Ներկայում շերտավոր ներկումը (мелирование) մազաներկման ամենից հայտնի տեսակն է: Շերտավոր ներկումն առանձին մազափնջերի գույնը բացացնելու տարբերակ է: Վարսերը ներկելու այս տարբերակը համարվում է խնայող, քանի որ մազերի միայն մի մասն է ներկվում, իսկ մնացածները պահպանում են բնական գույնը: Կարելի՞ է, արդյոք, այդ գործողությունը կատարել տանը: Այդ հարցով NEWS.am STYLE-ը դիմել է վարսահարդար Հասմիկ Դավթյանին:
«Տնային պայմաններում շերտավոր ներկումը միանգամայն սովորական երեւույթ է: Եթե սրահում այն կարժենա 10-15 հազար դրամ, ապա տանը կծախսեք ընդամենը 3-4 հազար»,- ասում է Հասմիկը:
Եվ այսպես, ի՞նչ է հարկավոր շերտավոր ներկման համար.
բացացնող փոշի, այսպես կոչված «բլոնդորանտ»;
օքսիդանտ, որի տոկոսայնությունը կախված է նրանից, թե ի՞նչ երանգ եք ցանկանում ստանալ: Որքան մուգ են ձեր մասերը, այնքան ուժեղ օքսիդանտ պետք է օգտագործեք (մինչեւ 12%): Եթե ձեր մազերը ներկելուց կամ քիմիական գանգրացումից թուլացել են, հարկավոր է ընտրել ավելի թույլ օքսիդանտ (շուրջ 3%);
ներկը խառնելու աման: Մազերը ներկելու ժամանակ որեւէ կերպ չի կարելի օգտագործել մետաղական սպասք: Ընտրեք կերամիկական, ապակե կամ, ծայրահեղ դեպքում, պլաստիկ սպասք;
ներկելու վրձին;
մազափնջերը բաժանելու համար նախատեսված ծայրով սանր;
նրբաթիթեղ, եթե օգտագործվելու է նրբաթիթեղով շերտավոր ներկման տարբերակը;
սիլիկոնե գլխարկ եւ հելյուն, եթե օգտագործվելու է գլխարկի միջոցով «փետրավոր» շերտավոր ներկում:
Իսկ հիմա շերտավոր ներկման տարբերակները.
1. «Փետուրներ»: Ներկման այս տարբերակի համար օգտագործվում է անցքերով սիլիկոնե գլխարկ, որոնց միջով հանվում են առանձին մազափնջեր եւ ներկվում: Այս մեթոդը հաճախ օգտագործվում է կարճ մազերի շերտավոր ներկման համար:
2. Նրբաթիթեղի օգնությամբ շերտավոր ներկում: Ներկման առավել տարածված միջոց: Այս մեթոդի պարագայում յուրաքանչյուր մազափունջը նրբաթիթեղի թերթով առանձնացնում ենք մազերի ընդհանուր զանգվածից, այնուհետեւ ներկում եւ նրբաթիթեղով փաթաթում: Ներկման նման մեթոդը, որպես կանոն, օգտագործվում է երկար մազերի համար:
Նրբաթիթեղի օգնությամբ ներկելու համար մազերը բաժանեք 7 մեծ փնջերի՝ յուրաքանչյուրն առանձնաբար ամրացնելով հերակալով: Ծոծրակի հատվածից սկսելով՝ մազափնջերից յուրաքանչյուրից փոքրիկ փնջիկներ առանձնացրեք: Փոքր փունջը, որը պատրաստվում եք ներկել, դրեք նրբաթիթեղի վրա: Մազարմատից սկսած փնջերը պատեք բացացնող կազմով: Այնուհետեւ մազափունջը փաթաթեք նրբաթիթեղով՝ նույն կերպ մշակելով նաեւ մնացած մազափնջերը:
«Եթե Ձեր մազերը ներկել եք, ապա շերտավոր կարելի է ներկել ոչ պակաս, քան 7 օր անց: Ցանկալի է երկու դեպքում էլ օգտագործել միեւնույն ապրանքանիշի ներկը: Անպայման ներկից ալերգիկ ռեակցիայի բացակայության թեսթ անցկացրեք:
Նաեւ հիշեք, որ գլխին վերքի, քերծվածքների կամ բորբոքային այլ գործընթացների դեպքում չի կարելի շերտավոր ներկել: Վարսերին ներկը թողնելու ժամանակահատվածը կախված է նրանից, թե որքան բաց երանգ եք ցանկանում ստանալ: Բայց ներկը 40 րոպե գլխին թողնել խորհուրդ չի տրվում:
Երբ ներկված փնջերի արմատներն աճեն, հարկավոր է կրկնակի ներկել: Դրա համար պարզապես արմատներին քսեք բացացնող կազմը, ներկը պահեք որոշ ժամանակ, այնուհետեւ մազերը սանրեք, որպեսզի գունային հավասար անցում ստացվի»,- ամփոփում է Հասմիկը:
Հետևեք NEWS.am STYLE-ին Facebook-ում, Twitter-ում և Instagram-ում
23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին13:55, 18 ապրիլի
Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ13:17, 18 ապրիլի
Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի12:31, 18 ապրիլի
Coachella փառատոնի ժամանակ Ջեֆ Բեզոսը չէր թաքցնում իր զգացմունքները Լորեն Սանչեսի նկատմամբ11:59, 18 ապրիլի
Քիմ Քարդաշյանը նոր ֆոտոշարքով է կիսվել Կարիբյան ծովում իր գեղատեսիլ հանգստից