտասովոր ձեւ ու գույն ունենալ: Ճակատի մազափունջը նույնիսկ ամենասովորական սանրվածքը կարող է իսկական դիզայներական գլուխգործոցի վերածել:
Բաժանում
Եթե ճակատի մազափունջ չեք սիրում, բայց ուզում եք ինչ-որ բան փոխել ձեր արտաքինում, պարզապես փոխեք վարսերի բաժանման ձեւը:
Տարածված են ուղիղ տարբերակները, որոնք բոլորին են սազում, ինչպես նաեւ կողքից արված վարսերի բաժանումները: Գտեք այն տարբերակը, որը ձեզ սազում է:
Բաց ճակատ
Եվս մեկ նորաոճ տարբերակ է ամբողջությամբ բաց ճակատը: Այն հնարավորություն է տալիս շահեկանորեն ընդգծել դիմագծերը:
Կարելի է մազերը դեպի հետ սանրել՝ փոքր-ինչ ծավալ հաղորդելով: Այդ կերպ կարելի է կերպարին մի փոքր հանդգնություն հաղորդել: Կամ, հակառակը, վարսերն ուղիղ դեպի հետ սանրել ու հավաքել՝ սանրվածքը զարդարելով որեւէ գեղեցիկ աքսեսուարով: Այդ հրաշալի կդիտվի նույնիսկ ամենագործնական կերպարի պարագայում:
Կարճ սանրվածքներ
Եթե ձեզ դուր են գալիս կարճ վարսերը, ապա կարող եք այս սեզոնին հրաշալի տարբերակներ ընտրել:
Գրաֆիկական կարե, արդիական բոբ, անհավասար տարբերակներ, «պաժ» կտրվածք, զվարճալի տղայական կերպարներ եւ այլն: Կարճ վարսերը հեշտությամբ կարելի է նաեւ տարբեր կերպ հարդարել:
Ավելի շատ գույն
Ցանկանում եք ձեր կյանքում պայծառությո՞ւն մտցնել: Ոչ ստանդարտ ձեւով ներկեք մազերը: Այս սեզոնին մոդելները բեմերում ներկայացան ամենաանհավանական գույներով, անգամ՝ նոենային դեղին եւ վարդագույն:
Այս տարբերակների օգնությանը կարելի է դիմել մի քանի օրով միայն, երանգավորող բալզամների կամ մազերի համար գունավոր սեւաներկի միջոցով: Այս դեպքում վստահաբար աննկատ չեք մնա: Իսկ եթե դեռեւս պատրաստ չեք նման լուծումների, կարող եք պարզապես մի քանի մազափունջ կարմիր, որեւէ բաց գույն կամ սեւ ներկել:
Աղբյուրը՝ woman.ru
Հետևեք NEWS.am STYLE-ին Facebook-ում, Twitter-ում և Instagram-ում
11:30, 25 ապրիլի
Ջո Մանգանիելոն խոսել է Հայոց ցեղասպանությունից փրկված իր մեծ տատի մասին11:00, 25 ապրիլի
«Սրտի վալետ». նոր հումորային սիթքոմի մանրամասները. BACKSTAGE10:40, 25 ապրիլի
Քրիստի Թարլինգթոնի մերկ լուսանկարներն օգտագործվել են նրա որդուն ծաղրելու եւ հալածելու համար10:11, 25 ապրիլի
Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները09:00, 25 ապրիլի
ԱՊՐԻԼԻ 25-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան