ՇոկTok. «ԱՄՆ-ում ամուսնացած էի, թմրադեղերի պատճառով բաժանվեցի»․ տիկտոկեր Էրիկ (222 ԼԱՎԱ)

Stylish Faces. Սամվել Մալոյանը՝ «Ազգային երգիչ» նախագծում հաղթանակի, աղջիկների ու իր անվան շուրջ բամբասանքների մասին

«Հայկական խոհանոցի նոր երանգները» Սուսաննա Ղուկասյանի հետ

ՇոկTok. «Ուզում էի գալ Հայաստան, բայց ծնողներս չէին թողնում». տիկտոկեր Լիլիթը` արտերկրում ապրելու և էրիկի հետ ընտանիք կազմելու մասին

UNBOXING Aréqo-ի հետ. Մինչեւ հիմա մրմռում ա

Արամեի «Մաքուր սեր» նոր տեսահոլովակի #Backstage-ը

«Stylish faces»: Եվգենի Պրոնին եւ Քրիստինա Արուստամովա

ՇոկTok. «Եղավ իմ կյանքի ամենադաժան կորուստը». տիկտոկեր Աննան` եղբոր մահվան մասին

«Stylish Faces»: Խորեն Լեւոնյան

UNBOXING Aréqo-ի հետ. Ջերմուկով թան չի, ամեն մարդու բան չի

«Stylish Faces»: Ալյոնա Կոննովա

Գեւորգ Դաբաղյանը հայկական դուդուկի հնչյուններով հուզեց Դիմաշին ու երգչին դուդուկ նվիրեց

«Իմ ֆիլմերը խոսում են իրենց մասին»․ Անդրեյ Զվյագինցեւ

Exclusive NEWS.am STYLE: Բորիս Գրեբենշչիկով . Եթե ապրես անցյալով կամ նայես ապագային, բաց կթողնես ներկան

BACKSTAGE. «Վարչապետ 2050» հումորային նախագծի և կերպարների մասին

«Stylish Faces». Վարդգես Հովեյան

«Կրկին դպրոց» ֆիլմի պրեմիերան, կարմիր գորգն ու հայտնի հյուրերը

«Զվարթնոց» օդանավակայանում Դիմաշ Կուդայբերգենին դիմավորեցին հայ եւ արտերկրից ժամանած երկրպագուները

Երեւանյան բեմում առաջին անգամ կներկայացվի ֆրանսիացի դրամատուրգ Պիեռ Կոռնեյլի «Սիդ»-ը՝ հայ դերասանների մասնակցությամբ (ֆոտո)

16:04, 24 մարտի

Մարտի 25-ին Երեւանի պատանի հանդիսատեսի թատրոնում մեծ պրեմիերա է սպասվում։ Ֆրանկոֆոնիայի օրերի շրջանակում առաջին անգամ հայկական թատրոնի բեմում կներկայացվի ֆրանսիացի դրամատուրգ Պիեռ Կոռնեյլի «Սիդը» ստեղծագործությունը։ Այս պատմությունը հիմնված է իսպանական առասպելի վրա եւ վաղուց դարձել է  դասական ստեղծագործություն՝ ներկայացնելով համաշխարհային բեմերում։ 

Երեւանի պատանի հանդիսատեսի թատրոնի տնօրեն Էմին Թորոսյանը NEWS.am STYLE-ի հետ զրույցում նշեց, որ նման գործին անդրադարձը թատրոնի համար ոգեւորիչ է, միեւնույն ժամանակ՝ պարտավորեցնող․

336881041_761923481886002_3363473095199139397_n.jpg (106 KB)

«Թատրոնը վաղուց է որդեգրել անդրադարձը համաշխարհային դասականներին, եւ մեզ համար պատիվ է այս ներկայացումն ունենալ մեր խաղացանկում: Գաղափարը ծնվել էր շատ վաղուց, եւ մեր ընկերը՝ ֆրանսաբնակ բեմադրիչ Ջերալդ Բաբազիանը, առաջարկեց այս գործը, եւ ի թիվս շատ աշխատանքների՝ ընտրեցինք սա: Հայաստանի թատրոնի պատմության մեջ առաջին անգամ է բեմադրվում Կոռնեյլի «Սիդ» ստեղծագործությունը, ինչը շատ պարտավորեցնող է: Պետք է մաքսիմալ հավատարիմ մնալ ստեղծագործության բուն նյութին՝ արտահայտչաձեւին, կոստյումներին եւ այլն»:

Ներկայացման բեմադրող նկարիչը Գարեգին Եվանգուլյանն է, երաժշտությունը հեղինակել է Վահան Արծրունին, կոստյումները՝ Տերյան մշակութային կենտրոնի:

