Մարդկանց ամենամեծ թերությունը աներեւույթ դիմակն է, եւ դրա պատռվելուց հետո յուրաքանչյուրին դատելուց առաջ մի պահ մտածիր, թե երբ ես ինքդ վերջին անգամ հանել քո դիմակը․ այս մասին է ռեժիսոր, պրոդյուսեր Սեդրակ Գոջամանյանի եւ սցենարիստ Արմեն Վարդանյանի «No Makeup» ներկայացումը, որի պրեմիերան կկայանա հուլիսի 21-ին՝ Կ․ Ստանիսլավսկու անվան ռուսական դրամատիկական թատրոնում։
Կատակերգական ժանրի այս ներկայացումը Սեդրակ Գոջամանյանի եւ Արմեն Վարդանյանի 6-րդ համագործակցությունն է։ NEWS.am STYLE-ի հետ զրույցում Սեդրակ Գոջամանյանը բացահայտել է ներկայացման մանրամասները։
Այս պատմության դեպքերը զարգանում են տարեց դերասանուհի Ասպրամ Արմենակովնայի տանը (Ելենա Վարդանյան)։ Բեմի երբեմնի աստղն ունի առողջական խնդիրներ, իսկ նրա խնամակալն է դարձել նախկին ուսանողուհին՝ տաղանդավոր, բայց գործազուրկ Մերին (Անի Պետրոսյան)։
Մերին իր ողջ բեմական հմտությունները բեմ չունենալու պատճառով օգտագործում է իր անձնական հարաբերություններում, ինչի արդյունքում իր եւ իր շրջապատի առօրյան վերածում է իրավիճակների կոմեդիայի, եւ հակառակը։ Պատմության մեջ, Մերիին չեն զիջում նրա շուրջ հավաքված տղամարդիկ եւ նրանց կանայք։
Մյուս կերպարներին մարմնավորում են Աննա Մանուչարյանը, Ստեփան Ղամբարյանը, Աղաս Մանուկյանը, Մհեր Մխիթարյանը եւ Լիա Զախարյանը։
Ռեժիսորի խոսքով՝ այս դերասանական կազմի հետ աշխատելը հետաքրքիր էր, քանի որ ըստ նրա՝ յուրաքանչյուրն ունի իր գույնը։
«Բնականաբար, երբ ներկայացումը գրվել է, կերպարների առումով նկատի ենք ունեցել հենց այս դերասաններին, եւ ես կարծում եմ՝ լավագուն տարբերակն ենք ընտրել, քանի որ նրանք ոչ միայն տաղանդավոր են, այլեւ մեծ պատասխանատվությամբ են մոտենում իրենց գործին»։
Ինչ վերաբերում է ներկայացման հիմնական ասելիքին՝ Սեդրակի խոսքով՝ մեսիջները շատ են, հանդիսատեսը դրանք կարող է յուրովի մեկնաբանել․
«Կարծում եմ՝ հանդիսատեսը դիտելով է զգում այդ հաղորդագրությունները, եւ յուրաքանչյուրը կարող է տարբեր բաներ հասկանալ, բայց կարեւորը, որպեսզի այն դիպչի նրանց, իսկ ես վստահ եմ, որ այս ներկայացման դեպքում այդպես էլ կլինի»։
Կերպարների զգեստների ձեւավորումն արել է Արայիկ Գաբաջյանը, երաժշտությունը հատուկ ներկայացման համար հեղինակել է Հովհաննես Արշակյանը, պաստառը՝ Արվին Քոչարյանը, բեմանկարիչ՝ Արթուր Հարությունյան:
Սյունե Առաքելյան
Լուսանկարները տրամադրել է Սեդրակ Գոջամանյանը
Հետևեք NEWS.am STYLE-ին Facebook-ում, Twitter-ում և Instagram-ում
09:00, 27 ապրիլի
ԱՊՐԻԼԻ 27-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով