• Մալդիվների ամենաթանկ հանգստավայրի ներսում

  Երբ Soneva Secret-ը բացվեց ապրիլի սկզբին, այն աշխարհի ամենաթանկ հյուրանոցային ուղղություններից մեկում՝ Մալդիվներում, անմիջապես դարձավ ամենաթանկ հանգստավայրը․․․

• Տոկիոյի հանրային զուգարանները եզակի զբոսաշրջային գրավչություն են ճանապարհորդների համար

  Բացի տաճարներ այցելելուց եւ կեռասի ծաղիկներով հիանալուց, Տոկիոյի այցելուներն այժմ կարող են ուսումնասիրել քաղաքի ավելի ժամանակակից հրաշքները՝ հասարակական զուգարանները, հայտնում է Reuters-ը․․․

• Միշլենի հեղինակավոր ուղեցույցը ներկայացրել է իր առաջին Michelin Keys վարկանիշը՝ Ֆրանսիայի հյուրանոցների համար

  Միշլենի հեղինակավոր ուղեցույցը ներկայացրել է իր առաջին Michelin Keys վարկանիշը՝ Ֆրանսիայի հյուրանոցների համար՝ ներխուժելով հյուրանոցային ոլորտ․․․

• Daily Express. Եթե ցանկանում եք բացահայտել Եվրոպայի ամենատպավորիչ գաղտնիքներից մեկը, գնացեք Հայաստան

  Շշմեցնող Հայաստանն այն ուղղություններից է, որտեղ ավելի քիչ զբոսաշրջիկների կտեսնեք, քան մայրցամաքի շատ այլ երկրներոիմ, բայց սա շուտով կարող է փոխվել, քանի որ այնտեղ զբոսաշրջիկների թիվը սկսում է աճել․․․

• Հինգ ամիս, 40 երկիր եւ շքեղ նավարկություն, որտեղ լյուքս համարներն արժեն մինչեւ 1,7 միլիոն դոլար

  Պիկասոյի ստեղծագործությունները, ռոյալներ եւ անձնական սպասավորներ. բարի գալուստ Regent Seven Seas-ի շքեղ նավարկությունների ապագա․․․

• Four Seasons-ը բարձրացնում է շքեղության մակարդակը Կարիբյան և Միջերկրական ծովում իր առաջին զբոսանավի գործարկումով  

  Four Seasons-ը բարձրացնում է շքեղության մակարդակը Կարիբյան և Միջերկրական ծովում իր առաջին Four Seasons զբոսանավի թողարկումով: Սուպեր զբոսանավը նախագծվել է շվեդական Tillberg Design ընկերության հետ համատեղ...

• Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին

  Աբու Դաբին գնում է Սաուդյան Արաբիայի հետքերով և նախատեսում է ստեղծել աշխարհում առաջին eSports կղզին, որն ընդգրկում է 500,000 քառակուսի մետր տարածք, որը խաղային դրախտ կլինի ամբողջ աշխարհի խաղացողների համար...

• Versace հյուրանոցը բացվել է Մակաոյում

  Versace հյուրանոցը բացվել է Մակաոյում։ Palazzo Versace Macau-ն՝ բրենդի առաջին հանգստավայրը Ասիայում, միավորում է բարոկկոյի և հին հունական ճարտարապետության դասական ազդեցությունները Դոնաթելլա Վերսաչեի ստեղծագործական ղեկավարության ներքո...

Կաննը փոքր քաղաք է, որը գտնվում է Ֆրանսիայի հարավում։ Դրա տարածքը 19 քառակուսի կիլոմետրից մի փոքր ավելի է։ Այն իր չափսերով ավելի փոքր է, քան Գյումրին կամ Կապանը։ Ի տարբերություն հայկական քաղաքների, Կաննը քիչ հայտնի է իր ավանդական տեսարժան վայրերով՝ թանգարաններ, պատմական կենտրոններ եւ այլն։ Ընդհակառակը, այստեղ պետք է գալ լավագույն առողջարանային հանգստի համար: Այնուամենայնիվ, դրա համար պետք է համարժեք վճարել։ 

Նման փոքր ու աննկատ քաղաքը ճանաչում է ձեռք բերել կինոփառատոնի շնորհիվ։ Այս տարի նշվեց արմավենու ճյուղի հանձնման միջոցառման 76-րդ արարողությունը։ Այնուամենայնիվ, սինեֆիլների հետ միասին զվարճանքի ոլորտի եւ լրատվամիջոցների ներկայացուցիչները նույնպես անմասն չեն մնում այս տոնակատարությունից: Նրանք պատմում են ամեն ինչ, եւ ամենակարեւորը՝ անձնական օրինակով ցույց տալիս, թե ինչպես կարելի է հանգստանալ։

Որտե՞ղ կանգ առնել

Փառատոնի ընթացքում շատ կինոընկերություններ շքեղ բնակարաններ են վարձում։ Նրանց լոգոները տեղադրված են պատշգամբներում։ Այս ամենը գտնվում է, ինչպես ասում են, «առաջին գծում»՝ ավազոտ լողափից մի քանի քայլի վրա՝ եզակի 5 աստղանի հյուրանոցների հարեւանությամբ.

Hotel Barrière Le Majestic
JW Marriott Cannes
The Carlton Cannes, a Regent Hotel
Hôtel Martinez - The Unbound Collection by Hyatt

Մեկ անձի համար մեկ սենյակի միջին արժեքը սկսվում է մեկ գիշերվա համար 400 եվրոյից։ Սա ներառում է բարձրակարգ սպասարկում, պանորամային տեսարաններ դեպի լազուր ափ, ինչպես նաեւ նախասրահում ձեր սիրելի սուպեր աստղին հանդիպելու հնարավորություն: Օրինակ՝ NEWS.am Style-ին հաջողվել է «բռնացնել» Կոկո Ռոշային, Մեյ Մասկին, Վիկտորյա Բոնյային, Կառլա Բրունիին, FoodGod-ին, Լենա Սիթյուէյշնսին։

Հատկանշական է, որ վերը նշված ցանկի վերջին երկու հյուրանոցներն ունեն հիանալի «ֆոտո գոտիներ»։ Երեկոյան զարեւի մեղմ լույսն ընկնում է հյուրանոցի մուտքի/ելքի տարածքում, իսկ հյուրանոցի դիզայնը պարզ եւ մինիմալիստական ​​է: Ընդհանուր առմամբ, այս բաղադրիչները = հիանալի բովանդակության կադրեր:

Посмотреть эту публикацию в Instagram

Публикация от Maxim Sapozhnikov (@maximsap)

Խոսելով բովանդակության մասին՝ անհնար է չհիշատակել, որ ինֆլուենսերներին եւ բրենդների մեծամասնությանը լուսանկարում են Martinez հյուրանոցի տարբեր անկյուններից՝ ձյունաճերմակ պատշգամբ, պարուրաձեւ սանդուղք, ինչպես նաեւ հյուրանոցի համեստ ցուցանակով մասնավոր լողափ։

Որտե՞ղ սնվել

Ֆրանսիայի հարավում օրն առանց մեկ բաժակ սուրճի նույնն է, ինչ, օրինակ, pain au chocolat -ն՝ առանց շոկոլադի: Այստեղ սուրճի հատիկների բույրերը բոլորովին նոր նոտաներ են ստանում։ Ամենայն հավանականությամբ, դա պայմանավորված է անցորդների ծխախոտի ծխով կամ ծովափից եկող զեփյուռով։ Դե, կամ 5 եվրո արժեքով:

Посмотреть эту публикацию в Instagram

Публикация от Ida Cathrine (@idacath)

Օրը պետք է սկսել գեղեցիկ՝ Ladurée ֆրանսիական խորհրդանշական սրճարաններից մեկում: Այստեղ հաճախ կարելի է հանդիպել բովանդակություն ստեղծողների, որոնք հուսահատ փորձում են ստեղծել շատ կատարյալ նկար, կամ աստղերի օգնականների, ովքեր շտապում են պատվիրել մակարոնեղենի տարբեր տեսակներ։

Նման հաստատությունում նախաճաշը կարժենա մոտ 20-30 եվրո՝ մեկ անձի համար:

Ճաշի համար ավելի լավ է ընտրել ավելի մեկուսացված վայր։ Օրինակ, Carlton հյուրանոցի ռեստորանը: Հենց այստեղ են նկատել կինոռեժիսոր Քվենտին Տարանտինոյին, ով իր ֆիլմերում մեծ ուշադրությամբ է անդրադառնում սննդի թեմային։ Նրա խորհուրդներին հետեւելով դուք հաստատ չեք կարող սխալվել:

Посмотреть эту публикацию в Instagram

Публикация от Amaury Laparra (@amaurylaparra)

Ճաշել խորհուրդ ենք տալիս La Môme-ում: Սա Կաննի ամենանշանավոր վայրերից մեկն է։ Այստեղ ամեն ինչ կատարյալ է՝ սկսած ինտերիերից՝ (օրինակ՝ սնունդը մատոիցում են դիզայներական կերամիկական սպասքով) մինչեւ վեգանների համար նախատեսված ճաշացանկ։ Խորհուրդ ենք տալիս նախապես սեղան ամրագրել, քանի որ երեկոյան ռեստորանը լեփ-լեցուն է։ Այնտեղ հաճելի երեկո անցկացնելը թանկ հաճույք է։ Մեկ անձի համար՝ միջինում սկսած 200 եվրոյից:

Посмотреть эту публикацию в Instagram

Публикация от La Môme - Cannes (@lamomecannes)

Որտե՞ղ լիցքաթափվել

Լինել Կաննում եւ չմասնակցել երեկույթի՝ անընդունելի է։ Օրինակ, այս տարի The Weeknd-ի սերիալի պրեմիերայի աֆթըփարթիին Լիլի-Ռոուզ Դեփին եւ Կաննի վերնախավին տեսել են Միջերկրական ծովում՝ զբոսանավի վրա, որի վրա կառուցված էր նաեւ ժամանցավայր։ Այնտեղ մտնելն անհնար էր։ Հատուկ թեւնոցներով հյուրերին Lumiere թատրոնից նրանց համար նախատեսված տաքսիներով տեղափոխել են X տեղ: Այնուհետեւ եղել է ֆեյս-քընթրոլ:

Եթե ​​մեր ընթերցողը չունի կախարդական թեւնոց(ներ), ապա առաջարկում ենք ուշադրություն դարձնել ծովափնյա ակումբներին։ Այնտեղ հասնելու հավանականությունն ավելի բարձր է, բայց կրկին, գուցե, հանդիպեք մերժման կամ դեյս-քընթրոլի: Խորհուրդ ենք տալիս կրել ձեր լավագույն հանդերձանքները, լինել հնարավորինս ինքնավստահ եւ առաջ անցնել:

Посмотреть эту публикацию в Instagram

Публикация от Bâoli Cannes (@baolicannes)

Եթե ​​ակումբներ, ապա՝ Le Baoli եւ Gotha։ Այնտեղ հասնելը նույնպես այնքան էլ հեշտ չէ, բայց անմոռանալի հիշողությունները երաշխավորված են։ Կաննում հեքիաթային գիշեր անցկացնելու համար նախապես առանձնացրեք առնվազն 500 եվրո:

FlyOne Armenia-ն NEWS.am STYLE-ի գործընկերն է Կաննի կինոփառատոնի լուսաբանման գործում։

Հետևեք NEWS.am STYLE-ին Facebook-ում, Twitter-ում և Instagram-ում