336885367_930936548356413_527909035123459256_n.jpg (108 KB)

«Այս ներկայացումը մենք նվիրում ենք Ֆրանկոֆոնիայի երկամսյակին: Երբ այս միտքը կիսեցինք Երեւանի քաղաքապետարանի հետ, այն մեծ հավանության արժանացավ, եւ քաղաքապետարանն աջակցեց ներկայացման կայանալուն: Ինչո՞ւ այս ստեղծագործությունը, որովհետեւ այստեղ կա հերոսապատում, կա սեր, կա պատիվ, ինչն այսօր անհրաժեշտ է, հատկապես, մեր պատանի հանդիսատեսին»,-հավելեց Էմին Թորոսյանը։

Ռեժիսոր Ջերալդ Բաբազիանը նշեց, որ ներկայացման մեջ փոքր-ինչ կրճատումներ են եղել։ Նրա խոսքով՝ եթե ֆրանսիացի հանդիսատեսը կարողանում է համբերությամբ ու հետաքրքրությամբ հետեւել, նույնիսկ, 3 ժամ տեւողությամբ ներկայացման ողջ ընթացքին, հայ հանդիսատեսը դեռեւս պատրաստ չէ դրան։ Այնուամենայնիվ, ստեղծագործական կազմը մեծ պատասխանատվությամբ է մոտենում գործին, որպեսզի ամենակարեւոր ասելիքը մեծ ազդեցությամբ հասցվի հանդիսատեսին․

336899566_522542803397699_7630600918720378631_n.jpg (99 KB)

«Հիշեցի, որ «Սիդ»-ը երբեք չէր խաղացվել հայկական թատրոնում, մտածեցի՝ ինչո՞ւ ոչ, այստեղ էլ կարելի է մեծ պրեմիերա անել: Կարծում եմ՝ շատ օգտակար կլինի, որ մեր պատանիներն էլ ծանոթանան այս շատ գեղեցիկ պիեսին: Պարոն Թորոսյանին եւս շատ դուր եկավ այս գաղափարը, եւ սկսեցինք աշխատել դրա շուրջ,-հիշեց Բաբազիանը,-Ներկայացումը հենց դասական տարբերակով ենք բեմադրել, բոլորը լուրջ են մոտենում գործին: Գուցե, գա ժամանակ, որ այս ստեղծագործությունը վերաբեմադրվի նոր մեկնաբանությամբ: Կարծում եմ՝ հենց դա է դասական գործերին ավելի մեծ հետաքրքրություն հաղորդում»:

Կոմպոզիտոր Վահան Արծրունին դիտել է ներկայացման փորձերն ու, ինչպես ինքն է ասում, ոգեւորված է ու անհամբեր․

337157132_145543378170664_3875449917962817319_n.jpg (97 KB)

«Դերասանների ոգեւորությունը փոխանցվել է նաեւ ինձ: Չնայած փորձ էր՝ ընդհատումներով ու ընդմիջումներով, բայց այն էմոցիաները, որոնք տիրում էին բեմում, ինձ մեծ բավականություն պատճառեցին»,-նշեց նա։

Անդրադառնալով ստեղծագործական ընթացքին՝ երգահանը հավելեց․

337517271_886564439445550_3170151446277950781_n.jpg (93 KB)

«Ինձ համար շատ կարեւոր էր ճիշտ հասկանալ եւ ըմբռնել ժամանակաշրջանը, որովհետեւ ամբողջ երաժշտական պատկերը պետք է կառուցվեր համահունչ: Միջնադարն ինձ համար առավել հետաքրքիր ժամանակաշրջան է, եւ սա առաջին գործոնը դարձավ, որ միանգամից համաձայնվեցի, երբ ռեժիսորից ստացա այս առաջարկը: Այստեղ ամենամեծ հետաքրքրությունը նրանում է, որ պետք է ընդունես պայմանականությունը: Երբ տեսա բեմական լուծումները, հասկացա, որ չնայած բեմադրիչի հետ ծանոթ չէի՝ մենք, կարծես, աշխատում էինք նույն հունի մեջ»:

Ներկայացման գլխավոր դերերում հանդիսատեսը կտեսնի Մխիթար Ավետիսյանին, Սաշա Սուքիասյանին, Լուիզա Մելքոնյանին, Սեյրան Մովսիսյանին, Ռոզա Փարամազյանին, Արթուր Կարապետյանին եւ այլ հայտնի դերասանների։

336890700_880898249658744_1083363388386431772_n.jpg (107 KB)

337531586_587528183402766_2897604901106836617_n.jpg (99 KB)

337534305_161118439803200_8712020089952451849_n.jpg (95 KB)

336881309_1184520828732232_3322603230404432688_n.jpg (94 KB)

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության