• Ջազի միջազգային օրը՝ Երեւանում

  Ապրիլի 30-ին՝ Ջազի միջազգային օրը՝ ժամը 16:00-22:30-ը, Գաֆէսճեան քանդակների պուրակում (Կասկադ համալիր) տեղի կունենա ջազային համերգ․․․

• Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով

  Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով…

• Բարոյականության «պահապանները» թող շրջանցեն. էրոտիկ ֆիլմերի ընտրանի

  Եթե «էրոտիկ ֆիլմ» արտահայտությունը լսելով ձեր մտքին միանգամից գալիս են «Նիմֆոմանուհին» եւ «Մոխրագույնի 50 երանգները», ապա շնորհավորում ենք՝ դուք ոչինչ չգիտեք ժանրի մասին…

• Երեւանյան բուրգեր-ուղեցույց. փնտրում ենք կատարյալ համը

  Վերջին տարիներին բուրգերները դարձել են Երեւանի խոհարարական մշակույթի անբաժանելի մասը՝ առաջարկելով հյութալի ու լայն տեսականի՝ համային նախասիրությունների մեծ ընտրությամբ…

• Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

  Մենք փորձել ենք այս անգամ բացահայտել, թե որն է ամուսնանալու լավագույն տարիքը եւ ինչպես են մարդիկ վերաբերվում դավաճանություններին․․․

• «Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը

  Netflix-ը թողարկել է «Հարյուր տարվա մենություն» սերիալի նոր թիզերը…

• Սթիվեն Սփիլբերգը ֆիլմ է նկարահանում ՉԹՕ-ի մասին

  Սթիվեն Սփիլբերգը պատրաստվում է վերադառնալ գիտաֆանտաստիկայի աշխարհ․․․

• Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ

  Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել` Լեոնարդո ԴիԿապրիոյի եւ Ջենիֆեր Լոուրենսի գլխավոր դերակատարմամբ․․․

Նոր շաբաթ, նոր իրադարձություններ։ Նոր ու լավ հուշեր կերտելու ժամանակն է։ Իսկ ո՞ւր գնալ լավ էներգիա կուտակելու համար։ NEWS.am STYLE-ն առանձնացրել է շաբաթվա ամենահետաքրքիր իրադարձությունները։ Ռոքից մինչեւ դասական երաժշտություն, թատրոնից մինչեւ կինո․ մեր ընտրությունը կհամապատասխանի տարբեր ճաշակի տեր մեր ընթերցողներին։  

Փետրվարի 27. Հունվարի 27-ին՝ ժամը 21:00-ին, Mezzo ակումնում ելույթ կունենա Project LA-ը։ Խումբը կներկայացնի հոգեւոր երգեր, լիրիկակական ստեղծագործություններ եւ այս ամենը՝ բարձրակարգ վոկալով։ Տոմսերի արժեքը՝ 5000-25000 դրամ:

Փետրվարի 28. «Դոգմա» էթնիկ-պրոգ ռոք խումբը հոբելյանական համերգով նշում է իր 15-ամյակը, ինչը լավ առիթ է երեքշաբթին անցկացնել ռոքային տրամադրությամբ։ Հոբելյանական համերգը տեղի կունենա Հովհաննես Թումանյանի անվան պետական տիկնիկային թատրոնում, ժամը՝ 19:30-ին։ Երեկոյի հատուկ հյուրերն են «Eleven Green»-ը եւ «Կաթիլ բենդ»-ը:
Տոմսերի արժեքը 5000 դրամ է:

Մարտի 1. Գարնան առաջին օրը Թատրոն տանիքում-ում կնշանավորեն «Սեր» ներկայացմամբ։ Սա անսպասելի զարգացումներով՝ յուրահատուկ սիրային պատմություն է, որը սկիզբ է առնում 90-ականներին եւ փուլերով շարունակվում մինչեւ մեր օրերը։ Պիեսի հեղինակն ու բեմադրիչը Սուրեն Սաֆարյանն է։ Ներկայացումից առաջ կլինի համերգային ծրագիր եւ գինու հյուրասիրություն: Միջոցառումը կտեւի մոտ 2 ժամ։ Ներկայացման մեկնարկը 20:00-ին է։
Տոմսերի արժեքը՝ 4000-6000դրամ։

Մարտի 2. Մկրտիչ Արզումանյանի մասնակցությամբ «Գործակալ 044. Օպերացիա Գառնի» արկածային կատակերգությունը, վերջապես, կբարձրանա մեծ էկրաններ։ Այն կցուցադրվի բոլոր կինոթատրոններում։ «Մոսկվա» կինոթատրոնում ֆիլմի առաջին սեանսը նախատեսված է 20:00-ին։ Տոմսի արժեքը՝ 2500 դրամ։

Մարտի 3. Կրակոտ ռիթմերի սիրահարներին առաջարկում ենք մարտի 3-ին հաճախել «Առնո Բաբաջանյան» համերգասրահ, որտեղ ժամը 19։00-ից կսկսվի իսպանական եւ ջազային կիթառի երեկո։ Արմեն Պետրոսյանն ու «Armenian Fusion Band»-ը կկատարեն ժամանակակից իսպանական եւ ջազային ոճի երաժշտություն։ Ծրագրում ընդգրկված են Պակո դե Լուսիայի, Չիկ Կորեայի եւ սեփական հեղինակային ստեղծագործությունները։ Տոմսերի արժեքը 2000-7000 դրամ է։ 

Մարտի 4. Դասական երաժշտության սիրահարները շաբաթ երեկոն կարող են անցկացնել Արամ Խաչատրյան համերգասրահում, որտեղ Բոննի Բեթհովենի անվան նվագախմբի եւ Բոննի օպերային թատրոնի գլխավոր դիրիժոր Դիրկ Կաֆտանը կղեկավարի Հայաստանի ազգային ֆիլհարմոնիկը: Մենակատար՝ Դորոթեա Հերբերթ։ Համերգի սկիզբը 19:00-ին է։ Տոմսերի արժեքը՝ 2000-10000 դրամ։

Մարտի 5. Երկուշաբթի օրվանից առաջ պետք է մի լավ լիցքաթափվել։ Առաջարկում ենք կիրակին անցկացնել հումորիստ, ստենդափեր Չարենցի եւ երգչուհի Ալյա Սեդրակյանի հետ։ Ամուսինները հանդես կգան Հին Անի Մյուզիք Հոլլում, կլինի կենդանի նվագակցություն, նրանց կմիանա նաեւ Խաչիկ Սահակյան բենդը: «Ընտանեկան, նախատոնական....»՝ այսպես է կոչվում ծրագրի խորագիրը։ Կազմակերպիչները խոստանում են անմոռանալի երեկո։
Տոմսերի արժեքը՝ 6000 եւ 7000 դրամ։

Հետևեք NEWS.am STYLE-ին Facebook-ում, Twitter-ում և Instagram-ում