«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

Զգույշ եղեք ներկած մազերի հետ

11:16, 23 հոկտեմբերի

Հաճախ կանայք ցանկություն են ունենում իրենց մոտ ինչ-որ բան փոխել, ասենք՝ մազերի գույնը։ Բայց որքան հաճախ են նրանք դեմ առնում այն խնդրին, թե ինչպես ներկել մազերն առանց այդ ճոխ գեղեցկությունը վնասելու։ Այս հարցում այսօր կօգնի «Վարս» գեղեցկության սրահի վարսահարդար Էրիկ Համբարձումյանը։

«Մազերն առանձին օրգանիզմ են, որոնց, ինչպես եւ մաշկին, անհրաժեշտ է խնամք։ Մազերը շատ փխրուն կառուցվածք ունեն եւ ցանկացած արտաքին ազդեցություն կարող է դրանք վնասել, իսկ վատագույն դեպքում՝ դրանց թափվելու պատճառ հանդիսանալ։ Իմ շատ հաճախորդներ հաճախ հարցնում են, հնարավո՞ր է մազերն այնպես ներկել, որ չվնասվեն։ Մինագամից ասեմ՝ հնարավոր չէ։ Կարելի է միայն հետագայում տարբեր միջոցներով եւ պրոցեդուրաներով վերականգնել դրանք, բայց այդ գործընթացը կանգնեցնել հնարավոր չէ», - ասում է վարսահարդարը։

Սակայն, ինչպես նկատեց Էրիկը, մազերը ճիշտ ներկելու շատ միջոցներ կան, նախ՝ անհրաժեշտ գույնը եւ ոչ թե դրա նման մի բան ստանալու համար։ Իսկ երկրորդ՝ վնասելու վտանգը նվազագույնի հասցնելու համար։ 

«Խորհուրդ կտայի միշտ խորհրդակցել մասնագետների հետ եւ լսել նրենց խորհուրդը։ Իսկ եթե այդպես չեք արել կամ չունեք նման հնարվորություն, ապա պետք է իմանաք, որ ներկելու եւ գունաթափելու ընթացքում մազերին մեծ վնաս է հասցնում թթվածինը, այլ ոչ՝ հենց ներկող նյութը։ Պետք է նաև հիշեք՝ որքան քիչ է թթվածնի տոկոսը, այնքան ցածր է մազերը վնասելու հավանականությունը», - պատմում է Էրիկը։

Սովորաբար կանայք մազերը գունաթափում եւ ներկում են նույն օրը։ Պարզ է, որ այպես ե՜ւ արագ է ե՜ւ հարմար, բայց չի կարելի մոռանալ դրա մեծ վնասի մասին։ «Եթե դուք նույն օրը տնային պայմաններում գունաթափել եք մազերը, եւ ուզում եք դրանից հետո ներկել, ապա, կարծում եմ պարտավոր եք իմանալ, որ մազերը պետք է հանգստանան։ Այսինքն, մի գործողությունից մյուսը պետք է անցնի գոնե երեք օր։ Դրանից հետո միայն պետք է օգտվել ոչ ամիակային ներկամիջոցից», - ասում է Համբարձումյանը։ Եթե դուք որոշել եք թխահերից շիկահեր դառնալ, ապա համբերություն ունեցեք եւ մի քանի օր սպասեք, խորհուրդ է տալիս վարսահարդարը։

Ժամանակի ընթացքում մազերն աճում են, եւ արմատները սկսում են տարբերվել ծայրերի գույնով։ Հետեւաբար, ներկելով մազերը մեկ անգամ, մենք հետագայում պետք է ներկենք արմատները, որպեսզի դրանց գույնը չտարբերվի ընդհանուրից։ Իսկ այդ դեպքում ինչպե՞ս պաշտպանել մազերը։ «Եթե հաճախ եք մազ ներկում, անպայման խնամեք դրանք։ Մազերի վերականգնման հատուկ կուրսեր անցեք կամ հատուկ քսուքներ օգտագործեք։ Մի պարզ միջոց կասեմ ձեզ։ Դրա համար ձեզ պետք կգա ձու, ¼ բաժակ յոգուրտ, ¼ բաժակ մայոնեզ։ Սկզբում հարեք ձուն, ավելացրեք մայոնեզը, յոգուրտը։ Լավ խառնեք բաղադրիչները։

Խառնուրդը լավ լղոզեք մազերին, ծածկեք գլխարկով և թողեք մեկ ժամ։ Ապա գլուխը լվացեք չեզոք շամպույնով և պարզաջրեք սառը ջրով։ Կարող եք նաեւ երկու ճաշի գդալ ձիթապտղի յուղ, մեկ բաժակ թթված կաթ, երկու կաթիլ լավանդայի եւ երկու կաթիլ ռոզմարինի յուղ խառնել իրար եւ քսել գլխին։ Ընդ որում գլուխը ծածկեք գլխարկով եւ սրբիչով։ 40-50 րոպե պահելուց հետո լվացեք շամպույնով», - փորձով կիսվում է Համբարձումյանը։

Եվ վերջում Էրիկը խորհուրդ է տալիս օգտավործել նաեւ մասնագիտացված ներկեր, քսուքներ եւ շամպույններ. «Մի բան իմացեք. մազերին անհրաժեշտ է խնամք եւ դա մազերն առողջ պահելու միակ միջոցն է։ Դրանք երեխայի պես հիվանդանում են, կամ տհաճ պատմությունների մեջ ընկնում, եթե չհետեւեք»։


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search