Օրեր առաջ Դալիթան երաժշտասերների դատին հանձնեց իր նոր տեսահոլովակը` «Ես փնտրում եմ քեզ» երգի հիման վրա: Ինչպես արդեն նշել էինք` երգչուհին տեսահոլովակում ներկայանում է ավելի հասուն կերպարով եւ հասուն երգով:
Նոր տեսահոլովակի եւ փոփոխությունների մասին NEWS.am STYLE-ը զրուցել է երգչուհու հետ, որը նաեւ առաջինը մեզ է տրամադրել վերջերս իրականացրած իր ֆոտոշարքը, որտեղ լուսանկարվել է դիզայներ Ֆաինա Հարությունյանի հեղինակած հագուստով:
«Առաջին անգամ սիրո մասին երգել եմ իտալերենով, երբ մասնակցում էի իտալական Verdinote մրցույթ-փառատոնին, որտեղ արժանացա «Ոսկե նոտա» գլխավոր մրցանակին: Երգն ունեցավ նաեւ հայերեն տարբերակ, սակայն չունեցավ տեսահոլովակ, իսկ սա, կարելի է ասել, իմ առաջին տեսահոլովակն է` սիրո թեմայով: Հետեւելով արձագանքներին` կարծում եմ` այս աշխատանքը դուր է եկել հանդիսատեսին»,-ասում է երգչուհին, որն իր նոր երգի շուրջ համագործակցել է Արմեն Վիրաբյանի եւ Գայանե Դանիելյանի հետ.
«Արմեն Վիրաբյանի եւ Armdreams Production-ի հետ միշտ էլ եղել է համագործակցություն: Սա երկրորդ երգն է, որն ինձ նվիրել է հեղինակը: Նախորդը «Երեւան, ես սիրում եմ քեզ» ֆիլմի սաունդթրեքն է, որը հանդիսատեսին կներկայացնենք հաջորդ տարվա ընթացքում: Արմենը նաեւ տեսահոլովակի ռեժիսորն է»:
Երգչուհուց հետաքրքրվեցինք նաեւ արդյոք հասցնո՞ւմ է համատեղել ուսումն ու երգարվեստը.
«Անկեղծ ասած` այդքան էլ հեշտ չէ միաժամանակ լինել եւ Ամերիկյան համալսարանի ուսանողուհի, եւ զբաղվել երգարվեստով: Փորձում եմ համատեղել երկու մասնագիտություններս եւ այնպես անել, որ մեկը մյուսին չխանգարի»:
Ինչպես նշվեց` «Ես փնտրում եմ քեզ»-ը Դալիթայի առաջին տեսահոլովակն է` սիրո թեմայով: Իսկ ի՞նչ է կատարվում երգչուհու ներսում: Արդյոք նա արդեն հասցրե՞լ է վայելել այդ զգացմունքը.
«Սերը մարդկային զգացողություններից ամենագեղեցիկն է, որը դրսեւորվում է տարբեր կերպ` սեր ընտանիքի, սեր շրջապատի, ընկերների, հարազատների եւ, իհարկե, սեր ընտրյալի նկատմամբ: Ես առայժմ մտածում եմ իմ կրթության մասին եւ զբաղվում եմ դասերով եւ երգեցողությամբ»,-պատասխանեց երգչուհին:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը