«Աման» գերշքեղ հյուրանոցային ցանցը նախատեսում է կառուցել ԱՄԷ-ի ամենաթանկ հյուրանոցը։ Լյուքս դասի շքեղ բուտիկ-հանգստավայրը, որը պետք է բացվի առաջիկա երեք տարիների ընթացքում, գտնվում է Ջումեյրա 2-ի ծովափին:
«Սա, հավանաբար, կլինի ամենաթանկ հյուրանոցը ԱՄԷ-ում»,-The National-ին ասել է Aman Resorts-ի գործադիր տնօրեն Վլադիսլավ Դորոնինը,-«Մենք մտադիր ենք ներդրումներ կատարել շատ բարձրորակ ապրանքների մեջ, որոնք արժեն այդ գումարը: Սա եզակի արտադրանք է, սա շքեղ հյուրանոց է, որտեղ սենյակները կունենան տեսարան դեպի օվկիանոս եւ քաղաք, մասնավոր լողավազաններ եւ գեղեցիկ այգիներ»,- հավելել է նա։
Թեեւ Aman Dubai-ում համարների գները դեռեւս չեն բացահայտվել, եթե հանգստավայրը գնա իր քույր հյուրանոցի՝ Aman New York-ի հետքերով, ճանապարհորդները կարող են ակնկալել, որ մեկ գիշերվա համար հեշտությամբ կծախսեն հազարավոր դոլարներ:
Երբ այդ հյուրանոցը բացվեց 2022 թվականին, սենյակներն արժեին 3200 դոլար՝ մեկ գիշերվա համար, ինչն այն դարձրեց Մանհեթենի ամենաթանկ հյուրանոցը:
Aman Dubai-ը կհամատեղի շքեղ հյուրանոցային ցանցի մինիմալիստական էսթետիկան՝ արաբական հյուրընկալության հետ. հանգստավայրը նպատակ ունի էմիրությունը տեղափոխել շքեղության նոր մակարդակ:
Ծրագրի առանցքը լինելու է 3,6 հա տարածքով կայանատեղի-այգին։ Այն հիմնված է ընդարձակ բուսաբանական այգիների վրա, որոնք Ամանը ստեղծել է Լոս Անջելեսի Բեւերլի Հիլզի Aman Resort-ում:
«Մենք գրեթե կրկնապատկել ենք այն, ինչ ունենք Բեւերլի Հիլզում՝ կառուցելով 3,6 հեկտար այգիներ հենց ծովափին: Եվ մենք ստեղծում ենք յուրահատուկ էկոհամակարգ»,- ասել է Դորոնինը։
Aman Dubai ժամանող ճանապարհորդները կարող են նաեւ վայելել 350 մետրանոց մասնավոր լողափը եւ երկրի առաջին Aman Spa-ն, որը ընդգրկում է 2300 քառակուսի մետր տարածք:
Aman-ի ակումբը բացառիկ տարածք է, որը նախատեսված է միայն անդամների համար: Նմանատիպ ակումբը, որը վերջերս է բացվել Aman New York-ում, անդամակցությունները վաճառում է ավելի քան 200,000 դոլարով: Դուբայում արդեն կա ծառայության պահանջարկ, ասում է Դորոնինը։
«Մենք արդեն մեր ցուցակում ունենք շատ մարդիկ, ովքեր ցանկանում են դառնալ մեր անդամները: Անդամակցությունը սահմանափակ կլինի, եւ անդամները կկարողանան վայելել վիլլաները, սպան, ռեստորանները, կինոթատրոնը եւ Դուբայի լավագույն լողափերից մեկը»:
Նույն վայրում կբացվեն նաև սահմանափակ թվով Aman ֆիրմային բնակարաններ, որոնցից մի քանիսը վարձով կտրվեն, մյուսները՝ կվաճառվեն:
Հանգստավայրը, որը նախագծվել է Kerry Hill Architects-ի կողմից, կունենա պանորամային տեսարաններ դեպի Արաբական ծոց կամ Դուբայի երկնաքեր եւ Բուրջ Խալիֆա:
Հետևեք NEWS.am STYLE-ին Facebook-ում, Twitter-ում և Instagram-ում
21:23, 9 մայիսի
Բուրջ Խալիֆան աշխարհի ամենաբարձրահասակի տիտղոսը կզիջի Սաուդյան Արաբիայի Ջիդդա աշտարակին20:16, 9 մայիսի
Շառլ Ազնավուրի սիրավեպերը․ շանսոնյեի հարյուրամյակին19:05, 9 մայիսի
«Վայ քու… կամ փարթամ կակտուսը». ֆիլմի պրեմիերան ու «կանաչ» գորգը (ֆոտո)18:31, 9 մայիսի
Տիհանա Vibes. Dasein-ը սիրո եւ տարբերվող մարդկանց մասին է17:38, 9 մայիսի
Հայտնի երաժիշտ եւ մշակութային քննադատ Միխայիլ Կազինիկն առաջին անգամ համերգներով հանդես է գալիս Երեւանում16:03, 9 մայիսի
Հայաստան կատարած ուղեւորությունից հետո Թամլին Քուրինիը ճանաչվել է «Խմիչքի թեմայով տարվա հեղինակ»15:36, 9 մայիսի
«Լադանիվա»-ն այսօր ելույթ կունենա «Եվրատեսիլ 2024»-ի երկրորդ կիսաեզրափակչին․ ի՞նչ է լինելու բեմում15:26, 9 մայիսի
Ռոբերտ Դե Նիրոյին նվիրված առաջին փառատոնը տեղի կունենա Նյու Յորքում14:34, 9 մայիսի
Կիանու Ռիվզը ցանկանում է նկարահանել «Արագություն» ֆիլմի երրորդ մասը՝ Սանդրա Բուլոքի մասնակցությամբ13:23, 9 մայիսի
Շակիրան մեծ հաղթանակ է տարել Իսպանիայում իր հարկերի վերաբերյալ երկրորդ հետաքննության ընթացքում12:50, 9 մայիսի
Շեքսպիրի «անտեսված» կերպարը՝ յուրովի մեկնաբանությամբ. Արա Երնջակյանը ներկայացրեց «Հորացիոյի գաղտնիքը» գիրքը12:16, 9 մայիսի
Փերիս Հիլթոնը եւ Նիկոլ Ռիչին վերադառնում են ռեալիթի շոու