• Մալդիվների ամենաթանկ հանգստավայրի ներսում

  Երբ Soneva Secret-ը բացվեց ապրիլի սկզբին, այն աշխարհի ամենաթանկ հյուրանոցային ուղղություններից մեկում՝ Մալդիվներում, անմիջապես դարձավ ամենաթանկ հանգստավայրը․․․

• Տոկիոյի հանրային զուգարանները եզակի զբոսաշրջային գրավչություն են ճանապարհորդների համար

  Բացի տաճարներ այցելելուց եւ կեռասի ծաղիկներով հիանալուց, Տոկիոյի այցելուներն այժմ կարող են ուսումնասիրել քաղաքի ավելի ժամանակակից հրաշքները՝ հասարակական զուգարանները, հայտնում է Reuters-ը․․․

• Միշլենի հեղինակավոր ուղեցույցը ներկայացրել է իր առաջին Michelin Keys վարկանիշը՝ Ֆրանսիայի հյուրանոցների համար

  Միշլենի հեղինակավոր ուղեցույցը ներկայացրել է իր առաջին Michelin Keys վարկանիշը՝ Ֆրանսիայի հյուրանոցների համար՝ ներխուժելով հյուրանոցային ոլորտ․․․

• Daily Express. Եթե ցանկանում եք բացահայտել Եվրոպայի ամենատպավորիչ գաղտնիքներից մեկը, գնացեք Հայաստան

  Շշմեցնող Հայաստանն այն ուղղություններից է, որտեղ ավելի քիչ զբոսաշրջիկների կտեսնեք, քան մայրցամաքի շատ այլ երկրներոիմ, բայց սա շուտով կարող է փոխվել, քանի որ այնտեղ զբոսաշրջիկների թիվը սկսում է աճել․․․

• Հինգ ամիս, 40 երկիր եւ շքեղ նավարկություն, որտեղ լյուքս համարներն արժեն մինչեւ 1,7 միլիոն դոլար

  Պիկասոյի ստեղծագործությունները, ռոյալներ եւ անձնական սպասավորներ. բարի գալուստ Regent Seven Seas-ի շքեղ նավարկությունների ապագա․․․

• Four Seasons-ը բարձրացնում է շքեղության մակարդակը Կարիբյան և Միջերկրական ծովում իր առաջին զբոսանավի գործարկումով  

  Four Seasons-ը բարձրացնում է շքեղության մակարդակը Կարիբյան և Միջերկրական ծովում իր առաջին Four Seasons զբոսանավի թողարկումով: Սուպեր զբոսանավը նախագծվել է շվեդական Tillberg Design ընկերության հետ համատեղ...

• Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին

  Աբու Դաբին գնում է Սաուդյան Արաբիայի հետքերով և նախատեսում է ստեղծել աշխարհում առաջին eSports կղզին, որն ընդգրկում է 500,000 քառակուսի մետր տարածք, որը խաղային դրախտ կլինի ամբողջ աշխարհի խաղացողների համար...

• Versace հյուրանոցը բացվել է Մակաոյում

  Versace հյուրանոցը բացվել է Մակաոյում։ Palazzo Versace Macau-ն՝ բրենդի առաջին հանգստավայրը Ասիայում, միավորում է բարոկկոյի և հին հունական ճարտարապետության դասական ազդեցությունները Դոնաթելլա Վերսաչեի ստեղծագործական ղեկավարության ներքո...

Ի՞նչ ասոցիացիաներ եք ունենում, երբ ասում են ճանապարհորդություն դեպի Ֆրանսիա: Ամենայն հավանականությամբ, աչքերի առաջ են գալիս Փարիզի դասական բացիկները՝ Էյֆելյան աշտարակի, Ելիսեյան դաշտերի, Մոնմարտրի փողոցների կամ Պրովանսի լավանդայի դաշտերի տեսարաններով: Բայց Ֆրանսիան շատ ավելի լայնարձակ եւ հետաքրքիր է.  կան շատ տարբեր տարածաշրջաններ՝ զարմանալի բնապատկերներով եւ տեսարժան վայրերով:

