Միշլենի հեղինակավոր ուղեցույցը ներկայացրել է իր առաջին Michelin Keys վարկանիշը՝ Ֆրանսիայի հյուրանոցների համար՝ ներխուժելով հյուրանոցային ոլորտ:
Նոր ուղեցույցում ընդգրկված 600 հյուրանոցների թվում Միշլենն առանձնացրել է Ֆրանսիայի 189 հյուրանոց՝ ճանաչելով հյուրընկալության ոլորտի այդ մասնագետների տաղանդն ու նվիրվածությունը եւ սահմանելով նոր որակ հյուրանոցային ոլորտում, գրում է Forbes-ը։
Գաստրոնոմիական աստղերով հայտնի Միշլենի ուղեցույցը հյուրանոցների համար նոր մրցանակ է ներկայացնում՝ Միշլենի բանալիներ՝ 1-ից մինչեւ 3 հատ:
Michelin Keys մրցանակը հաստատվել է որպես միջազգային նոր չափանիշ ճանապարհորդների համար:
Ֆրանսիայից հետո Michelin Keys կստանան նաեւ ԱՄՆ-ում (Ատլանտա, Կալիֆորնիա, Չիկագո, Կոլորադո, Ֆլորիդա, Նյու Յորք, Վաշինգտոն) եւ Տոկիոյում՝ ապրիլի 24-ին, Իսպանիայում՝ ապրիլի 29-ին, Իտալիայում՝ մայիսի 7-ին։
Ֆրանսիայի 24 հյուրանոցային հաստատություններ ստացել են Միշլենի երեք բանալի, 38-ը՝ երկուսը, 127-ը՝ մեկ։
Փարիզում աչքի են ընկնում նման 5 հաստատություններ։ Դրանց թվում է Four Seasons George V-ը, որը ոչ միայն առաջարկում է լյուքս համարներ, այլեւ պարծենում է մայրաքաղաքի ամենաբացառիկ առողջարաններից մեկով: Միշլենի աստղեր ունեցող երեք ռեստորանների, ինչպես նաեւ պատկերասրահների ու բարերի շնորհիվ ձեր կեցության յուրաքանչյուր պահը կլրացվի գաստրոնոմիական յուրահատուկ փորձով:
Cheval Blanc Paris հյուրանոցը, Սենին նայող տեսարանով, հրավիրում է ձեզ հետաքրքրաշարժ խորհրդածության, մինչդեռ Saint James Paris-ը՝ մայրաքաղաքի միակ ամրոցային հյուրանոցը, հմայում է իր այգիների խաղաղությամբ, որոնք ստեղծվել են լանդշաֆտային դիզայներ Քսավյե դե Շիրակի կողմից։
Միշլենի երկու բանալիները շնորհվում են առանձնահատուկ նշանակություն ունեցող օբյեկտներին, որտեղ անխափան կերպով համատեղվում են հմայքը, գրավիչ դիզայնը, ուժեղ տեղական արմատները եւ կառույցների խնամքի նկատմամբ զգալի ուշադրությունը:
Գրան-Լյուսե ամրոցը, որը 18-րդ դարի նեոկլասիկական շքեղ շենք է, առաջարկում է 17 սենյակ եւ լյուքս համարներ, որոնք շքեղություն եւ նրբագեղություն են հաղորդում՝ միեւնույն ժամանակ չանտեսելով ժամանակակից հարմարավետությունը:
Եվս 127 հյուրանոց ստացել է Միշլենի մեկական բանալի։ Ֆրանսիական առաջին վարկանիշը, որում ներկայացված է հյուրանոցների լայն բազմազանություն, տպավորիչ է իր զարմանալի տարբերակներով եւ յուրաքանչյուրի բյուջեին եւ նախասիրություններին համապատասխան փորձ տրամադրելու ունակությամբ:
Հետևեք NEWS.am STYLE-ին Facebook-ում, Twitter-ում և Instagram-ում
22:48, 29 ապրիլի
Հանուն սեքսի ճանապարհորդությունը 2024 թվականի թրենդն է21:24, 29 ապրիլի
Ջոան Աղաջանյան-Քուինը՝ Լոս Անջելեսի արտ-բեմի մուսա եւ հովանավոր20:35, 29 ապրիլի
Նիկոլ Քիդմանը Balenciaga-ի շքեղ ոսկեփայլ զգեստով19:31, 29 ապրիլի
«Եվրատեսիլ 2024»-ում Հայաստանը ներկայացնող «Լադանիվա»-ի առաջին փորձի առաջին կադրերը (ֆոտո)19:21, 29 ապրիլի
Ով կղեկավարի LVMH շքեղ կայսրությունը. Բեռնար Առնոն գնահատում է իր ժառանգներին16:34, 29 ապրիլի
Six Senses առողջարանային ցանցը Դուբայում կառուցում է աշխարհի ամենաբարձր բնակելի աշտարակը16:17, 29 ապրիլի
Հարգանքի տուրք Ազնավուրին․ բացվեց քանդակագործ Մկրտիչ Մազմանյանի ցուցահանդեսը15:16, 29 ապրիլի
Ժերար Դեպարդյեն կալանքի տակ է հայտնվել սեռական ոտնձգությունների մեղադրանքով14:26, 29 ապրիլի
Անգլիացու անպարկեշտ դաջվածքը զայրացրել է իսպանացի ոստիկաններին13:28, 29 ապրիլի
Լեգենդար դերասանուհի Շիրլի Մաքլեյնն իր 90-ամյակի առթիվ կիսվել է իր երկարակեցության գաղտնիքով12:34, 29 ապրիլի
Հարուստներն իրենց քմահաճույքներն ունեն. նյույորքցի միլիարդատիրոջ արտառոց հարսանիքը՝ Եգիպտոսի Մեծ բուրգերի մոտ11:59, 29 ապրիլի
Քլոե Քարդաշյանի անձնական կյանքը հետին պլան է մղվել