• Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները

  Դուբայի ճարտարապետական ​​հրաշալիքներից երկուսը` Burj Al Arab-ը եւ Atlantis, The Palm-ը, Instagram-ում աշխարհի ամենահայտնի հյուրանոցներն են…

• Մալդիվների ամենաթանկ հանգստավայրի ներսում

  Երբ Soneva Secret-ը բացվեց ապրիլի սկզբին, այն աշխարհի ամենաթանկ հյուրանոցային ուղղություններից մեկում՝ Մալդիվներում, անմիջապես դարձավ ամենաթանկ հանգստավայրը․․․

• Տոկիոյի հանրային զուգարանները եզակի զբոսաշրջային գրավչություն են ճանապարհորդների համար

  Բացի տաճարներ այցելելուց եւ կեռասի ծաղիկներով հիանալուց, Տոկիոյի այցելուներն այժմ կարող են ուսումնասիրել քաղաքի ավելի ժամանակակից հրաշքները՝ հասարակական զուգարանները, հայտնում է Reuters-ը․․․

• Միշլենի հեղինակավոր ուղեցույցը ներկայացրել է իր առաջին Michelin Keys վարկանիշը՝ Ֆրանսիայի հյուրանոցների համար

  Միշլենի հեղինակավոր ուղեցույցը ներկայացրել է իր առաջին Michelin Keys վարկանիշը՝ Ֆրանսիայի հյուրանոցների համար՝ ներխուժելով հյուրանոցային ոլորտ․․․

• Daily Express. Եթե ցանկանում եք բացահայտել Եվրոպայի ամենատպավորիչ գաղտնիքներից մեկը, գնացեք Հայաստան

  Շշմեցնող Հայաստանն այն ուղղություններից է, որտեղ ավելի քիչ զբոսաշրջիկների կտեսնեք, քան մայրցամաքի շատ այլ երկրներոիմ, բայց սա շուտով կարող է փոխվել, քանի որ այնտեղ զբոսաշրջիկների թիվը սկսում է աճել․․․

• Հինգ ամիս, 40 երկիր եւ շքեղ նավարկություն, որտեղ լյուքս համարներն արժեն մինչեւ 1,7 միլիոն դոլար

  Պիկասոյի ստեղծագործությունները, ռոյալներ եւ անձնական սպասավորներ. բարի գալուստ Regent Seven Seas-ի շքեղ նավարկությունների ապագա․․․

• Four Seasons-ը բարձրացնում է շքեղության մակարդակը Կարիբյան և Միջերկրական ծովում իր առաջին զբոսանավի գործարկումով  

  Four Seasons-ը բարձրացնում է շքեղության մակարդակը Կարիբյան և Միջերկրական ծովում իր առաջին Four Seasons զբոսանավի թողարկումով: Սուպեր զբոսանավը նախագծվել է շվեդական Tillberg Design ընկերության հետ համատեղ...

• Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին

  Աբու Դաբին գնում է Սաուդյան Արաբիայի հետքերով և նախատեսում է ստեղծել աշխարհում առաջին eSports կղզին, որն ընդգրկում է 500,000 քառակուսի մետր տարածք, որը խաղային դրախտ կլինի ամբողջ աշխարհի խաղացողների համար...

Շատերը գիտեն իտալական այնպիսի քաղաքներ, ինչպիսիք են Հռոմը, Վենետիկը, Ֆլորենցիան, Միլանը, Պիզան։ Այս բոլոր վայրերը պատկերված են բացիկների եւ լուսանկարների վրա, տուրօպերատորներն ամեն տարի միլիոնավոր մարդկանց են տանում այնտեղ: Բայց քչերն են լսել Լեչեի, Գալիպոլիի, Օստունիի մասին... Այս գեղեցիկ վայրերն այնքան էլ սիրված չեն զանգվածային զբոսաշրջիկների կողմից, բայց միեւնույն ժամանակ սա Իտալիայի հետաքրքիր ու ոչ այնքան բնորոշ շրջան է՝ Ապուլիա:

Ապուլիան իտալական գարշապարն է, երկրի հարավը՝ հունական կղզիների դիմաց:

Ապուլիան հարմար է հանգիստ ճամփորդելու, փոքրիկ գողտրիկ քաղաքներով հմայլվելու համար եւ հաճույք է պատճառում փոքր թվով զբոսաշրջիկների նույնիսկ ծանրաբեռնված սեզոնին:

Տարածաշրջանը երբեմն անվանում են «Իտալիայի հացի զամբյուղ»։ Այն գյուղատնտեսական է եւ առաջատար է ձիթապտղի յուղի, հացի եւ մակարոնեղենի արտադրության մեջ ամբողջ Իտալիայում:

Մայրաքաղաքը Բարի քաղաքն է։ Այստեղ է գտնվում լեգենդար բազիլիկան, որտեղ պահվում են Սուրբ Նիկոլասի մասունքները: Բարիում հայկական համայնքը ներկա է եղել հին ժամանակներից, իսկ այսօր քաղաքում կարելի է տեսնել հայկական խաչքարը։ Ցեղասպանությունից հետո այստեղ է փախել բանաստեղծ Հրանտ Նազարյանցը, որին սիրում եւ մեծարում են ոչ միայն Պուլիայում, այլեւ ողջ Իտալիայում։

Պետք է անպայման այցելել Օստունի հմայիչ քաղաք, որն իր սպիտակ տներով հիշեցնում է  հունական կղզիները։ Ծաղիկներով լցված նեղ փողոցները, «Լա Տերրա» հին քաղաքը, ապուլյան խոհանոցը ռեստորաններում եւ ծովին մոտ լինելն Օստունին դարձնում են մեղրամսի հիանալի վայր:

Պատկերացնելու համար, թե ինչպես են մարդիկ ապրել անցյալ դարերում եւ վերջերս Ապուլիայի տարածքում, կարող եք գնալ Մատերա եւ Ալբարաբելլո:

Մատերան քարանձավային քաղաք է։ Սրանք եզակի քարե տնակներ են, ժայռերի մեջ գտնվող եկեղեցիներ՝ սյուների փոխարեն ստալակտիտներով, լաբիրինթոսներով, թունելներով եւ փողոցներով, որոնք գտնվում են մեկը մյուսի վերեւում: Քաղաքի կենտրոնը կոչվում է Sassi di Matera՝ «Մատերայի քարերը»։ Դեռեւս 20-րդ դարի 50-ականներին մարդիկ այստեղ ապրում էին քարանձավներում, մինչեւ որ ուշադրություն դարձրին այս երեւույթին ու սկսեցին տեղաբնակներին ստիպելով տեղափոխել նոր բնակարաններ։ Դա տեղի է ունեցել Կառլո Լեւիի «Քրիստոսը կանգ առավ Էբոլիում» գրքի թողարկումից հետո, որտեղ հեղինակը Sassi-ն համեմատում է Դանթեի դժոխքի հետ եւ նկարագրում է բնակիչներին որպես «հյուծված, կնճռոտ ծերեր՝ ծածկված ոջիլներով եւ խոցերով»։ Այսօր նախկին տներում գեղեցիկ ռեստորաններ եւ խանութներ են տեղակայված։

Ալբերաբելոն Ապուլիայի հերթական մարգարիտն է՝ բոլորովին այլ տրամադրությամբ։ Այստեղ կարելի է հիանալ տրոլների տներով, որոնցից պատրաստ են դուրս պրծնել առասպելական թզուկները։ Trullo նշանակում է «գմբեթ»: Գյուղացիներն իրենց տները հավաքում էին տեղական կրաքարից՝ առանց ցեմենտի շաղախի օգտագործման։ Դա արվել է այնպես, որ մեկ քար քաշելով՝ հեշտ լինի քանդել ամբողջ կացարանը։ Այս կերպ խուսափել են հարկերից՝ երբ իմացել են, որ թագավորական հարկահավաքները մոտենում են, բնակավայրի տներն արագ ապամոնտաժվել են։ Հետաքրքիր է, որ նման բան կա Գորիսում՝ քարանձավային Խնձորեսկ քաղաքից ոչ հեռու։

Անհնար է այցելել Ապուլիա եւ չտեսնել շքեղ Լեչեն, որը հաճախ անվանում են «Հարավի Ֆլորենցիա» կամ «Իտալիայի բարոկկո մարգարիտ»: Եվ լավ պատճառով. քաղաքն ունի շատ բարոկկո ճարտարապետություն: Բացի այդ, պահպանվել են հնագույն ավերակները։ Կրաքարը, որից կառուցված են քաղաքի շենքերը, շատ գեղեցիկ է փայլում իտալական պայծառ արեւի տակ ու հետաքրքիր երանգ է ստանում մայրամուտին։

Ապուլիայի ամենահարավային քաղաքը, որը գտնվում է մայրցամաքի եզրին - Սանտա Մարիա դի Լեուկան է: Սալենտո թերակղզու ծայրամասային կետը։  Այստեղ հանդիպում են Հոնիական եւ Ադրիատիկ ծովերը։ Դուք կարող եք քայլել թմբերի երկայնքով, լողալ քարանձավներում եւ հիանալ ժայռերի լանդշաֆտներով:

Պուլյայում հետաքրքիր է մնալ Մասերիայում. դրանք հին կալվածքներ են, որոնք նախկինում նման էին ֆերմաների, իսկ այժմ դրանք վերանորոգվել ու վերածվել են բուտիկ հյուրանոցների։ Դրանցում նաեւ գեղեցիկ հարսանեկան արարողություններ են կազմակերպում, այնպես որ, եթե ամուսնանալ իտալական հողի վրա, ուշադրություն դարձրեք այս տարբերակին:

Ապուլիայի խոհանոցը բաղկացած է ձիթապտղի յուղի, մակարոնեղենի, բանջարեղենի եւ ծովամթերքի առատությունից: Տարածաշրջանի ամենահայտնի մակարոնեղենը orecchiette-ն է կամ «ականջները»: Այն եփում են բանջարեղենով եւ տոմատի սոուսով։ Շատ սիրելի բուրատա պանրի հայրենիքը նույնպես Ապուլիան է։ Տեղական գինիներից դուք պետք է փորձեք պարզունակ խաղողի տեսակից, որն այստեղ է եկել Հունաստանից:

Ապուլիան օրիգինալ շրջան է, որն անտարբեր չի թողնի հետաքրքրասեր զբոսաշրջիկին, որտեղ հիանալի կերպով համակցված են բնությունը, պատմությունը եւ գաստրոնոմիական հաճույքները։

Անաստասիա Բարու

Հետևեք NEWS.am STYLE-ին Facebook-ում, Twitter-ում և Instagram-ում