NEWS.am STYLE-ն առաջարկում է 5 չբացահայտված վայրեր՝ Ֆրանսիայում ճանապարհորդելու համար:

Իլ-դե-Ռե կղզի

Փարիզում գնացեք Լիոնի կայարան եւ գնացքով ուղեւորվեք դեպի Լա-Ռոշել։ 3 ժամ անց դուք կլինեք օվկիանոսի ափին: Լա Ռոշելում (ի դեպ, քաղաք, որտեղ տեղի է ունենում Դյումայի «Երեք հրացանակիրները» գրքի գործողությունը) մեքենա վարձեք, հաղթահարեք գրեթե 3 կիլոմետր երկարությամբ կամուրջը՝ երկրորդը Ֆրանսիայում ՝ լուարյանից հետո, եւ կհայտնվեք ֆրանսիական հանգիստ Ռե կղզում: Այն Ֆրանսիայի ամենագեղեցիկ եւ ամենաարեւոտ կղզիներից մեկն է:

Ռե կղզին Ֆրանսիայի ամենագեղեցիկ  եւ ամենաարեւոտ վայրերից է։ Անպայման վերցրեք հեծանիվ՝ կղզու բոլոր հմայքները ուսումնասիրելու համար: Այստեղ լողափերը ամայի են եւ մաքուր։ Կղզում հանգստություն է տիրում, կյանքը հոսում է համաչափ, եւ դուք կարող եք լիովին վայելել ֆրանսիական art de vivre-ը:

Եթե սիրում եք սպա, ապա անպայման գնացեք թալասոյի կենտրոն։

Եթե սիրում եք սպա, ապա անպայման այցելեք տալասոթերապիայի։ Պրոցեդուրաներ են, որոնք օգտագործում են ծովի ջուր եւ ջրիմուռներ:

Այս կղզում է մշակվում է Ֆրանսիայում հայտնի կարտոֆիլը, որն ունի իր սեփական AOC-ն, ինչպես գինին։  Եւ իհարկե, շնորհիվ յուրահատուկ հողի, տեղի ֆրանսիացիները չեն մնացել առանց գինեգործության: Այստեղ նաեւ ոստրեներ են աճեցնում։

Կղզու հայտնի նկարներում սպիտակ տներ են՝ կարմիր երանգի տանիքներով, օվկիանոսի եւ սոճիների ֆոնին: Տեսարժան վայրերից արժե քայլել դեպի 19-րդ դարի փարոս. դեպի դիտահարթակ կարելի է բարձրանալ պարուրաձեւ սանդուղքով ՝ վերեւից հիանալու կղզու բնապատկերներով:

Սեն-Մալո

Հանգստավայր եւ նավահանգիստ է, որը գտնվում է Ֆրանսիայի հյուսիս-արեիմուտքի Բրետանի շրջանում: Այս վայրը կոչվում է նաեւ ֆրանսիացի ծովահենների «կորսարների քաղաք»։ Ֆրանսիացիներն իրենք սիրում են հանգստանալ այստեղ։

Սեն Մալոյում պահպանվել են հին քաղաքի պարիսպները, որոնցից կարելի է հիանալ ծովային տեսարանով։

Այստեղ նույնիսկ ամռանն է ցուրտ լողալու համար, փոխարենը կարող եք դիտել հզոր մակընթացություններ, արեւի տակ արեւայրուք ընդունել, օվկիանոսի երկայնքով ավազի վրա ոտաբոբիկ քայլել ու ափին նստել՝ մի բաժակ խնձորի սիդր խմելու: Տեղական խոհանոցից անպայման փորձեք բրետոնական կրեպեր՝ տարբեր միջուկներով նրբաբլիթներ։

Գրականության սիրահարների համար. քաղաքում է գտնվում ռոմանտիզմի շրջանի հայտնի գրող Ֆրանսուա-Ռենե դե Շատոբրիանի գերեզմանը:

Ավելի լավ է մնալ անմիջապես ափին գտնվող հյուրանոցներից մեկում, որպեսզի արթնանաք գեղեցիկ տեսարաններով եւ ալիքների ձայնից:

