• «Դուբայը` երեք օրում. արևածագի փայլից մինչև Մարինայի կինեմատոգրաֆիկ մայրամուտները»

  Դուբայում անցկացրած երեք օրը դեկորացիաների կինեմատոգրաֆիկ փոփոխություն է...

• Եգիպտոսն առանց զբոսաշրջիկների. Ինչպիսի տեսք ունի փարավոնների նավով շքեղ զբոսանքը Նեղոսի վրա  

  Նեղոսի վրա զբոսանավով զբոսանքի մասին միայն հիշատակելն է հիշեցնում Ագաթա Քրիստիի «Մահը Նեղոսի վրա» ստեղծագործությունը՝ հագնված զբոսաշրջիկներ, թեյ և աղանդեր, և շքեղ, թեև որոշ չափով հնաոճ լայներ։ Սակայն այսօր դուք կարող եք Եգիպտոսը զգալ բոլորովին այլ կերպ՝ ճամփորդելով դահաբիայով՝ փարավոնների նավերը հիշեցնող ավանդական առագաստանավով, գրում է NYP-ն...

• Աթենքը մարտահրավեր է նետում Դուբային. Ինչպես է հին մայրաքաղաքը վերածվում հարուստ արտագաղթողների համար նոր դրախտի

  Այնտեղ, որտեղ մի ժամանակ գտնվում էր Աթենքի հին օդանավակայանը, արագորեն ի հայտ է գալիս ապագայի քաղաքը․․․

• Գեղեցիկ վայրեր՝ սառը ընդունելություն. 6 ուղղություն, որտեղ զբոսաշրջիկները բախվում են կոպտության

  Էյֆելյան աշտարակը, իտալական փողոցները և կապույտ Ադրիատիկ ծովը՝ միլիոնավոր զբոսաշրջիկներ երազում են տեսնել այս վայրերը…

• Դուբայը՝ ինչպիսին դուք այն երբեք չեք տեսել. քաղաքի նոր սեզոնի ուղեցույց

  Դուբայը քաղաք է, որին երբեք լիովին չես սովորում. այն ամեն այցելության հետ նորովի է բացվում․․․

• Մեկ ամբողջ տարի շքեղ նավի վրա. 56,000 ֆունտ ստեռլինգ արժողությամբ կռուիզը, որը կընդգրկի ամբողջ աշխարհը՝ Ալյասկայից մինչև Զանզիբար

  Երկշաբաթյա կռուիզը կարող է շքեղության գագաթնակետ թվալ։ Բայց ի՞նչ կլիներ, եթե դուք կարողանայիք ամբողջ տարին անցկացնել ծովում՝ ամեն օր արթնանալով մոլորակի մի նոր անկյունում․․․

• Ֆանտաստիկ ճանապարհորդություն. սուպեր զբոսանավերը և շքեղ լայներները գերհարուստ արկածախնդիրներին տանում են աշխարհի ծայրը  

  Սեզոնային ճանապարհորդները, որոնք ունեն բավարար ֆինանսական միջոցներ, դիմում են փորձարարական արշավային կրուիզների դեպի մոլորակի ամենահեռավոր անկյունները...

• «Հարստությունը վերածվել է կենդանաբանական այգու». Ինչու է էլիտար տուրիզմը սկսում ապստամբել «Սպիտակ լոտոսի» դեմ

  Քիչ հեռուստասերիալներ են այնպիսի խորը ազդեցություն ունեցել շքեղ ճանապարհորդությունների ոլորտի վրա, որքան «Սպիտակ լոտոսը»․․․

Դուբայում աշնանային սեզոնի մեկնարկին միշտ անհամբերությամբ են սպասում։ Ամառային արձակուրդներից հետո կրկին իրենց դռներն են բացում սիրված տեսարժան վայրերը, զբոսայգիները և դիտահարթակները, որոնք փակ են լինում ամռան ամիսներին:  Քաղաքը սպասում է նոր բացահայտումների, փառատոների և ցուցահանդեսների:

Դուբայն այս աշնանը ճանապարհորդներին կառաջարկի ավելի շատ հնարավորություններ հետաքրքիր ժամանցի համար՝ անապատի տպավորիչ արկածներից և skydiving-ից մինչև գաստրոնոմիական փորձառություններ և համաշխարհային բրենդների նորաձևության ցուցադրություններ: Դուբայը խոստանում է յուրաքանչյուրին հանգստի անմոռանալի պահեր։

Սեպտեմբերի 15-ին կվերաբացվի Dubai Miracle Garden-ը՝ աշխարհի ամենամեծ ծաղիկների այգին,  որի հիմնական գրավչությունը հայտնի շենքերի և ճարտարապետական կառույցների ճշգրիտ կրկնօրինակներն են՝ պատրաստված 50 միլիոն տնկված ծաղիկներից, ինչպես նաև Սիրո ծառուղու սրտաձև կամարները, որոնք սիրելի են հատկապես այգում զբոսնող սիրահար զույգերի համար:

Սեպտեմբերի 16-ին իր աշխատանքը կվերսկսի շատերի կողմից սիրված Hot Air Balloon-ը՝ օդապարիկով թռիչքներ Արաբական անծայրածիր անապատի վրայով: 1200 մետր բարձրության վրա ճանապարհորդները կտեսնեն անծայրածիր ավազաբլուրներ, արածող վիթեր և գեղատեսիլ Հաջարի լեռները:

Կվերսկսեն երկար սպասված էքսկուրսիոն ծրագրերը դեպի Հաթայ, որը հայտնի է իր հիասքանչ լեռնային լանդշաֆտներով: Հին ժամանակներում այս փոքրիկ քաղաքը հայտնի էր իր ռազմական ամրոցով և փոքր ֆերմերային տնտեսություններով, իսկ այսօր այն դարձել է գրավիչ վայր ակտիվ հանգստի և գեղեցիկ բնության սիրահարների համար։ Զբոսաշրջիկների շրջանում հատկապես տարածված են տարբեր բարդության երթուղիներով հեծանվային տուրերը, Hatta Dam լճի վրա կայակինգը և ձիավարությունը լեռնային հիասքանչ տեսարանների ֆոնին:

Աշնանային սեզոնը խոստանում է հագեցած լինել հետաքրքիր փառատոններով ու ցուցահանդեսներով։ Հոկտեմբերի 10-ից 15-ը Դուբայում կանցկացվի Արաբական Dubai Fashion Week (DFW) նորաձեւության շաբաթը, որը Նյու Յորքի, Լոնդոնի, Միլանի և Փարիզի նորաձևության շաբաթների հետ միասին ճանաչված է որպես 5 կարևորագույն միջազգային նորաձևության շաբաթներից մեկը: Dubai Fashion Week-ի մասնակիցներն են լինելու տաղանդավոր դիզայներներ ԱՄԷ-ից, Մերձավոր Արևելքից, Եվրոպայից, Ասիայից և Ամերիկայից: Միջոցառումը մարդկանց ուշադրությունը կհրավիրի ստեղծագործական և նորաձեւության ոլորտներում քաղաքի ակնառու նվաճումների վրա:

Նոյեմբերի 16-ից 19-ը Դուբայում սպասվում է Dubai Desert Classic & DP World Tour առաջնության ի մրցաշարը, որին կմասնակցեն միջազգային լավագույն գոլֆիստները: Այս մարզաձևի սիրահարները կկարողանան ինչպես հետևել մրցաշարերին, այնպես էլ խաղալ Emirates Golf Club-ի, Dubai Creek Golf & Yacht Club-ի և Jumeirah Golf Estates-ի հիանալի գոլֆի դաշտերում:

Գոլֆի մրցաշարին զուգահեռ՝ նոյեմբերի 16-ից 20-ը, քաղաքում կանցկացվի Dubai Watch Week ցուցահանդեսը։ Այս ընթացքում ոլորտի փորձագետներն ու մասնակիցները կկարողանան կիսվել գիտելիքներով, հաստատել նոր բիզնես կապեր և ձեռք բերել գործընկերներ։ Ակնկալվող մասնակիցների թվում են այնպիսի բրենդներ, ինչպիսիք են Akrivia, Audemars Piguet, Bvlgari, MB&F, TAG Heuer, Breitling, Greubel Forsey, Ulysse Nardin, Montblanc և այլն։

Էքստրիմի իսկական սիրահարների համար Դուբայն առաջարկում է անմոռանալի «թռիչքի» փորձառություն  Skydive Dubai էքստրեմալ սպորտի կենտրոնում։ Այստեղ դուք պարաշյուտով տպավորիչ թռիչք կունենաք լեգենդար Palm Jumeirah կղզու կամ Արաբական անապատի վրայով: Նրանք, ովքեր արդեն նմանատիպ փորձ ունեն, կարող են փորձել սոլո կամ համատեղ թռիչքներ։ Սկսնակները չպետք է անհանգստանան՝ իրենց մանրակրկիտ կպատրաստեն հրահանգիչները թռիչքից առաջ:

Ամենախիզախները կարող են փորձել իրենց և քայլել երկնաքերի եզրով հայտնի Edge Walk -ի բաց տարածքում: Այս տպավորիչ ատրակցիոնը գտնվում է Address Sky View հյուրանոցի տանիքում՝ Դուբայի սրտում՝ 219 մետր բարձրության վրա:  Այնուհետև կարող եք ուսումնասիրել երկհարկանի Sky Observatory դիտահրապարակը, քայլել հյուրանոցի երկու աշտարակները միացնող ապակե 46 մետրանոց կամուրջի վրայով և Դուբայի գլխավոր տեսարժան վայրերի ֆոնին սահել Sky Glass Slide-ով՝ 53-րդ հարկից մինչև ներքև։

Անկախ ճանապարհորդության նպատակից՝ լինի դա արկածային արձակուրդ, կարճատև ճանապարհորդություն, թե հանգստի նպատակով արձակուրդ: Դուբայն իր զբոսաշրջիկներին խոստանում է բազմաբնույթ և հիշարժան հանգիստ:

Հետևեք NEWS.am STYLE-ին Facebook-ում, Twitter-ում և Instagram-ում