Գիտեք՝ ի՞նչ բան է «մանգա»-ն։ Դա ճապոնական ծաղրանկար է, յուրօրինակ գեղարվեստական ոճի ճապոնական ֆիլմ։ 1989-ին նկարիչ Մասամունե Սիրոն պատկերել է «Սպառազինված ուրվականը» ծաղրանկարը, որը երկու տարի անց գրքով հրապարակվեց։ Եւ 1991-ին հրապարակված մանգան մինչ օրս իր վրա ուշադրություն է հրավիրում՝ ինչպես Ճապոնիայում, այնպես էլ ամբողջ աշխարհում։
«Սպառազինված ուրվական»-ի վերաբերյալ Ճապոնիայում մի քանի ֆիլմ ու սերիալ է նկարահանվել, համակարգչային խաղեր են ստեղծվել։ Այս տարվա մարտի 16-ին համաշխարհային էկրաններ բարձրացավ «Ուրվական»-ի նոր տարբերակը։ Դերասանական կազմը աստղային է՝ գլխավոր դերում Սքարլեթ Յոհանսոնն է, այնտեղ խաղում են ֆրանսուհի Ժյուլյեթ Բինոշը, ճապոնացի Թաքեշի Կիտանոն, դանիացի Յոհան Ֆիլիպ Ասբեկը։ Հերթական ռեմեյքը՞։
Կինոնկարի ռեժիսոր Ռուփեր Սանդերսը պնդում է, որ դա ամենեւին էլ այդպես չէ։ ճապոնական մանգայի վրա իր ուշադրությունը հրավիրել է ռեժիսոր Սթիվեն Սփիլբերգը։
«Նա հարցրեց՝ ինչպես ես կնկարահանեի «Ուրվական»-ը, եթե նման հնարավորություն ստանայի։ Ես պատասխանեցի, որ չէի նկարահանի դրա բառացի կրկնությունը, սակայն լինելով օրիգինալի երկրպագու՝ հնարավորինս կպահպանեի ուժեղ հուզական միջուկով ու խորը իմաստով դրա ներաշխարհը»։
Ապագա, որտեղ մարդկանց ու աշխատանքի միջեւ սահմանները գրեթե ջնջվել են։ Մարդիկ «կատարելագործում են» իրենց՝ իրենց օրգանները փոխարինելով կիբերնետիկ իմպլանտներով։ Իսկ արհեստականորեն ստեղծված մարմնում կարող են տեղադրել զոհված մարդու ուղեղը։
Մայոր Միլա Քիլիանը նման մարդկանցից է։ Կին կիբորգը ցավ չի զգում, չի վախենում, հատուկ ամպիկի շնորհիվ կարողանում է տարրալուծվել օդում, կարդալ ուրիշների մտքերը։
Նա աշխատւմ է էլիտար Իններորդ բաժնում՝ Կիբերհանցագործության դեմ պայքարում։ Բաժինը ղեկավարում է Դայսուկե Արամակին։ Գործընկերոջ՝ Բատո անունով տղամարդու եւ մյուս գործընկերների հետ, Միրան որոնում է հզոր գաղտնի ցանցահենին՝ Կուձե մականունով։
Հայ հանդիսատեսը՝ հատկապես երիտասարդ, դժվար թե ծանոթ լինի հանրաճանաչ մանգայի կինեմատոգրաֆիայի պատմությանը։ Սակայն նա անպայման ներկա կլինի ֆիլմի ցուցադրությանը։
Ֆիլմը շատ հետաքրքիր է՝ ապագայի քաղաքի դեկորացիան, փոխհրաձգությունները, սուր զգացողությունները, գեղեցկուհի Սքարլեթ Յոհանսոնը։ Եվ գլխավորը՝ մտածել պետք չէ։
Պավել Ջհանգիրով
Հետևեք NEWS.am STYLE-ին Facebook-ում, Twitter-ում և Instagram-ում
22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