• «Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից

  Շառլ Ազնավուրի հարսը՝ Քրիստինա Ազնավուրը, Instagram-ում արխիվային լուսանկար է հրապարակել...

• Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին

  Շառլ Ազնավուրի ծննդյան 100-ամյակին նվիրված հոբելյանական միջոցառումների շրջանակում Two Arcs-ում կբացվի ֆիգուրատիվ քանդակագործ Մկրտիչ Մազմանյանի դիմաքանդակների ինտերակտիվ ցուցահանդեսը...

• Լեւոն Մալխասյանը՝ իր մասին նոր ֆիլմի, առաջիկա համերգի ու 13 օրից ավել Երեւանից չբացակայելու մասին

  Արամ Խաչատրյան համերգասրահում մարտի 16-ին, ժամը՝ 19:00-ին, տեղի կունենա «Մալխաս Ջան/զ» խորագրով համերգային երեկո…

• Մանսուրյանի երաժշտության «գաղտնիքը», Հայաստանի պետական սիմֆոնիկ նվագախմբի «խայտաբղետ» տարին ու մեծ համերգը՝ կոմպոզիտորի 85-ամյակին

  Նվագախմբի այս տարվա առաջին մեծ հոբելյանական համերգը, որը նախատեսված է վաղը՝ հունվարի 27-ին, նվիրված է ՀՀ ժողովրդական արտիստ, անվանի կոմպոզիտոր Տիգրան Մանսուրյանի 85-ամյակին...

• Critics Choice Awards 2024-ի 10 լավագույն կերպարները՝ կարմիր գորգին

  Աստղային եւս մեկ միջոցառում անցյալում է՝ «Օպենհայմերի» ու «Բարբիի» հերթական նվաճումներով․․․

• Հայկական դուդուկի լեգենդը. համերգ՝ նվիրված Ջիվան Գասպարյանի ծննդյան 95-ամյակին

  Աշխարհահռչակ դուդուկահար Ջիվան Գասպարյանի 95-ամյակը կնշանավորվի հոբելյանական գալա-համերգով…

• Ջոնի Դեփի հաղթական վերադարձը` «Ժաննա Դյուբարի» ֆիլմով

  Ամուսնալուծության աղմկահարույց սկանդալից հետո այս ամառ թողարկվեց Ջոնի Դեփի մասնակցությամբ առաջին ֆիլմը․․․

• «Դուդուկը մերն է, հայի պատմությունն է, ոչ մի ազգ չունի դրանից»․ Ջիվան Գասպարյանն այսօր կդառնար 95 տարեկան

  Քո դուդուկը նվագ չէ, քո նվագն աղոթք է․..

Եթե Դեւիդ Լինչի երկրպագուն չեք եւ չգիտեք՝ ինչ ասել է «Թվին Փիքս», ապա ավելի լավ է այս գրախոսությունը չընթերցեք, քանի որ այս տողերի հեղինակը մեծագույն ռեժիսորի ստեղծագործության երկրպագուն է: Լինչը ստեղծել է իր գլուխգործոցային, մեգագլուխգործոցային, սուպերգլուխգործոցային գլուխգործոց «Մալհոլանդ դրայվը», եւ դրանից հետո, անկեղծ ասած, նա կինոյի աշխարհում այլեւս անելիք չուներ: Սակայն վարպետն այլ կերպ է մտածել եւ 25 տարի հետո վերադարձել է «Թվին Փիքսի» երրորդ սեզոնով, որի առաջին սերիաները Showtime-ն արդեն հրապարակել է, իսկ վերադարձը զիլ է ստացվել. imdb.com-ում վարկանիշը բարձրանում ու բարձրանում է:

Սերիալը չփչացնելու համար չեմ պատրաստվում սյուժեն պատմել, բայց, գրողը տանի, ի՞նչը պատմես, երբ լիակատար շոկի մեջ նստած ես համակարգչի էկրանի առջեւ եւ չես կարողանում գլխի ընկնել, թե ինչ է կատարվում:

Եվ եթե 25 տարի առաջ քեզ հարցնում էիր՝ «Լորա Փալմերին ո՞վ սպանեց», ապա հիմա քեզ տանջում են այսպիսի հարցերը՝ «Որտե՞ղ եմ ես, գրողը տանի, ի՞նչ է այստեղ կատարվում: Ի՞նչ է սա ընդհանրապես»: Հարցերը պատասխաններ չունեն, դու, կարծես, տաղտկալի բան ես դիտում, սակայն կտրվել անկարող ես, իսկ սյուժեն դանդաղորեն, բայց վստահաբար լինչեւյան եղանակով քո հոգեբանությունը «լինչի» է ենթարկում, եւ դու հայտնվում ես Լինչի աշխարհում, իսկ թե նրա գլխում ինչ է կատարվում՝ երեւի իրեն էլ հայտնի չէ:

Մի խոսքով՝ Մայքլ Ֆրոսթը եւ Լինչը հավաքել են գրեթե ամբողջ նախկին դերասանական կազմը: Նոր սերիաներում Քայլ Մաքլահլենը նախկինի պես ներկայանում է գործակալ Քուփերի կերպարով, Շերիլ Լին վերադառնում է Լորա Փալմերի դերում, Ռեյ Վայզը մարմնավորում է նրա հորը՝ Լիլանդին, Շերիլին Ֆենը Օդրի Հորնի կերպարում է, մատուցողուհի Շելլի Ջոնսոնը ներկայանում է Մեդհեն Ամիքի կատարմամբ:

Այս գեղեցիկ դերասաններին համալրել են այնպիսի աստղերով, ինչպիսին են Մոնիկա Բելուչին, Թիմ Ռոթը, Նաոմի Ուոթսը եւ Ջիմ Բելուշին:

Առաջին սերիաներում Քուփերն անձի երկատմամբ է ներկայանում, կա մի ամբողջ կույտ անհասկանալի ցնդաբանություն, կարճ ասած՝ դիտեք. սա վարպետի ստեղծագործության գագաթնակետն է:

Ինձ նոկդաունի ենթարկեց Shadow կինոնկարի Chromatics խմբի նոր երաժշտական թեման, որն ուղղակիորեն Լինչի բնավորության համար է ստեղծված (Անջելո Բադալամենտիի երաժշտությունն առանց խուճապի իր տեղում է): Բոլորդ դիտեք:

Հետևեք NEWS.am STYLE-ին Facebook-ում, Twitter-ում և Instagram-ում