Քիմ Քարդաշյանն արտասվել է, երբ պատմել է հուզական եւ հոգեկան այն ցավի մասին, որն իրենց ամուսնալուծությունից հետո պատճառել է նախկին ամուսնը՝ Քանյե Ուեսթը։
Hulu-ի The Kardashians-ի պրեմիերային դրվագում 42-ամյա Քիմը, ով սկանդալային ռեփերից բաժանվել է 2021 թվականի փետրվարին՝ վեց տարվա համատեղ կյանքից հետո, ասում է իր մորը՝ Քրիս Ջեներին, որ ինքը «ցամաքել է» Քանյեի պահվածքի պատճառով։
Նա նաեւ մեղադրում է նախկին ամուսնուն այն բանի համար, որ վերջինը լուրեր է տարածել, թե Քիմն իրենց ամուսնության ընթացքում դավաճանել է իրեն ռեփեր Դրեյքի հետ։
Քիմը հատկապես հուզվում է՝ խոսելով այն մասին, թե ինչպես է նախկին ամուսինը «վերեւից նայում իրեն» 2007 թվականի իր տխրահռչակ սեքս-տեսագրության պատճառով, եւ ամեն առիթով բարձրաձայնում է դրա մասին: «Նրա բոլոր սադրանքները մի օր ավելի շատ կվնասեն երեխաներին, քան իմ մասնակցությամբ այդ ձայնագրությունը»,-ասում է նա Քրիսին:
Տեսարանը սկսվում է նրանից, որ Քիմը խոստովանում է մորը, որ պայքարում է խուճապի նոպաների դեմ, ինչը Քանյեի կողմից իրեն պատճառած սթրեսի հետեւանքով է առաջացել: «Ամբողջ առավոտ ես խուճապի նոպա ունեի։ Ինձ թվում էր, թե, պարզապես, չեմ կարողանում շնչել»,- պատմում է Քիմը։
Նա խոստովանում է, որ «այժմ շատ բան է կատարվում իր եւ Քանյեի միջեւ»: «Չնայած այն բոլոր անհեթեթություններին, որոնք Քանյեն ասում է մեր մասին, ես երբեք չեմ մեկնաբանում դրանք»,-ասում է նա մայրիկին:
Թեեւ դա իրեն ցավ է պատճառում, Քիմն ասում է, որ Քանյեն, որն իր ընտանիքի անդամներին, մասնավորապես մորը, իր առցանց վրդովմունքի մեջ է ներքաշնում, բարկացնում է իրեն: «Կարծում եմ, որ կարող եմ ամեն ինչի հետ գլուխ հանել, պարզապես այնքան ցավ եմ զգում, որ մայրս ստիպված է զբաղվել այդքան շատ խնդիրներով»,-տեսախցիկի առաջ ասում է նա:
Քրիսն, իր հերթին, հիշեցնում է Քիմին, որ դուստրը «չի կարող կառավարել» այն, ինչ անում է Քանյեն։
SKIMS-ի հիմնադիրը զայրույթ է արտահայտում այն փաստի կապակցությամբ, որ Քանյեն շարունակում է օգտագործել իր սեքսուալ ժապավենն իր դեմ։ «Նա այդպես վերեւից է նայում ինձ վրա այդ տեսագրության պատճառով եւ այս թեմայի մասին շարունակ բղավում է», - պնդում է նա:
«Իսկ ես պետք է նստեմ եւ ոչինչ չասեմ, քանի որ գիտեմ, որ մի օր իմ երեխաները կգնահատեն դա, եւ գիտեմ նաեւ, որ դա նրանց համար ամենալավ որոշումն է»,-բացատրում է Քիմը, ով հազիվ է զսպում արցունքները:
Հետևեք NEWS.am STYLE-ին Facebook-ում, Twitter-ում և Instagram-ում
20:23, 18 մայիսի
Իվետա Մուկուչյանը գայթակղիչ կերպարով հանդես է եկել հայտարարությամբ (VIDEO)16:23, 18 մայիսի
«Խաչմերուկներ» միջազգային փառատոնը հատեց եզրագիծը15:56, 18 մայիսի
«Ոստիկանները որոշեցին, որ մենք մերկ ենք եւ հեռացրին այնտեղից». Սարիկ Անդրեասյանն ու նրա կինը Իտալիայում հայտնվել են անհարմար իրավիճակում14:11, 18 մայիսի
«Փարաջանովը եւ նորաձեւությունը». Երեւանում բացվել է անվանի կինոռեժիսորի ստեղծագործություններից ոգեշնչված ցուցահանդես12:33, 18 մայիսի
Կապուչինոյի փորձարկում՝ Երեւանում. փնտրում ենք համեղ սուրճ10:23, 18 մայիսի
Բեն Աֆլեքն ու Ջենիֆեր Լոպեսը վերամիավորվել են ամուսնալուծության մասին լուրերի ֆոնին09:00, 18 մայիսի
ՄԱՅԻՍԻ 18-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:21, 17 մայիսի
Նոր սիրավե՞պ․ Անջելինա Ջոլին Բեռլինում ընթրել է «Վարպետը եւ Մարգարիտան» ֆիլմի աստղի հետ21:31, 17 մայիսի
Բիանկա Սենսորիի ընտանիքը վախենում է, որ Քանյե Ուեսթը նրան «կներքաշի» պոռնոգրաֆիայի մեջ20:05, 17 մայիսի
Չեխիայում կանցկացվեն հայ մշակույթի օրեր19:22, 17 մայիսի
«Բրիջերթոնի» աստղ Նիկոլա Քոգլանը՝ սերիալի հաջողության եւ 3-րդ եթերաշրջանի «բուռն» սեքսուալ տեսարաններից վախենալու մասին16:15, 17 մայիսի
«Հովեր» երգչախմբի առաջիկա համերգը նվիրված է Հակոբ Հակոբյանի 100-ամյակին