• Ջազի միջազգային օրը՝ Երեւանում

  Ապրիլի 30-ին՝ Ջազի միջազգային օրը՝ ժամը 16:00-22:30-ը, Գաֆէսճեան քանդակների պուրակում (Կասկադ համալիր) տեղի կունենա ջազային համերգ․․․

• Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով

  Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով…

• Բարոյականության «պահապանները» թող շրջանցեն. էրոտիկ ֆիլմերի ընտրանի

  Եթե «էրոտիկ ֆիլմ» արտահայտությունը լսելով ձեր մտքին միանգամից գալիս են «Նիմֆոմանուհին» եւ «Մոխրագույնի 50 երանգները», ապա շնորհավորում ենք՝ դուք ոչինչ չգիտեք ժանրի մասին…

• Երեւանյան բուրգեր-ուղեցույց. փնտրում ենք կատարյալ համը

  Վերջին տարիներին բուրգերները դարձել են Երեւանի խոհարարական մշակույթի անբաժանելի մասը՝ առաջարկելով հյութալի ու լայն տեսականի՝ համային նախասիրությունների մեծ ընտրությամբ…

• Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

  Մենք փորձել ենք այս անգամ բացահայտել, թե որն է ամուսնանալու լավագույն տարիքը եւ ինչպես են մարդիկ վերաբերվում դավաճանություններին․․․

• «Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը

  Netflix-ը թողարկել է «Հարյուր տարվա մենություն» սերիալի նոր թիզերը…

• Սթիվեն Սփիլբերգը ֆիլմ է նկարահանում ՉԹՕ-ի մասին

  Սթիվեն Սփիլբերգը պատրաստվում է վերադառնալ գիտաֆանտաստիկայի աշխարհ․․․

• Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ

  Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել` Լեոնարդո ԴիԿապրիոյի եւ Ջենիֆեր Լոուրենսի գլխավոր դերակատարմամբ․․․

Ակտիվ ժամանցի սիրահարների համար լավ նորություն ունենք։ Ապրիլի առաջին շաբաթը լի է թարմ ու գարնանային իրադարձություններով։ NEWS.am STYLE-ը ներկայացնում է դրանցից մի քանիսը․

Ապրիլի 3. Եթե բաց եք թողել Մկրտիչ Արզումանյանի մասնակցությամբ «Два плюс два» ներկայացման երեկվա պրեմիերան, այն կարող եք հասցնել դիտել նաեւ այսօր։ Ներկայացումը Կ․ Ստանիսլավսկու անվան դրամատիկական թատրոնում է, սկիզբը՝ 19:00-ին։ Տոմսերի արժեքը 2000-ից 8000 դրամ է։ Ներկայացումը ռուսերենով է։ 

Ապրիլի 4. «Հարսանեկան Ping Pong»` եւս մեկ գարնանային պրեմիերա, որը տեղի կունենա այս երեքշաբթի՝ Հ․ Պարոնյանի անվան երաժշտական կոմեդիայի պետական թատրոնում։ Ներկայացման բեմադրիչը Գարեգին Եվանգուլյանն է, գլխավոր հերոսներին մարմնավորում են Գոռ Հակոբյանը, Իննա Խոջամիրյանը, Լեւոն Հախվերդյանը, Անի Խաչիկյանը եւ Մանե Մխոյանը։ Պրոդյուսերները Տիգրան Վիրաբյանն ու Արման Միտոյանն են։ Ներկայացման սկիզբը 19:30-ին է, տոմսերի արժեքը՝ 3000 - 8000 դր։

Ապրիլի 5. «Վերածնունդ» հիմնադրամը ներկայացնում է ռեժիսոր Վահե Յանի «ՏԱՂ. ՀՈԳՈւ ՃԱՆԱՊԱՐՀ» հոգեւոր երաժշտական ֆիլմը` Մեծ ճգնավոր Սուրբ Գրիգոր Նարեկացու տաղերի հիման վրա: Սցենարի համահեղինակ եւ Նարեկացու տաղերի մենակատար՝ Վահե Բեգոյան: 
Ֆիլմում նկարահանվել են Նազենի Հովհաննիսյանը, Խորեն Լեւոնյանը, Տիգրան Ներսիսյանը, Նելլի Խերանյանը,  Մարջան Ավետիսյանը, Շանթ Հովհաննիսյանը, Ռոզի Ավետիսովան եւ Սամվել Թոփալյանը։
Ֆիլմի ցուցադրությունը նախատեսվում է ոչ միայն ապրիլի 5-ին, այլեւ՝ 6-ին եւ 7-ին՝ Մոսկվա կինոթատրոնում: Մուտքն ազատ է:

Ապրիլի 6. Այսօր մեծ էկրաններ կբարձրանա ռեժիսոր Սերժ Գաբյանի «Օթը Թոթը Թվանքի կոթը», կամ կարճ ասած՝ «ՕԹԹԿ» կատակերգությունը։ Ֆիլմի սյուժեում ընկած է հարուստ սփյուռքահայի կողմից կազմակերպվող գողության պատմություն, որը ինչպես նկարահանող անձնակազմն է բնութագրում՝ «ստացվում է հայավարի»։
Իսկ մյուզիքլի սիրահարներն այսօր կարող են վայելել տարվա ամենասպասված թատերական իրադարձության՝ «Սանսեթ Բուլվարի» պրեմիերան։ Մյուզիքլի գլխավոր դերում լեգենդար Թամարա Գվերդծիթելին է, մասնակցում են նաեւ հայկական շոու-բիզնեսից հայտնի դերասաններ։ Ներկայացումը տեղի կունենա Կարեն Դեմիրճյանի անվան մարզահամերգային համալիրում։ Տոմսերի արժեքը՝ 5000-ից 100 000 դրամ։ 

Ապրիլի 7. Մայրության ու գեղեցկության տոնին բաց մի թողեք հնարավորությունը՝ վայելելու անկրկնելի ներկայացում՝ հայկական դուդուկի հնչյունների ներքո SEVEN VISIONS HOTEL, The DVIN-ի ONE & ONLY թատրոնում: Սկիզբը՝ 20։00-ին է (ներկայանալ մինչեւ 19:40)։
Հասցեն՝ Պարոնյան 40։

Ապրիլի 8. Չենք մոռանում նաեւ մեր պատանի ընթերցողներին։ Պատանի հանդիսատեսի թատրոնը նրանց հրավիրում է դիտելու «Գեղեցկուհին եւ հրեշը» ներկայացումը։ Սկիզբը՝ 13:00-ին, տոմսերի արժեքը՝ 1000-3000 դրամ։ 

Ապրիլի 9. Այս կիրակին անցկացրեք Հին Անի մյուզիք հոլում՝ քնքշաձայն Զարուհի Բաբայանի կատարումների ներքո։ Կազմակերպիչները խոստանում են անմոռանալի երեկո՝ լի հին ու նոր երգերով՝ կենդանի նվագակցությամբ։ Սպասվում են նաեւ պարային ներկայացումներ։ Համերգի սկիզբը՝ 20:00-ին, տոմսերի արժեքը՝ 6000, 7000, 8000 դրամ:

Հետևեք NEWS.am STYLE-ին Facebook-ում, Twitter-ում և Instagram-ում