NEWS.am STYLE-ն առանձնացրել է մի քանի հետաքրքիր իրադարձություն, որոնց ականատեսը կարող եք դառնալ այս շաբաթ։ Թատրոնից մինչեւ համերգ եւ ցուցահանդես․ վստահ ենք՝ ցանկում կգտնեք այն, ինչ ձեզ է հետաքրքրում։
Ապրիլի 25. Կ․ Ստանիսլավսկու անվան դրամատիկական թատրոնում կկայանա «Զոնա» ներկայացման պրեմիերան։ Սյուժեն հետեւյալն է՝ քրեակատարողական հիմնարկում մշակութային կյանքը ակտիվացնելու նպատակով հրավիրվում է ռեժիսոր, որը պիտի բեմադրի Շեքսպիրի «Համլետ» ստեղծագործությունը։ Քանի որ դերասանները կալանավորներն են լինելու, հավատացեք, պետք չէ վառ երեւակայություն ունենալ պատկերացնելու համար, թե ինչ փորձությունների միջով է անցնելու ռեժիսորը։ Ներկայացման սկիզբը՝ 19:30-ին։ Տոմսերի արժեքը՝ 3000-8000 դրամ։
Ապրիլի 26. Կոնստանտին Վոլոստնովն առաջին անգամ հանդես կգա մենահամերգով եւ կներկայացնի 20-21-րդ դարերի ռոմանտիկ ստեղծագործություններ։ Համերգի ընթացքում տեղի կունենա երկու համաշխարհային պրեմիերա՝ Ժիրայր Շահրիմանյանի «Երեք պիես երգեհոնի համար» (2021 թ.) եւ Արման Ղուշչյանի «Երգեհոնային պատարագից» երկու հատված (2022 թ.): Հոգեւոր եւ սիմֆոնիկ երեկոն տեղի կունենա Հայաստանի Կոմպոզիտորների միության դահլիճում՝ 19:30-ին։ Տոմսերի արժեքը՝ 1500-3000 դրամ։
Ապրիլի 26. Detectit քվեստ-խաղ։ Զգացեք իրական դետեկտիվ, որը հետաքննում է հանցագործությունը: Detectit-ը 5 ռաունդանոց թիմային խաղ է, որը բաղկացած է լուծվող հանելուկներից։ Այս անգամ խաղերի 10-րդ սերիան է եւ սերիական մարդասպանի պատմությունը։
Տոմսերի արժեքը 4000 դրամ է(նախապես գրանցումը պարտադիր է): Անցկացման վայրը՝ Hard Rock Cafe
Ապրիլի 27. Կամերային երաժշտության կենտրոնում տեղի կունենա Simple Music Ensemble-ի համերգը:
Պրոֆեսիոնալ երաժշտական խումբը կկատարի հայտնի անիմե ստեղծագործություններ։ Simple Music Ensemble-ը հայտնի է ֆիլմերից հայտնի երաժշտական ստեղծագործությունների իրենց օրիգինալ մշակումներով:
Ապրիլի 27. Mezzo ակումբը հրավիրում է վայելելու Feel The Beat քավր բենդի համերգային ծրագիրը, որտեղ կհնչեն հայտնի ու սիրված հիթեր՝ էներգետիկ ու ինքնատիպ մոտեցումներով։ Համերգը կմեկնարկի 21:00-ին։ Տոմսերի արժեքը՝ 4000 դրամ։
Ապրիլի 28․ Եթե աճպարարության սիրահար եք, ուրբաթ երեկոն անցկացրեք Գոյ թատրոնում։ Միջազգային կարգի պրոֆեսիոնալ մոգ եւ աճպարար Վարդան Ամիրյանը ներկայացնում է «Հրաշագործը» կախարդական երեկոն: Ըստ կազմակերպիչների՝ երեկոյի ընթացքում ականատես կլինեք աճպարարական հնարքների յուրովի ներկայացման, կլինեն նաեւ հոգեբանական վարժություններ ( ՀԻՊՆՈՍ): Միջոցառումը 19:00-ին է, տոմսերի արժեքը՝ 3000 դրամ։
Ապրիլի 29. Տունն ուղղակի տեղ չէ․ դա քո անվնտանգության զգացումն է, քո իսկ տեղում լինելու զգացողությունը․ Բաբելոն թատրոնը հրավիրում է յուրահատուկ ցուցահանդեսի՝ ֆիզիկական եւ հոգեւոր տան մասին։ Նկարիչներ`Anastasia Rykunova, Mikhail Leshchov, Daniel Strelnikov։ Երաժիշտներ՝ BassTards։ Երեկոյի սկիզբը՝ 19:00-ին, տոմսերի արժեքը` 3000 դրամ։
Ապրիլի 30․ Այս կիրակին կնշանավորվի Ջազի միջազգային օրվան նվիրված համերգով, որը տեղի կունենա Գաֆէսճեան քանդակների պուրակում (Կասկադ համալիր)։ Սկիզբը՝ 18:00-ին։ Ելույթ կունենան Էրիկ Տրյուֆազին, Դաֆեր Յուսեֆին, «Պիանոֆորտե» բենդերը, Վահագն Հայրապետյանը, «Կատուներ» բենդը եւ Լեւոն Մալխասյանը։ Մուտքն ազատ է։
Ապրիլի 29-30. Լեգենդար ռուս երաժիշտ Բորիս Գրեբենշչիկովը համերգով հանդես կգա Երեւանում։ Նա «Ակվարիում»-ի երաժիշտների հետ միասին ելույթ կունենա Platform ակումբում։
Հետևեք NEWS.am STYLE-ին Facebook-ում, Twitter-ում և Instagram-ում
12:10, 27 ապրիլի
Քիմ Քարդաշյանը տխրել է Թեյլոր Սվիֆթի նոր դիս-թրեքի պատճառով, բայց չի ցանկանում «կրակի վրա յուղ լցնել»11:31, 27 ապրիլի
Վահագ Ռաշը հետեւորդներին է ներկայացրել «Լուսամփոփի պես աղջիկ» երգի նոր տարբերակը10:37, 27 ապրիլի
Սելենա Գոմեսին տխրեցնում են իր սերնդակիցների գեղեցկության չափանիշները09:00, 27 ապրիլի
ԱՊՐԻԼԻ 27-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը