«Սրտի վալետ». նոր հումորային սիթքոմի մանրամասները. BACKSTAGE

Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Exclusive. «Ինձ թվում է՝ մեկ անգամ էլ պետք է գնամ «Եվրատեսիլ»». Արծվիկ

11:06, 13 հոկտեմբերի

«Եվրատեսիլ 2017»-ի հայաստանյան ներկայացուցիչ Արծվիկն օրերս Հայաստանում էր: Մրցույթից հետո երգչուհին հարցազրույցներ չի տվել, սակայն NEWS.am STYLE-ի հետ հանդիպումը չմերժեց, ինչի արդյունքում ջերմ զրույց ունեցանք նրա հետ: Երգչուհին առաջին անգամ խոսեց մրցույթի արդյունքի, դժվարությունների, ամուսնու աջակցության եւ առաջիկա նորությունների մասին.

«Հայաստանում էի «Հայաստան-Սփյուռք 6-րդ համագումարի» շրջանակներում պաշտոնական համերգին մասնակցելու նպատակով: Շատ ուրախ եմ, որ ինձ Մոսկվայից հրավիրել են այս միջոցառմանը մասնակցելու համար: Ի դեպ, այստեղ հանդիպեցի նաեւ Միշել Լեգրանին, Օրնելլա Մուտիին եւ շատ այլ հեղինակավոր դեմքերի, ինչն իսկապես ուրախալի է: Համերգին երգել եմ Սայաթ- Նովայի «Թամամ Աշխարհ» ստեղծագործությունը: Առաջին անգամ էի այդ երգը երգում երգչախմբի նվագակցությամբ եւ բոլորովին այլ զգացողություններ ունեցա: Փշաքաղվել էի…»,-նշեց երգչուհին, որը վերջերս էր հանդիսատեսի դատին հանձնել Գուսան Շերամի «Դու իմ մուսան ես» երգի իր տարբերակը.

«Մինչեւ «Եվրատեսիլ»-ին մասնակցելն էլ շատ էի երգում ժողովրդական երգեր, որովհետեւ շատ եմ սիրում: Արծվիկ տատիկս միշտ մեր տանը երգում էր ժողովրդական երգեր: Երգել եմ նաեւ «Դու իմ մուսան ես» երգը: Գիտե՞ք՝ ինչու եմ սիրում այդ երգը... Որովհետեւ Արծվիկ տատիկս այն երգում էր պապիկիս՝ Հարությունի համար: Իսկ հիմա ես այն երգում եմ իմ ամուսնու համար, որի անունը եւս Հարություն է (ժպտում է): Դրա համար էլ երգի մեջ մի փոքր փոփոխություն եմ կատարել:

Իրականում պետք է լինի «սեւ աչքեր», իսկ ես «կապույտ» եմ երգել, որովհետեւ ամուսինս կապտաչյա է: Միգուցե, մարդիկ մտածեն՝ ինչո՞ւ է փոխել ժողովրդական երգը, սակայն չեմ կարծում՝ քննադատելի սխալ եմ արել, պարզապես ի սրտե ցանկացել եմ այդպես երգել...Շուտով լույս կտեսնի նաեւ իմ կատարմամբ «Սարերի հովին մեռնեմ» երգի տեսահլովակը: Նոր երգեր էլ ունեմ, կրկին աշխատում եմ Լիլիթ Նավասարդյանի հետ, որը նաեւ ՛՛Fly With Me՛՛ երգի համահեղինակն էր: Եվս մեկ երգ ունեմ, որի խոսքերի հեղինակը Սոսի Խանիկյանն է, այն կրկին հայերեն է»,-ասում է Արծվիկը, որը մտադիր է շուտով ներկայացնել նոր ձայնասկավառակ.

«Շատ շուտով լույս կտեսնի իմ անգլալեզու ձայնասկավառակը: Հնարավոր է՝ գամ Հայաստան եւ այստեղ ներկայացնեմ իմ նոր ալբոմը: Ի դեպ, այս ամիս Մոսկվայում մեծ մենահամերգ ունեմ: Համերգին կմասնակցեն նաեւ Սեւակ Խանաղյանը, Սոնան եւ ռուսական շոու-բիզնեսի ներկայացուցիչներ: Հայաստանում էլ, իհարկե, շատ եմ ցանկանում համերգով հանդես գալ: Բայց եթե այստեղ համերգ ունենամ, այն պետք է շատ լավը լինի: Կապանում էլ եմ ուզում համերգ ունենալ, առհասարակ, իմ հայրենիքում ամեն տեղ էլ ուզում եմ ելույթներ ունենամ, քանի որ համոզված եմ՝ շատերն են ինձ սպասում: Նոր տեսահոլովակս էլ ցանկանում եմ Հայաստանում նկարահանել: Այդ թեմայով արդեն խոսել եմ ռեժիսոր Արթուր Մանուկյանի եւ եվրատեսիլյան իմ թիմի հետ: Ուզում եմ նաեւ տեսանյութ ունենալ իմ եվրատեսիլյան օրերի մասին՝ ցուցադրել այն, ինչը մնացել է կադրից դուրս: Դա հրաշալի հուշ կլինի «Եվրատեսիլ»-ից, որը կներկայացնենք նոր երգով եւ տեսահոլովակով: Պարզապես այդ ամենի համար ժամանակ է պետք, իսկ ես չեմ ցանկանում հապշտապ ամեն ինչ անել, ուզում եմ, որ բարձր մակարդակի վրա լինի ամեն ինչ»:

Ի դեպ, Արծվիկի ամուսինը՝ Հարությունը, ոչ միայն դեմ չէ երգչուհու երաժշտական գործունեությանը, այլեւ հաճախ հենց նա է աջակցում կնոջը.

