Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Վիշապի լեգենդը» շքեղ շոուով «Երեւան պարկում» բացվեց ընդարձակ սահադաշտը

Համասյանի ու Ռիք Ռոզատոյի երաժշտությունը՝ ARARAT-ի լեգենդար համի ու Ձիթողցյանի կտավների ուղեկցությամբ

ՇոկTok. «Մարդիկ ինձ են օգնում. ես եմ որոշում օգնել ընտանիքների, թե`ոչ». Տարոն Սարգսյան

«Ամենուրեք հպարտությամբ եմ ասում, որ հայ եմ»․ Ռոզա Լինը՝ «Մանկական Եվրատեսիլ»-ում իր մասնակցության ու միջազգային հաջողությունների մասին (ֆոտո/վիդեո)

16:31, 9 դեկտեմբերի

«Եվրատեսիլ 2022»-ում Հայաստանի ներկայացուցիչ Ռոզա Լինն այսօր՝ դեկտեմբերի 9-ին, «Մանկական Եվրատեսիլ 2022»-ի մամուլի կենտրոնում հանդես եկավ ասուլիսով։ Եվրատեսիլյան Snap երգով համաշխարհային հիթ շքերթները գրաված երգչուհին հայ եւ միջազգային մամուլի ներկայացուցիչներին պատմեց չհանձնվելու, հետեւրատեսիլյան հաջողության ու առաջիկա նորությունների մասին։ 

Ռոզան կարեւորեց «Մանկական Եվրատեսիլ 2022»-ի հյուրընկալումը Երեւանում՝ հատկապես այն դժվարություններից հետո, որոնց միջով անցել է հայ ժողովուրդը։ 

318521294_813471873289485_3756540047360193187_n.jpg (266 KB)

«Կարծում եմ՝ Հայաստանում «Մանկական Եվրատեսիլ»-ի անցկացումը շատ կարեւոր է, հատկապես 2020 թ-ի իրադարձություններից հետո։ Ես արտիստ եմ, չեմ ցանկանում խորանալ քաղաքականության մեջ, բայց ուզում եմ ասել, որ հպարտ եմ իմ երկրով ու հպարտ եմ, որ անկախ բոլոր դժավրություններից՝ չենք կոտրվում ու ուժեղ ենք մնում։ Ես իմ բոլոր հարցազրույցներում հպարտությամբ եմ ասում, որ հայ եմ, եւ այն, որ ելույթ եմ ունենալու նաեւ «Մանկական Եվրատեսիլ»-ի բեմից, այդ ամենի տրամաբանական ամբողջությունն է»։

Երգչուհին այսօր Columbia Records-ի արտիստներից է․ նա նշեց, որ լեյբլի հետ բուռն աշխատանքներով պայմանավորված՝ մի փոքր դժվար է եղել Հայաստան գալը, բայց հստակ որոշել էր, որ անպայման պետք է ելույթ ունենա Երեւանում կայանալիք «Մանկական Եվրատեսիլ»-ի բեմում։ 

318595441_870922903921219_632308591407796909_n.jpg (260 KB)

«Երբ առաջին անգամ «Մանկական Եվրատեսիլ»-ն անցկացվեց Հայաստանում, ես փոքրիկ աղջիկ էի, հանդիսատեսի շարքում էի։ Հիշում եմ՝ անհամբերությամբ սպասում էի այդ համերգին, եւ երբեք չէի կարծի, որ երբ այն հաջորդ անգամ այստեղ անցկացվի, ես արդեն ելույթ կունենամ այդ բեմից»։

Ռոզան նշեց, որ հավանում է մրցույթի այս տարվա պատվիրակ Նարե Ղազարյանի DANCE! երգը, բայց չցանկացավ կանխատեսումներ անել նրա հորիզոնականի մասին, փոխարենը՝ Նարեին եւ մյուս մասնակիցներին հորդորեց վայելել մրցութային փուլն ու իրենց տրված այս հնարավորությունը։

318416861_685509249703564_1578808558915424633_n.jpg (304 KB)

«Յուրաքանչյուր մրցույթ հնարավորություն է, որը պետք է օգտագործել խելացի ձեւով։ Նարեի երգը հավանում եմ, կարծում եմ՝ նա շատ լավ ձայնային տվյալներ ունի։ Չեմ ցանկանում կենտրոնանալ, մտածել, թե որ հորիզոնականը կգրավի, բայց իմ փորձից ելնելով ուզում եմ ասել, որ պետք է մտածել այս հնարավորության մասին, անել մաքսիմալն ու քեզ ճիշտ ժամանակին կնկատեն ճիշտ մարդիկ»,-ասաց երգչուհին։ 
Ռոզան անդրադարձավ նաեւ «Եվրատեսիլ 2022»-ում իր մասնակցությանն ու չթաքցրեց, որ սկզբում բարկացել էր իր գրանցած արդյունքից, քանի որ սպասումները մեծ էին։ 

«Ես միշտ հավատացել եմ Snap երգին ու վստահ եղել, որ այն «Եվրատեսիլ»-ում բարձր հորիզնական կզբաղեցնի, բայց մենք ավելի մեծ հաջողություն գրանցեցինք «Եվրատեսիլ»-ից հետո։ Առհասարակ, կարծում եմ՝ հաջողությունը շատ բարդ հասկացություն է։ Ուրախ եմ, որ իմ կարիերայի այս փուլում եմ, բայց դա չի նշանակում, որ կյանքը լիովին կատարյալ է դարձել ինձ համար»։

318893996_850876152728209_4832153249620240747_n-1.jpg (266 KB)

Երգչուհին հավելեց, որ հայտնի լեյբլի հետ պայմանագիրը չի ենթադրելու ոճի եւ երգերի ընտրության կտրուկ փոփոխություն․ շարունակելու է հավատարիմ մնալ այն ոճին, որով ներկայանում է։ 

«Ես պետք է լինեմ այնպիսին, ինչպիսին կամ, քանի որ ինձ հենց այսպիսին են սիրում կամ չեն սիրում։ Փորձում եմ հավատարիմ մնալ իմ երաժշտույանը, եւ կարծում եմ՝ Columbia Records-ը եւս ինձ հենց դրա համար է ընտրել»։

Խոսելով առաջիկա նորությունների մասին՝ Ռոզան հավելեց․

«Շուտով Columbia Records-ի հետ կձայնագրենք մեր առաջին ալբոմը, իսկ մինչ այդ կթողարկենք մի քանի երգ։ Հաջորդ տարի կբացեմ Էդ Շիրանի համերգային շրջագայությունը։ Ես շատ ոգեւորված եմ այս համագործակցության առթիվ։ Հուսով եմ՝ 2023-ը էլ ավելի լավ տարի կլինի»։

Սյունե Առաքելյան, Մելինե Տոնոյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել