Forbes-ի խոհարարական սյունակագիր Լիզա Զիմերմանը այցելել է Երեւան եւ կիսվել տեղի խոհանոցի մասին իր տպավորություններով։ Նրա գրառման թարգմանությունը ներկայացնում ենք հակիրճ տարբերակով։
«Երեւանը խոհարարական հաճույքների երկիր է։ Այստեղի խոհանոցում գերակշռում են թարմ խոտաբույսերը եւ տեղական պանիրները: Տեղացիները սիրում են այդ համադրությունը փաթաթել լավաշի մեջ եւ ուտել:
Խորովածը եւս տեղական խոհանոցի կարեւոր խորհրդանիշներից է, որը անմոռանալի կդարձնի երեկոն: Այն հաճախ պատրաստվում է խոզի մսից։ Քանի որ Հայաստանը քրիստոնեական երկիր է, տեղացիներն ու այցելուները ուտեստների լայն ընտրանի ունեն: Կան նաեւ դասական եւ դժվար հասանելի ուտեստներ, օրինակ՝ տապակած դդումը՝ լոլիկի սոուսի մեջ լցոնված կանաչ լոբիով եւ մսով, որը վայելեցի «Լավաշ» ռեստորանում՝ Երեւանում իմ առաջին ճաշի ժամանակ:
Մյուս ճաշատեսակները, ինչպիսիք են մանթին, փոքր, հաստլիկ պելմենիները՝ մսով կամ բանջարեղենով, իրենց խոհարարական ազդեցությունն ունեն հայկական խոհանոցի վրա: Մանթին պատրաստվում է շատ երկրներում, օրինակ՝ Թուրքիայում եւ Լիբանանում, սակայն հայերը այն հրաշալի են մատուցում։ Սեղանին դնում են լցոնած մանթին, այնուհետեւ ավելացնում են արգանակն ու թթվասերը: Լավագույն մանթին, որը ես փորձել եմ, եղել է լիբանանահայկական ռեստորանում, որը կոչվում է «Մանթի» եւ գտնվում է քաղաքի կենտրոնում:
Եթե ցանկանում եք հիանալ քաղաքով եւ շրջակայքով, արեւածագին օդապարիկով թռիչք իրականացրեք: Skyballarmenia-ն հիանալի աշխատանք է կատարում այցելուներին օդ բարձրացնելու եւ շրջակա լեռների ապշեցուցիչ տեսարանները ցուցադրելու գործում: Օդաչուն, նույնիսկ, տեղական շամպայն է մատուցում, իսկ ճամփորդությունից առաջ եւ հետո սուրճ ու խորտիկներ են առաջարկում։ Զարմանալի զվարճանք էր:
Այս կանաչ եւ առատ քաղաքում շատ են գինիների բարերը․ տեղացիները շարունակում են բացահայտել իրենց պատմական գինու ժառանգությունը: Ամենահետաքրքիրներից մեկը Decant-ն է: Բարն ունի հայկական գինիների եւ շամպայնի մեծ տեսականի, պարզապես, ցանկալի կլիներ, որ կարմիր գինիները մատուցվեին ճիշտ ջերմաստիճանում, ոչ թե շատ տաք: Դա տեղի էր ունենում անընդհատ, ինչի պատճառով ես որոշեցի ավելի քիչ կարմիր գինի խմել։
Ճամփորդության ընթացքում ինձ միշտ հետաքրքրում էին բանջարեղենային ուտեստները։ «Դալան» ռեստորանը, որը գտնվում է Երեւանի կենտրոնում, ձվով տապակած ճակնդեղ է պատրաստում, ինչն, ուղղակի, «ռումբ է»:
Երկար գիշերից հետո «Արտաշի մոտ» կարղ եք փորձել աշխարհի լավագույն շաուրման: Անհավատալի է, բայց նույն օրը՝ երեք համեղ կերակուրից հետո, մի ամբողջ մեծ ռուլետ եմ կերել: Ինձ այն, պարզապես, ավելի շատ դուր կգար առանց տապակած կարտոֆիլի եւ, գուցե, մի քիչ մանանեխ ավելացնեի»:
Հետևեք NEWS.am STYLE-ին Facebook-ում, Twitter-ում և Instagram-ում
21:23, 12 մայիսի
Wine Story. Հայկական գինեգործարան «Voskevaz»` կրքերով և ռիսկերով լի կյանք19:35, 12 մայիսի
Հոգեթերապիա Netflix-ի ձևով. Baby Reindeer հայտնի սերիալը16:22, 12 մայիսի
Նախաճաշ Երեւանում՝ մինչեւ 10 դոլար հասնող մենյուով13:38, 12 մայիսի
Սերժ Թանկյանի «Down With the System» հուշագրությունը լույս կտեսնի մայիսի 14-ին12:50, 12 մայիսի
«Լադանիվան» երգում է Եվրատեսիլ 2024-ի հաղթող Նեմոյի և ֆրանսիացի Սլիմանի հետ12:10, 12 մայիսի
X օգտատերերն ամբողջ աշխարհում հիացած են «Եվրատեսիլ 2024»-ում «Լադանիվայի» դինամիկ և աշխույժ ելույթով11:05, 12 մայիսի
«Եվրատեսիլը» պետք է «վերանորոգվի». հաղթող Նեմոն՝ մրցույթի «երկակի ստանդարտների», լարված մթնոլորտի ու իր հաղթանակի մասին10:05, 12 մայիսի
«Եվրատեսիլ 2024»-ի հաղթողին ստիպված են եղել նոր մրցանակ տալ, քանի որ արտիստը նախորդը գցել ու կոտրել էր09:00, 12 մայիսի
ՄԱՅԻՍԻ 12-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ02:45, 12 մայիսի
«Եվրատեսիլ 2024»-ի հաղթողը Շվեյցարիան է․ Հայաստանը 8-րդ տեղում է01:23, 12 մայիսի
«Լադանիվա»-ի փայլուն ելույթը՝ «Եվրատեսիլ 2024»-ի եզրափակչում (VIDEO)23:00, 11 մայիսի
Մեկնարկել է «Եվրատեսիլ 2024»-ի եզրափակիչ փուլը. Հայաստանը ելույթ կունենա 19-րդը (ՈւՂԻՂ)