Ֆրեժյուս

Երբ խոսում են Պրովանսի մասին, ամենից հաճախ նշում են Նիցցան, Սեն-Տրոպեն, Վալենսոլի կամ Ավինյոնի լավանդայի դաշտերը: Բայց Ֆրանսիայի հարավում կան շատ հետաքրքիր փոքր քաղաքներ, ուր հաճելի է ուղեւորվել:

Ֆրեժյուսը Պրովանսի հնագույն քաղաք է՝ «արվեստի եւ պատմության քաղաք» հպարտ կարգավիճակով։ Այստեղ դուք կարող եք գտնել հռոմեական տիրապետության հետքեր եւ լողալ Միջերկրական ծովի տաք ջրերում:

Այն, ինչի համար արժե գնալ այնտեղ՝ 12-րդ դարի Սեն-Լեոնի տաճարն է ՝ եզակի առաստաղով եւ V դարի մկրտարանով: Մտեք տաճար, լցվեք հանգստության մթնոլորտով եւ ձեր աչքերը բարձրացրեք փայտե առաստաղի վրա, որն իր տեսակի մեջ եզակին է Ֆրանսիայում:

Ֆրեժյուսում ծովափնյա հանգիստը կարող եք համատեղել հին նեղ փողոցներով զբոսնելու հետ: Քաղաքը հայտնի է իր Կապույտ դրոշներով լողափերով։ Մաքուր եւ հարմարավետ լողափեր կարելի է գտնել նույնիսկ նավահանգստի մոտ:

Ֆրեժյուսում մշակութային ժամանցի համար կարող եք գնալ հռոմեական ամֆիթատրոնի ավերակներում տեղի ունեցող համերգ: 

Վերդոնի կիրճ

Այն համարվում է Ֆրանսիայի ամենագեղեցիկ կիրճը։ Բնության անհավատալի հուշարձան է: Այստեղ է գտնվում նաեւ «Պրովանսի Գրանդ Կանյոնը»։

Արժե մեքենա վերցնել եւ դանդաղ վարել՝ բոլոր բնապատկերները վայելելու։ Այստեղ կան եւ՛ ջրվեժներ, եւ՛ կտրուկ ժայռեր, եւ՛ գետերի ու լճերի կապույտը, եւ՛ ձեր գլխավերևում թռչող գիշատիչ թռչուններ։

Առավել հետաքրքիր տեսարանների համար արժե ընտրել այսպես կոչված Կրետական ճանապարհը. այն օղակաձեւ է եւ թույլ կտա ձեզ տեսնել ամբողջ արգելոցը:

Գիշերել կարող եք Մուստիե Սենտ Մարի գյուղում, որը Ֆրանսիայի ամենագեղեցիկ գյուղերի ցանկում է:

Դիժոն

Բուրգունդիայի մայրաքաղաքը ՝ Ֆրանսիայի գինեգործության գլխավոր շրջաններից մեկը։ Քաղաք կարող եք հասնել Փարիզից՝ նույն Լիոնի կայարանից գրեթե 2 ժամում:

Հավանաբար, կյանքում գոնե մեկ անգամ համտեսել եք դիժոնյան մանանեխը, եւ ահա, դրա հայրենիքն է։ Դիժոնում կարող եք փորձել եւ գնել մանանեխի տարաներ՝ տարբեր հավելումներով։

Այն իր տեսքին է պարտական ​​քաղաքի ամենահին եկեղեցու շենքի անկյունում պատկերված թռչունին։ «Կախարդական բու» թալիսմանը եւ հին Բուրգունդիայի մայրաքաղաքի խորհրդանիշը։ 

Կտեսնեք տներ, որոնք Գերմանիայում կոչվում են կիսափայտե, իսկ Ֆրանսիայում ՝ pan de bois։

Արժե այցելել Բուրգունդիայի դքսերի պալատ, այնուհետեւ սուրճ խմել գեղեցիկ հրապարակում ՝ պալատի դիմաց գտնվող շատրվանի մոտ ու փորձել դիժոնյան խխունջները: 

Անաստասիա Բարու

Հետևեք NEWS.am STYLE-ին Facebook-ում, Twitter-ում և Instagram-ում