Օրերս կայացավ հայկական շոու-բիզնեսի ամենահայտնի ու սիրված զույգերից մեկի` Արամեի եւ Աննա Թովմասյանի «Իմն ես» զուգերգի տեսահոլովակի պրեմիերան: Դատելով տեսահոլովակի գրանցած դիտելիությունից եւ երկրպագուների մեկնաբանություններից` այս զուգերգն, իսկապես, սպասված էր երգիչների երկրպագուների համար: Բացի դա` սա Աննայի առաջին տեսահոլովակն էր` երկարատեւ երաժշտական դադարից հետո:
NEWS.am STYLE-ը զրուցել է երգչուհու հետ` ամուսնու հետ համագործակցության, երկարատեւ լռության եւ երգարվեստ վերադառնալու ծրագրերի մասին.
«Ես երբեք բուռն գործունեություն չեմ ծավալել հայկական շոու-բիզնեսում եւ չեմ կարող ասել, որ սա դադար էր: Ուղղակի իմ կյանքում շատ ավելի կարեւոր իրադարձություններ եղան: Կարծում եմ` այս տեսահոլովակը կլինի իմ աշխատանքի սկիզբը»,-նշեց Աննան, որի առօրյան առանց երգարվեստի էլ բավականին հագեցած է անցնում:
«Այս ընթացքում ես ապրում եմ իմ ընտանիքով եւ հանդիպում ընկերներիս հետ: Հարազատ մարդկանց հետ հաճելի ժամանակ եմ անցկացնում: Գործնական դեռ ոչ մի կարեւոր բան չեմ արել, բացի իմ եւ Արամեի զուգերգից:)»:
Աննայի խոսքով` ամուսնու հետ զուգերգով ներկայանալու ցանկություն վաղուց է եղել.
«Մենք միշտ Արամեի հետ խոսել ենք երգի թեմայով, ուղղակի նա ասում էր, որ դա ճիշտ ժամանակին պետք է անել: Այդպես էլ ստացվեց»:
Երգչուհուն անչափ ուրախացրել են նաեւ երկրպագուների մեկնաբանություններն ու բարեմաղթանքները.
«Միայն ուրախ եմ ու շնորհակալ բոլորին` նման արձագանքի համար: Շատ հաճելի զգացումներ ունեմ…Դա մեզ էլ ավելի է ոգեւորում հետագա աշխատանքների համար»,-նշեց Աննան, որից հետաքրքրվեցինք` արդյոք սա նշանակո՞ւմ է երգարվեստ վերադառնալու սկիզբ.
«Չեմ կարող ասել: Դա կրկին կախված է ժամանակից: Եթե հասունանա պահը, ինչո՞ւ ոչ` միգուցե, ներկայանամ նոր երգով»:
Ինչ վերաբերում է երգչուհու անձնական նորություններին, ապա երկրպագուների համար վաղուց արդեն գաղտնիք չէ, որ սիրված զույգի ընտանիքում շուտով երջանիկ համալրում է սպասվում: Ի դեպ, այս հրաշալի լուրը գեղեցիկ կերպով ներկայացված է նաեւ «Իմն ես» տեսահոլովակի վերջում:)
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
20:05, 5 մայիսի
Երեւանյան շաուրման. տեղական սիրված եւ քիչ հայտնի վայրերը19:26, 5 մայիսի
«Լադանիվա»-ն՝ «Եվրատեսիլ 2024»-ի բացման պաշտոնական արարողությանը19:13, 5 մայիսի
Ինչպես շունը ձեռք բերեց իր տիրոջը, կամ «Արթուր, դու թագավոր ես» ժապավենը18:33, 5 մայիսի
Տարօրինակ կանոններ, որոնց պետք է հետեւեն Met Gala-ի մասնակիցները16:18, 5 մայիսի
Լորեն Սանչեսին Met Gala-ի համար հանդերձանք ընտրելիս կօգնի հենց ինքը՝ Աննա Վինտուրը14:02, 5 մայիսի
Ջենիֆեր Լոպեսն իրեն «չհասկացված» է զգում՝ ինստագրամհան ատելության պատճառով12:15, 5 մայիսի
Շերոն Սթոունի որդին գնում է մոր՝ դերասանական հետքերով11:39, 5 մայիսի
«ԴԴՏ» կուլտային խմբի մեծ համերգը՝ Երեւանում10:30, 5 մայիսի
Մադոննան կրքոտ համբուրել է պարուհուն՝ Բրազիլիայում իր Celebration շրջագայության փորձի ժամանակ09:00, 5 մայիսի
ՄԱՅԻՍԻ 5-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:20, 4 մայիսի
Գուրգեն Դաբաղյանի 3-ամյա դուստրը եւս միացել է TikTok-ում ամենատարածված հնդկական թրենդին (VIDEO)19:30, 4 մայիսի
Հարաբերությունների խորհրդատուն բացահայտել է երկու բան, որոնք կանայք երբեք չպետք է անեն