NEWS.am STYLE-ի նոր՝ էքստրեմալ ֆոտոմատմության հերոսուհին մոդել, «Վիցե միսիս Եվրոպա 2016» տիտղոսակիր եւ մրցույթի Հայաստանի ազգային տնօրեն Աննա Դեմիրխանյանն է: Վերջերս շիկահեր դարձած մոդելը ոչ միայն լուսանկարվեց մոտոցիկլետի հետ, այլեւ համարձակություն հավաքեց եւ առաջին անգամ երթեւեկեց դրանով: Իսկ տպավորությունների մասին Աննան պատմեց NEWS.am STYLE-ին:
«Ես երբեք էքստրիմի սիրահար չեմ եղել, բայց այդ արագությունն ինձ դուր եկավ, այնպիսի զգացողություն էր, ասես, քամու գրկում հայտնված լինեի: Չեմ կարող փոխանցել զգացողություններս: Հիմա անընդհատ ուզում եմ մոտոցիկլետ նստել»,-ասում է գեղեցկուհին՝ հավելելով.
«Առհասարակ, համարձակ քայլեր ինձ քիչ եմ թույլ տալիս, իսկ խենթություններ երբեմն անում եմ: Եթե խենթ քայլերս թվարկեմ, երեւի ինձ Նորքի հոգեբուժարան կտեղափոխեն»,-կատակում է նա:
Միշտ սեւահերի կերպարում հանդես եկած Աննան վերջերս դիմել է կտրուկ ոճափոխության՝ վերածվելով շիկահերի, իսկ մեր ֆոտոշարքից առաջ նաեւ կտրել է երկար վարսերը.
«Ոճային փոփոխություններ իրականացնել շատ եմ սիրում, բայց երկար ժամանակ է պահանջվում, որ համարձակությունս հավաքեմ ու որոշածս փոփոխությունն իրականացնեմ»,-ասում է նա՝ չհամաձայնելով այն մտքին, թե արտաքին կերպարանափոխությունը փոխում է նաեւ մարդու ներքին աշխարհը.
«Գիտե՞ս, նայում եմ հայելու մեջ ու նոր կին եմ տեսնում՝ լրիվ անծանոթ ու անսովոր արտաքին: Իսկ կոնկրետ ներսումս բան չի փոխվել: Ինձ ուրախացնում է նոր տեսք ունենալը»:
«Միսիս Եվրոպա 2017» մրցույթի հայաստանյան պատվիրակության ղեկավարը կանանց խորհուրդ է տալիս չվհատվել դժվարություններից եւ երբեք չկոտրվել.
«Երբեք մի հուսահատվեք, մի հանձնվեք… Բոլոր դժվարությունները հաղթահարելի են: Ամեն ինչ ձեր ձեռքերում է՝ պայքարեք, հավատացեք եւ ժպտացեք: Բոլորի հետ լինում են դժվար պահեր, բայց միայն ինքներս կարող ենք գոտեպնդել մեզ՝ ոգեշնչվելով տարբեր բաներից: Օրինակ՝ ես դժվար պահերին նայում եմ իմ կյանքի լավագույն օրերի լուսանկարները: Դա ջերմացնում է հոգիս»:
Սյունե Առաքելյան
Լուսանկարները՝ Արսեն Սարգսյանի
Դիմահարդարումը՝ GI Kay Studio-ի
Վարսահարդարումը՝ Նաիրա Կիրակոսյանի
Հետևեք NEWS.am STYLE-ին Facebook-ում, Twitter-ում և Instagram-ում
12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում