• Գիտնականն ու հայտնի կոմպոզիտորը պարզել է, թե ինչպես է հնչում պաստան

  Երբեւէ մտածե՞լ եք, թե ինչպես է հնչում ձեր սիրելի պաստան…

• Ավելի քան 200 երաժիշտներ, այդ թվում Բիլի Այլիշը եւ Նիքի Մինաժը, հայտարարել են ԱԲ սպառնալիքի մասին երաժշտության ոլորտում

  Ավելի քան 200 երաժիշտներ, այդ թվում Բիլի Այլիշը, Նիքի Մինաժը, Ջեյ Բելվինը, Չաք Դին, Benny The Butcher-ը, Metro Boomin-ը եւ Q-Tip-ը, հայտարարել են արհեստական բանականության սպառնալիքի մասին երաժշտության ոլորտում...

• Բեյոնսեն դարձել է առաջին սեւամորթ արտիստը, ում քանթրի երգը չարթերում գրավել է առաջին հորիզոնականը

  Իր «Ռենեսանս» շրջագայությամբ աշխարհը նվաճելուց հետո Բեյոնսեն շարունակում է պատմություն կերտել իր նոր՝ Act II ալբոմով…

• Երաժշտության պատմությունը փոխած «Rhapsody in Blue» ստեղծագործությունը 100 տարեկան է

  Փետրվարին լրանում է Ջորջ Գերշվինի «Rhapsody in Blue» ամերիկյան երաժշտության խորհրդանշական կոմպոզիցիայի ստեղծման 100-ամյակը․․․

• Շերը Ռոքնռոլի փառքի սրահի հավակնորդների թվում է

  Շերը, Լենի Կրավիցը, Շինեյդ Օ'Քոնորը, Մերի Ջեյ Բլայջը, Օզի Օսբորնը եւ Մրայա Քերին Ռոքնռոլի փառքի սրահի հավակնորդներից են․․․

• Sony Music-ը Մայքլ Ջեքսոնի կատալոգի մասնաբաժինը կգնի ավելի քան 1,2 միլիարդ դոլարով

  Sony-ի գործարքը չի ներառում Բրոդվեյի պիեսների եւ Ջեքսոնի երաժշտությունը ներկայացնող այլ թատերական բեմադրությունների հոնորարները․․․

• Թեյլոր Սվիֆթը «Գրեմմիի» ռեկորդ է սահմանել

  Լոս Անջելեսում կայացել է Գրեմմիի 66-րդ մրցանակաբաշխությունը…

• Ջեյ Լոն եւ Latto-ն՝ «Can't Get Enough (Remix)» երգի «թեժ» տեսահոլովակում

  Միակ բանը, որից Ջենիֆեր Լոպեսը չի կարող կշտանալ, սերն ու բուռն երաժշտական ​​տեսահոլովակներն են․․․

Ամպային ծառայությունները ժամանակ գլխիվայր շուռ տվեցին երաժշտական ​​արդյունաբերությունը: Ժամանակակից երաժշտասերը իր հետ ձայնասկավառակների կամ ձայներիզների տուփ  «քաշ տալու» կարիք չունի. յուրաքանչյուրը կարող է սմարթֆոնով միլիոնավոր երաժշտական ​​ստեղծագործություններ լսել առավոտյան վազքի կամ ընկերական հավաքույթների ժամանակ։ Երաժշտական թվային ծառայությունների առատությունը երբեմն կարող է վախեցնել, քանի որ սթրիմինգները, որոնք բոլորի ականջին են, ընդամենը այսբերգի երեւացող մասն են: Ո՞ր սթրիմինգն ընտրել, ինչո՞վ են դրանք ընդհանրապես իրարից տարբերվում, և ամենակարևորը՝ դրանցից ո՞րն է իր բյուջեով անձամբ ձեզ հարմար և առավելագույնս կբավարարի ձեր երաժշտական ​​կարիքները: NEWS.am STYLE-ն իր ընթերցողների համար փոքրիկ ակնարկ է  պատրաստել ամենահայտնի և մատչելի սթրիմինգային ծառայությունների վերաբերյալ:

 Փոքրիկ ուղեցույց տերմինաբանության վերաբերյալ.

Hi-Res - կոմպոզիցիայի նվագարկման ամենաբարձր որակի ձևաչափ

FLAC – lossless ձևաչափերից մեկը, անվճար կոդեկ, որը նախատեսված է ձայնային տվյալները առանց կորստի սեղմելու համար:

Աուդիո կոդավորում - անալոգային ձայնային ազդանշանների թվայնացման համակարգ, որը չափվում է կՀց-ով:

Spatial audio - տարածականության  սկզբունքով ձայնագրված աուդիոյի ապակոդավորման և նվագարկման համակարգ (աուդիոյում առարկաները գտնվում են 3D տարածության մեջ), որն օգտագործվում է ֆիլմերում և հատկապես խաղերում, այժմ հասանելի է նաև երաժշտություն լսելու համար։

CD-որակ – աուդիոյի բարձրորակ պահպանման և նվագարկման համաշխարհային ստանդարտ, որը ներկայացված է 16 բիթ / 44,1 կՀց ձևով:

Mp3 - աուդիո ձևաչափ, որը կտրում է այն հաճախականությունները, որոնք լսելի չեն մարդու ականջին, նման ձևաչափերը (.aac, .ogg) ենթադրում են ձայնի որակի որոշակի վատթարացում՝ մեծ ֆայլերը փոքր ֆայլերի սեղմելու պատճառով:

Նյութը կազմելիս օգտագործվել են ընկերությունների ֆինանսական հաշվետվությունները, մամուլի հաղորդագրությունները, բիզնես պորտալների հետազոտությունների արդյունքները, ինչպես նաև YouTube–ի աուդիոֆիլ ալիքների նյութերից տվյալներ։ Պարամետրերը, որոնց վրա հիմնվել է խմբագրությունը, եղել են աուդիոֆայլի նվագարկման որակը, բաժանորդագրության արժեքը, արդյոք ծառայությունը հասանելի է Հայաստանում, բջջային և desktop հավելվածների հարմարավետությունը, ձայնադարանի չափը։

Spotify

Շվեդական այս ծառայությունն առաջատարն է ակտիվ բաժանորդների թվով. ընկերությունը 2022 թվականն ավարտել է 489 միլիոն բաժանորդ արդյունքով։ Ըստ որոշ տեղեկությունների՝ մարտի դրությամբ Հայաստանում ակտիվ բաժանորդների թիվը կազմում է 17617 մարդ։

Դրական կողմերը

Ծառայության ձայնադարանը մշտապես թարմացվում է, երգերի քանակի մասին տվյալները տատանվում են 75-85 միլիոնի սահմաններում։

Հարմարավետ desktop հավելված՝ մեծ թվով սարքերի, ներառյալ հեռուստացույցների որոշ մոդելների աջակցությամբ (լուսանկար)

Հարմար բջջային հավելված, գերազանց նավիգացիա (լուսանկար)

Հայաստանում բազային ամսական բաժանորդագրության արժեքը 4,99 դոլար է։

Բացասական կողմերը

Շատ օգտատերեր համաձայն են, որ Spotify-ում անհատական ​​ընտրանի կազմելու ալգորիթմները հիմնականում ունկնդրին առաջարկում են այն, ինչը նա արդեն հարյուր անգամ լսել է: Նշվում է, որ չափազանց հազվադեպ է հաջողվում նոր թրեքներով ընտրանի ստանալ (մեկ առանձին օգտվողի համար):

Առավելագույն որակը, նույնիսկ առավելագույն պայմաններով բաժանորդագրության դեպքում, ընդամենը 44,1 կՀց է: Ծառայությունն առաջարկում է որակով mp3-ի հետ համեմատելի ձևաչափեր (.aac, .ogg), այսինքն՝ ձայնային տեղեկատվության որոշակի կորստով:

Եզրակացություն

Ծառայությունը հարմար է և ունիվերսալ, հիմնական առավելությունը ընդարձակ ձայնադարանն է: Կատարյալ է ամենօրյա օգտագործման, սպորտով և այլն բաներով զբաղվելու համար: Նույնիսկ էժան ականջակալներ կամ ստերեոհամակարգեր օգտագործելիս դուք կստանաք ընդունելի որակ: Բայց աուդիոֆիլների բոլոր կարիքները, ցավոք, այն չի կարող բավարարել։

AppleMusic

Սթրիմինգային ծառայությունների շարքում պիոներ է, ակտիվ օգտատերերի քանակով երկրորդն է Spotify-ից հետո։ 2022 թվականի դրությամբ՝ ծառայությունն ունի մոտ 88 միլիոն ակտիվ բաժանորդ։

Դրական կողմերը

2022 թվականի վերջի դրությամբ ձայնադարանի ծավալը Apple-ը գնահատել է 100 միլիոն ստեղծագործություն։

Ի տարբերություն իր հիմնական մրցակցի՝ ծառայությունն աջակցում է Lossless ձևաչափին, որը նշանակում է «անկորուստ»: Բացի այդ, ծառայությունը կարող է առաջարկել 44,1 կՀց-ից մինչև 192 կՀց  որակ (ըստ երևույթին, կախված ծառայության մեջ վերբեռնված ֆայլի աղբյուրից):

Այն ունի Spatialaudio ֆորմատի աջակցություն, hարմար բջջային հավելված (լուսանկար)

Բացասական կողմերը

Չափազանց անհարմար նավիգացիա desktop հավելվածում, որտեղ հասանելի չեն Hi-Res ֆայլերը: Դրանք հասանելի են միայն iOS կամ Android համակարգերում։ (լուսանկար)

Հայաստանի տարածքից բազային ամսական բաժանորդագրության արժեքը 6,49 դոլար է։

Ինչ վերաբերում է երգերի ընտրանիներին, շատ օգտվողներ հայտնում են նույն խնդիրը, ինչ Spotify-ի դեպքում:

Եզրակացություն

Հարմարավետ և հարուստ ձայնադարանով ծառայություն՝ տարածական աուդիո ձևաչափերի աջակցությամբ և Hi-Res որակով մեծ թվով թրեքներ: Այն դուր կգա ինչպես աուդիոֆիլներին, այնպես էլ սովորական երաժշտասերներին:

YandexMusic

Yandex Music-ը ռուսական խոշոր սթրիմինգային ծառայություն է: 2018 թվականին Հայաստանում գործարկած սթրիմինգը հարմարեցվել է տեղական երաժշտական ​​շուկային և լեզվին։

Դրական կողմերը 

Ամսական բաժանորդագրության արժեքը 1199 դրամ է։ Yandex Music-ին այժմ առանձին բաժանորդագրություն չկա, այն ներառված է Yandex Plus փաթեթում, որով դուք նաև մուտք եք ստանում Kinopoisk ծառայություն և բալերով քեշբեք՝ Yandex-ի ծառայությունների, ինչպես օրինակ, տաքսի ծառայության դիմաց վճարելու համար:

Օգտատերերը գովում են սթրիմինգն իր ընտրանու համար՝ նշելով, որ իսկապես մեծ քանակությամբ նոր երաժշտություն են ստանում։  «Моя волна»-ն («Իմ ալիքը») թրեքների անվերջանալի հոսք է, որը հարմարվում է օգտատիրոջ նախասիրություններին։

Desktop հավելվածը հարմարավետ է, բջջային հավելվածը՝ նույնպես, ունի գերազանց նավիգացիա:

Բացասական կողմերը

2022 թվականից ծառայության ձայնադարանը սրընթաց արագությամբ զրկվում է մեծ քանակությամբ արտասահմանյան երաժշտությունից, մասնավորապես՝ մեծ թվով թարմ թողարկումներից։  Ձայնադարանի ծավալի վերաբերյալ ստույգ տվյալներ այսօր ներկայացված չեն։

Ծառայությունում ներկայացված որակը 44,1 կՀց է, երգերը նվագարկվում են mp3 ձևաչափով։

Ծառայությունը կարող է օգտագործվել անվճար, բայց նվագարկման ցածր որակով, ինչպես նաև սահմանափակ՝ մինչև 30 րոպե տեւողությամբ ֆոնային լսումով:

