Ի՞նչ ռիթմերի ու տրամադրության ներքո անցկացնել այս շաբաթը: NEWS.am STYLE-ն ամեն երկուշաբթի գտնում է ձեր առաջ ծագած հարցերի պատասխանները։ Այս շաբաթվա համար առանձնացրել ենք հետեւյալ միջոցառումները․
Մարտի 20․ Երեւանում մեկնարկել են Ֆրանկոֆոնիայի օրերը․ եթե ֆրանսիական երաժշտության ու մշակույթի սիրահար եք, երկուշաբթի երեկոն անցկացրեք Արամ Խաչատրյան համերգասրահում, որտեղ տեղի կունենա Ֆրանկոֆոնիայի միջազգային օրվան նվիրված համերգ՝ Հայաստանի ազգային ֆիլհարմոնիկ նվագախմբի մասնակցությամբ․ դիրիժոր՝ Էդուարդ Թոփչյան։ Համերգի սկիզբը 19:00-ին է, տոմսերի արժեքը՝ 2000-ից 10 000 դրամ։
Մարտի 21. Երեւանի պետական կամերային թատրոնը երեքշաբթի օրը հրավիրում է «Տղաները չափն անցնում են» ներկայացմանը։ Պիեսի հեղինակն Արա Երնջակյանն է, բեմադրող ռեժիսորը՝ Արշալույս Հարությունյանը։ Գլխավոր դերերում հանդես են գալիս Ռաֆայել Երանոսյանը, Սենիկ Բարսեղյանը, Ներսես Մարկոսյանը։ Ներկայացման սկիզբը 19:00-ին է, տոմսերի արժեքը՝ 2000-ից 6000 դրամ։
Մարտի 22. Շարունակելով թատերական տրամադրությունը՝ չորեքշաբթի երեկոն կարող եք անցկացնել Համազգային պետական թատրոնում։ Այնտեղ կկայանա «Փափլիկը» ներկայացման պրեմիերան։ Բեմադրիչը Նարինե Գրիգորյանն է, ռեժիսորը՝ Յուրի Կոստանյանը, իսկ դերերում հանդես են գալիս Վարշամ Գեւորգյանը, Տաթեւ Ղազարյանը, Դավիթ Հակոբյանը, Ալլա Սահակյանը, Ստեփան Ղամբարյանը եւ այլ հայտնի դերասաններ։ Տոմսերի արժեքը 1500, 2000, 2500 դրամ է, ներկայացման սկիզբը՝ 19:00-ին։
Մարտի 23. Եթե Ռուբեն Հախվերդյանի հեղինակային կատարումների երկրպագուն եք, ապա՝ հինգշաբթի երեկոն կարող եք վայելել Mezzo ակումբում։ Հեղինակ-կատարողի համերգը կմեկնարկի 21:00-ին։ Տոմսերի արժեքը՝ 4000-ից 10 000 դրամ։
Մարտի 24. Հակոբ Պարոնյանի անվան երաժշտական կոմեդիայի պետական թատրոնում կարող եք վայելել եւս մեկ պրեմիերա․ բեմ կբարձրանա «Բանալի երկուսի համար» ներկայացումը։ Կատակերգության սկիզբը 19:00-ին է, տոմսերի արժեքը՝ 1000-ից 3000 դրամ։
Մարտի 25. Ջազի սիրահարներին շաբաթ օրն առաջարկում ենք հաճելի երաժշտություն վայելել «Առնո Բաբաջանյան» համերգասրահում, որտեղ ելույթ կունենա Արտյոմ Լալայան տրիոն։ «Ջազ՝ հայկական ակցենտով» խորագիրը կրող երեկոն կմեկնարկի 19:00-ին, տոմսերի արժեքն է 2000-ից 5000 դրամ։
Մարտի 26. Այս կիրակի Հին Անի Մյուզիք հոլլում հանդես կգա Շուշան Պետրոսյանը։ Երգչուհին իր կենդանի կատարումները կներկայացնի «Միայն սեր» խորագրի ներքո։ Համերգը կմեկնարկի 20:00-ին։ Տոմսերի արժեքը 7000, 8000 եւ 9000 դրամ է։
Հետևեք NEWS.am STYLE-ին Facebook-ում, Twitter-ում և Instagram-ում
12:23, 3 մայիսի
Սոֆյա Վերգարան մտադիր է ամեն կերպ պայքարել տարիքի հետ11:15, 3 մայիսի
Բրիթնի Սփիրսի շոկային լուսանկարները մտահոգություն են առաջացրել նրա հոգեկան առողջության վերաբերյալ10:52, 3 մայիսի
«Լադանիվա»-ից Ժակլինի եւ Հունաստանի ներկայացուցչի աշխույժ պարը՝ «Եվրատեսլ 2024»-ի ետնաբեմում (վիդեո)10:20, 3 մայիսի
Քիմ Քարդաշյանը կիսվել է իր վերջին ֆոտոշարքի «բեքսթեյջային» կադրերով09:00, 3 մայիսի
ՄԱՅԻՍԻ 3-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:02, 2 մայիսի
Ֆիլմերում սեքսը կտրուկ նվազել է, բայց դարձել է ավելի բացահայտ22:18, 2 մայիսի
Armflix Էքսկլյուզիվ ֆիլմեր և սերիալներ՝ առանց սահմանափակումների, առանց գովազդի և ֆանտաստիկ որակի21:34, 2 մայիսի
1968 թվականի Grand Seiko ժամացույցն աճուրդում վաճառվել է ավելի քան 90,000 դոլարով20:18, 2 մայիսի
Միայնակ ամերիկացին, որը հուսահատ սեր է փնտրում, շաբաթական 400 դոլար արժողությամբ գովազդային վահանակ է տեղադրել19:43, 2 մայիսի
Կադրեր՝ «Լադանիվա»-ի եվրատեսիլյան երկրորդ փորձից (ֆոտո/վիդեո)19:21, 2 մայիսի
Միլիարդատեր Ջորջ Սորոսի որդու եւ ընկերուհու՝ Հումա Աբեդինի՝ որպես զույգ հանրային դեբյուտը կկայանա Met Gala-ի շրջանակում16:21, 2 մայիսի
Airbnb-ը թույլ կտա ժամանակ անցկացնել թռչող տնակում կամ հանգստանալ Փրինսի Purple Rain առանձնատանը