• Հպում, որը ստիպում է լաց լինել. Ի՞նչ է «տխուր պտուկի համախտանիշը»

  Հանկարծակի տխրության, անհանգստության կամ նույնիսկ խորը կորստի զգացում պտուկներին դիպչելուց հետո. աշխարհի տարբեր ծայրերում մարդիկ բախվում են այս տարօրինակ երևույթին…

• Առանց շաքարի գազավորված ըմպելիք, թե՞ ջուր. ուսումնասիրությունը պարզել է, թե որ ըմպելիքն է ավելի արդյունավետ քաշի կորստի համար  

  Ուսումնասիրությանը մասնակցել է 18-ից 65 տարեկան 493 մարդ՝ 27-ից 35 մարմնի զանգվածի ինդեքսով: Մի խմբին օրական տրվել է մոտ 660 մլ ջուր, մինչդեռ մյուսը ստացել է նույն քանակությամբ ոչ կալորիական քաղցրացուցիչներով ըմպելիքներ: Փորձը տևել է 104 շաբաթ...

• Կանայք «կոտրում են» իրենց կողոսկրերը՝ իշամեղվի ձև ունեցող իրան ունենալու համար. նոր ծայրահեղ վիրահատությունը հարցեր է առաջացնում բժիշկների շրջանում

  Գեղեցկության ոլորտը հասել է մի կետի, որը մի ժամանակ անհնար էր համարվում. այժմ հնարավոր է փոխել ոչ միայն ճարպային հյուսվածքը, կուրծքը կամ դեմքը, այլև կողերի ձևը…

• Քիմ Քարդաշյանը տարված է «երկարակեցության պարկուճով», բայց բժիշկները տագնապ են հնչեցնում  

  «Ես փոխել եմ իմ մտածելակերպը և այժմ կենտրոնացած եմ երկարակեցության և բջջային առողջության վրա», - ասել է Skims-ի հիմնադիրը The Sunday Times-ին տված հարցազրույցում...

• Սմարթֆոնները գողանում են կյանքի տարիները. գիտնականները զգուշացնում են անվերջ սքրոլինգի հետևանքների մասին

  Սոցիալական ցանցերում ժամերով սքրոլինգ անելը կարող է շատ ավելի լուրջ առողջական հետևանքներ ունենալ, քան ընդունված է ենթադրել…

• Քաշի կորստի հայտնի դեղամիջոցները կարող են սպառել ուղեղի էներգիան. փորձագետը զգուշացնում է ռիսկերի մասին

  GLP-1 քաշի կորստի դեղամիջոցների, այդ թվում՝ Օզեմպիկի և Վեգովիի, արագ աճող ժողովրդականության ֆոնին, մասնագետները զգուշացնում են, որ չափազանց արագ քաշի կորուստը և կալորիաների խիստ սահմանափակումը կարող են զրկել ուղեղին անհրաժեշտ էներգիայից և սննդանյութերից․․․

• Պանիրը թույլատրելի է, կարագը՝ զգուշությամբ. գիտնականները պարզել են, թե որ ճարպոտ սննդամթերքներն են իսկապես առողջարար

  Տարիներ շարունակ մեզ ասել են, որ ճարպոտ սնունդը վնասակար է մեզ համար․․․

• Մեկ ամիս ապրելով 90-ամյա իտալացու պես. բլուրները, մակարոնեղենը և թարմ մթերքները անսպասելիորեն փոխեցին առողջական վիճակը

  Հյուսիսային Իտալիայի մի փոքրիկ լեռնային գյուղում ընդամենը չորս շաբաթ ապրելը՝ զառիթափ փողոցներով շատ քայլելը, թարմ մթերքները, հարևանների հետ շփվելը և ավելի դանդաղ տեմպը, զգալիորեն փոխակերպեցին The Telegraph-ի լրագրող Ռոզի Թեյլորի ֆիզիկական պատրաստվածությունը․․․

Սառը ցնցուղ ընդունելու սովորական թվացող սովորությունը կարող է օգնել ամրապնդել առողջությունն ու կրճատել հիվանդության պատճառով աշխատանքից բացակայելու օրերի քանակը։ Այս եզրահանգմանն են եկել Շվեյցարիայի Բազելի համալսարանի հետազոտողները։

Մրսածության սեզոնի մեկնարկին վիտամին C-ի պաշարներ հավաքելու փոխարեն գիտնականներն առաջարկում են փոխել ցնցուղի ջրի ջերմաստիճանը։ Ճիշտ է, դրա համար ստիպված կլինեք հարմարվել բավականին տհաճ պրոցեդուրայի հետ։

Հետազոտությանը մասնակցել է 735 մարդ, որոնք երեք ամիս շարունակ ամեն օր սառը ցնցուղ են ընդունել։ Մասնակիցները պետք է 15-ից 120 վայրկյան կանգնեին ամենացածր ջերմաստիճանի ջրի շիթերի տակ։ Ջրի ջերմաստիճանը կազմել է մոտ 15 °C, մինչդեռ սովորական տաք ցնցուղ ընդունելիս այն մոտ 38 °C է լինում։

Արդյունքները ցույց են տվել, որ նրանք, ովքեր կարողացել են մինչև վերջ դիմանալ փորձարկմանը, 26%-ով ավելի հազվադեպ են հիվանդացել և վատ ինքնազգացողության պատճառով 31%-ով ավելի քիչ օր են բաց թողել աշխատանքից։

Այնուամենայնիվ, այս փորձությունը բոլորի ուժերի ներածին չէր. շատ մասնակիցներ դուրս են մնացել դեռ առաջին երկու շաբաթվա ընթացքում։ Ընդ որում, ժամանակի ընթացքում հրաժարվողների թիվը նվազել է. հետազոտության հեղինակ, հոգեթերապևտ Լենա Գլազերի խոսքով՝ մարդիկ աստիճանաբար ընտելացել են սառնությանը։

Կանայք փորձարկումը դադարեցրել են տղամարդկանցից 33%-ով ավելի հաճախ։ Այլ հետազոտությունների տվյալներով՝ սառը միջավայրում նրանք կարող են ավելի սուր անհարմարություն զգալ՝ այդ թվում մարմնի ավելի բարձր ջերմաստիճանի պատճառով։

Գլազերը նշել է, որ սառը ցնցուղ ընդունելը շարունակած մասնակիցները հայտնել են նաև ընդհանուր ինքնազգացողության և կենսական տոնուսի նկատելի բարելավման մասին։

Գիտնականները սառը ջրի հնարավոր օգտակարությունը բացատրում են նրանով, որ ցածր ջերմաստիճանն օրգանիզմին ստիպում է ավելի ակտիվորեն պահպանել ջերմությունը և խթանում է արյան շրջանառությունը։ Ենթադրվում է, որ դա կարող է նպաստել նյութափոխանակության արագացմանը, ցավի մեղմացմանը և իմունային համակարգի ամրապնդմանը։

Ոչ միայն առողջություն, այլև խնայողություն

Հետազոտությունը նվիրված էր ոչ միայն սառը ցնցուղի ֆիզիոլոգիական ազդեցություններին, այլև այն հարցին, թե մարդիկ որքանով են պատրաստ փոխել իրենց սովորությունները, եթե դա օգտակար են համարում։

Գլազերի խոսքով՝ նման պրակտիկան ունի նաև հավելյալ առավելություններ. այն թույլ է տալիս խնայել կոմունալ ծախսերը և կրճատել ածխաթթու գազի արտանետումները։ Փորձարկման ընթացքում մասնակիցներին հաջողվել է արտանետումների ծավալն ընդհանուր առմամբ նվազեցնել 8,8 տոննայով։

Հոգեթերապևտն այս մոտեցումը համեմատել է մսից հրաժարվելու հետ. սովորությունների փոփոխությունը կարող է օգուտ բերել ոչ միայն հենց մարդուն, այլև շրջակա միջավայրին։

«Երբ մարդիկ իրենց վարքագծի փոփոխությունից անձնական օգուտ են տեսնում և չեն զգում, թե ինչ-որ բան են զոհաբերում կամ ինչ-որ բանից զրկվում են, նրանց համար ավելի հեշտ է լինում հետևել նոր կենսակերպին»,— պարզաբանել է նա։

Այդուհանդերձ, սառը ցնցուղը բոլորին չէ, որ հարմար է։ Cleveland Clinic բժշկական կենտրոնի մասնագետները զգուշացնում են, որ սրտի հիվանդություններ և սրտանոթային այլ խնդիրներ ունեցող մարդիկ պետք է խուսափեն նման պրոցեդուրաներից։ Եթե սառը ջուրն ուժեղ սթրես, դժվարացած շնչառություն, ակամա ջղաձգային ներշնչումներ կամ գլխապտույտ է առաջացնում, անհրաժեշտ է անմիջապես դուրս գալ ցնցուղի տակից կամ տաքացնել ջուրը։

Նրանց, ովքեր, այնուամենայնիվ, ցանկանում են փորձել այս մեթոդը, Գլազերը խորհուրդ է տալիս չշտապել՝ ջրի ջերմաստիճանը նվազեցնել աստիճանաբար և առաջնորդվել սեփական զգացողություններով։ Ընդ որում, պարտադիր չէ ամեն օր ջուրը նույնչափ սառը դարձնել։

Հետևեք NEWS.am STYLE-ին Facebook-ում, Twitter-ում և Instagram-ում