Եզրակացություն

Չնայած սահմանափակ ձայնադարանին, ծառայությունը դեռևս կարող է ունկնդրին անծանոթ երաժշտության մեծ քանակություն առաջարկել: Այն հարմար է, էժան, և բաժանորդագրության շնորհիվ դուք կստանաք որոշակի բոնուսներ: Hi-Res-ի բացակայությունը, անշուշտ, կհիասթափեցնի աուդիոֆիլներին, սակայն ամենօրյա օգտագործման և նոր երաժշտության որոնման առումով ծառայությունը վստահորեն պահպանում է իր դիրքերը:

Qobuz

Ֆրանսիական սթրիմինգային ծառայություն է. Ընկերությունը հիմնադրվել է 2007 թվականին, սակայն լայն տարածում է ստացել միայն 2019 թվականին։ 2019 թվականին օգտատերերի թվաքանակը եղել է 200.000։ Քոբուզը սթրիմինգների շարքում համարվում է առաջատար՝ բովանդակությամբ որակով: Այն դիրքավորված է որպես «Hi-Res որակի համաշխարհային առաջատար»:

Դրական կողմերը

Ըստ ընկերության՝ աղբյուրների վերարտադրման նվազագույն ստանդարտը CD որակն է (թվային վերարտադրության ստանդարտ): Սակայն ծառայությունն ունի նաև Hi-Res որակով ամենաշատ թրեքները: Սթրիմինգը թրեքները նվագարկում է 44,1-ից մինչև 96 կՀց հաճախականությամբ:

Ընկերության կայքում ձայնադարանի ծավալը նշվում է 100 մլն։

Ծառայությունն ունի բրաուզերում անմիջապես նվագարկելու հնարավորություն, ինչպես նաև բավականին հարմար բջջային և desktop հավելվածներ:

Ունի հնարավորություն ինտեգրվելու հեռուստացույցի և ավտոմեքենայի Carplay և AndroidAuto համակարգերի հետ։

Hi-Fi արտադրողների մեծ գործընկերային բազա ունի:

Բացասական կողմերը

Ծառայությունը Հայաստանում ներկայացված չէ։

Ամսական բաժանորդագրության արժեքը կկազմի 12,99 GBP: Տարեկան բաժանորդագրության համար միանվագ վճարումով (129,99 GBP) մեկ ամիսը կարժենա 10,83 GBP: Գոյություն ունի բաժանորդագրության Sublime տարբերակ, որն արժե ամսական 15 GBP, բայց սովորական (Studio) բաժանորդագրությունից տարբերվում է միայն բովանդակության Hi-Res հատվածում 60% զեղչով:

Եզրակացություն

Qobuz–ն անպայման կհամապատասխանի աուդիոֆիլներին, ինչպես նաև նրանց, որոնք ցանկանում են առավելագույնը քաղել իրենց աուդիո համակարգից: Հիասթափեցնում է Հայաստանում ներկայացվածության բացակայությունը, բաժանորդագրության արժեքը: Ստեղծագործությունների անհատական ընտրանու մասին տեղեկությունները որոշեցինք չառանձնացնել որպես դրական կամ բացասական կողմ, քանի որ Qobuz–ն ավելի շատ արդեն ծանոթ երաժշտության որակի, քան նոր երաժշտությանը ծանոթանալու մասին է: Ծառայության հիմնական առավելությունը Hi-Res թրեքերով հսկայական ձայնադարանն է:

Tidal

Համարվում է Քոբուզի գլխավոր մրցակիցը։ Շվեդական արտադրության ծառայություն է՝ ԱՄՆ-ի հետ համատեղ կառավարմամբ։ Տեղեկություններ կան նախագծում ռեփեր Ջեյ Զիի ներգրավվածության մասին, որին հաջորդել է երաժշտի կողմից 80% բաժնետոմսերի վաճառքը Square-ին։ Ծառայության մասին լրացուցիչ տեղեկություններ կարելի է գտնել այս նյութում:

Դրական կողմերը

Ինչպես նշվում է ընկերության կայքում, ձայնադարանը գերազանցել է 100 միլիոն թրեքը։

Սթրիմինգը կարող է տրամադրել ինչպես mp3 ձևաչափեր (.aac), այնպես էլ թրեքներ անկորուստ FLAC ձևաչափով և նորարարական MQA ձևաչափով:

Հարմար desktop հավելված:

Հարմար բջջային հավելված:

Բաժանորդագրության բազմաթիվ տարբերակներ, ներառյալ՝ ուսանողական և ընտանեկան:

Բացասական կողմերը

Ծառայությունը Հայաստանում ներկայացված չէ։

Ամսական բաժանորդագրությունները սկսվում են $9,99-ից և հասնում $29,99-ի:

Ընդհանուր առմամբ, ծառայությունն ավելի շատ կենտրոնացած է ամերիկյան շուկայի վրա։

Եզրակացություն

Ծառայությունը բավականին հարմար է ինչպես աուդիոֆիլների, այնպես էլ ամենօրյա օգտագործման համար։ Ինչ վերաբերում է ընտրանիներին, ապա տեղեկատվությունը շատ տարբեր է, ինչ-որ մեկը լիովին բավարարված է Tidal-ի՝ երաժշտություն ընտրելու և առաջարկելու ալգորիթմից, մեկ ուրիշը քննադատում է սթրիմինգին՝ ավելի շատ ռեփի և R’n’B-ի ուղղությամբ կողմնորոշված լինելու համար։ Եթե ​​բաժանորդագրության արժեքը և տեղայնացման բացակայությունը ձեզ համար խոչընդոտ չեն, ի վերջո դուք կստանաք արժանի և բազմակողմանի ծառայություն:

Deezer

Մեր ակնարկի վերջին հերոսը ևս մեկ երաժշտական ​​ծառայություն է Ֆրանսիայից։ Ընկերությունը հիմնադրվել է 2007 թվականին և այսօր ներկայացված է աշխարհի ավելի քան 185 երկրներում։ Բաժանորդների թվի մասին տարբեր տվյալներ կան, սակայն տարբեր հաշվարկներով այն հասնում է շուրջ 9,4 միլիոնի:

Դրական կողմերը

Այո՛։ Ծառայությունը ներկայացված է Հայաստանում։

Deezer-ը ձեզ կտա CD որակ և ոչ մի դեպքում ավելի ներքեւ չի իջնի: Միևնույն ժամանակ, ծառայությունն առաջարկում է նաև բովանդակության նվագարկում FLAC ձևաչափով:

Հիանալի desktop հավելված և բջջային հավելված:

Ծառայությունն իր զինանոցում ունի ավելի քան 90 միլիոն թրեք:

Բացասական կողմերը

Հայաստանում անվճար լսելու գործառույթ չկա, ծառայությունն անմիջապես առաջարկում է անցնել վճարովի բաժանորդագրություններից մեկին։

Պրեմիում ամսական բաժանորդագրությունը կարժենա $10,99: Ընտանեկան բաժանորդագրությունը կարժենա 17,99 դոլար։

Ընտրության համակարգը կտրամադրի հիմնականում երաժշտություն, որը դուք արդեն գիտեք, բայց երբեմն այն կարող է ուրախացնել ձեզ մի քանի թրեքներով, որոնք ձեզ համար նոր են:

Եզրակացություն

Ծառայությունը վստահորեն զբաղեցնում է միջին դիրք, այն կարող է բավարարել առօրյա կարիքները: Deezer-ը չունի ընդգծված թերություններ, սակայն առկա առավելությունները մեծ չեն այլ ծառայությունների համեմատ։ Մեկ ամսվա անվճար փորձնական բաժանորդագրությունը (ինչպես գրեթե մյուս բոլոր սթրիմինգների դեպքում) և Deezer-ի դեպքում անձնական թեստ-դրայվի հնարավորությունը  լավագույն տարբերակն է որոշելու՝ արդյոք այս արտադրրանքը հարմար է ձեզ, թե ոչ:

Նիկիտա Ակիմով

Հետևեք NEWS.am STYLE-ին Facebook-ում, Twitter-ում և Instagram-ում