«Ամուսնուս դուր է գալիս այն փաստը, որ ես երգում եմ: Եթե նա չցանկանար, ես չէի մասնակցի ոչ «Голос»-ին, ոչ էլ, առավել եւս, «Եվրատեսիլ»-ին: Գիտեմ, որ նրա համար էլ է դժվար, բայց նա այնքան հասկացող է, որ իսկապես բախտս բերել է: Ամեն մեկը չէր կարող ունենալ երգչուհի կին: Փառք Աստծո, մենք միմյանց շատ լավ ենք հասկանում»,-ասում է Արծվիկը, որի հետ պարզապես չէինք կարող չվերհիշել նաեւ եվրատեսիլյան օրերը.

 ««Եվրատեսիլ»-ն ինձ օգնեց այն առումով, որ այսօր ինձ ավելի շատ մարդիկ են ճանաչում: Հայրենիքում ինձ ավելի շատ սկսեցին սիրել: Բայց զբաղվածության առումով ամեն ինչ նույնն է: Նախկինում էլ էի շատ աշխատում, հիմա էլ: Ինձ թվում է՝ մեկ անգամ էլ պետք է գնամ «Եվրատեսիլ» (ծիծաղում է)»:

Խոսելով եվրատեսիլյան 18-րդ հորիզոնականի մասին՝ երգչուհին նշեց.

«Կարծում եմ՝ ոչ-ոք չէր սպասում այդպիսի արդյունքի, ես՝ նույնպես: Բոլորն ինձ ասում էին, որ հաստատ լավագույն հնգյակ կամ եռյակ եմ մտնելու: Բայց չգիտեմ՝ ինչու այդպես եղավ: Ինչ լինում է, ուրեմն այդպես էլ պետք է լինի, ուրեմն ես երկրորդ անգամ պետք է գնամ մասնակցեմ մրցույթին (ծիծաղում է): Ճիշտ է՝ այդ ընթացքում շատ նյարդեր ու առողջություն ես քայքայում, ամեն ինչ շատ դժվար է, բայց ես առանց այդ էմոցիաների չեմ կարողանում: Երբ վերջին անգամ երգեցի այդ բեմում, սկսեցի արտասվել: Բայց գիտե՞ք՝ ինչու, որովհետեւ հասկացա, որ այլեւս չեմ կանգնելու այդ բեմի վրա: Իսկ հետո իմ մեջ արթնացավ մի միտք՝ իսկ ինչո՞ւ ոչ…Ու եթե էլի ստացվի, որ գնամ, կրկին նորությամբ հանդես կգամ ու շոկի կենթարկեմ մարդկանց: Ես սիրում եմ նորություններ: Այդ մրցույթին մասնակցությունն ինձ համար արդեն մեծ հաղթանակ էր»,-ասում է Արծվիկը՝ հավելելով, որ մեծ փորձ է ձեռք բերել մրցույթին ելույթ ունենալով.

««Եվրատեսիլ»-ում ամեն ինչ այնքան բարձր մակարդակի վրա էր, բոլոր մասնագետներն այնքան լավն էին: Ամենից շատ կարոտում եմ իմ թիմին: Միշտ միասին էինք, ամեն պարագայում ինձ օգնում էին: Դա այնքան կարեւոր էր այդ օրերին: Ամբողջ անձնակազմին կրկին ուզում եմ ասել շնորհակալություն՝ իրենց հոգատարության ու աջակցության համար»:

Երգչուհին հիշեց նաեւ, թե ամեն անգամ ինչ էմոցիաներով էր բարձրանում եվրատեսիլյան բեմ. «Դուրս էի գալիս բեմ ու մտածում՝ դու դա պիտի անես: Գիտեմ, որ շատ արտիստներ անգամ երկար տարիներ երաժշտական գործունեություն ծավալելուց հետո հաճախ դուրս են գալիս բեմ ու չեն կարողանում հաղթահարել հուզմունքն ու լարվածությունը: Բայց ես կարողացա, դուրս եկա բեմ ու արեցի այն, ինչ ինձանից պահանջում էին»:

Արծվիկի խոսքով՝ եվրատեսիլյան օրերի միակ դժվարությունը եղել է լեզվական խնդիրը, որը հաճախ երգչուհուն խանգարել է հարցազրույցների ժամանակ.

«Բոլորը գիտեն, որ ես Կապանից եմ եւ երկար տարիներ է, ինչ ապրում եմ Ռուսաստանում՝ 6 տարեկանից…Ինձ համար շատ դժվար էր լեզվական խնդիրը հաղթահարելը»,-ասում է նա՝ հավելելով, որ մրցութային օրերին աշխատում էր չկարդալ համացանցում տարածված մեկնաբանությունները.

«Գիտե՞ք՝ ինչն է հատկանշական: Միգուցե լինեին հազարավոր լավ մեկնաբանություններ ու կարծիքներ, ու դրանց կողքին միայն մեկ վատ մեկնաբանություն, բայց դու արդեն խորանում ես այդ վատ մեկնաբանության մեջ ու սկսում մտածել գրածի շուրջ: Դրա համար որոշել էի չընթերցել ոչինչ»:

Արծվիկից հետաքրքրվեցինք նաեւ, թե որտեղ է պատկերացնում իր երաժշտական ապագան՝ հայկակա՞ն, թե՞ ռուսական շոու-բիզնեսում.

«Ես չեմ մտածում դրա մասին: Ես իմ գործն եմ անում: Ով ինձ սիրում է, կսիրի աշխարհի տարբեր մասերում: Ես մրցանակների համար չեմ աշխատում: Ես ուզում եմ կատարել իմ սիրած գործը, ներկայացնել իմ հայրենիքն աշխարհում, որպեսզի հետագայում իմ երեխաներն էլ տեսնեն, թե ինչերի եմ ես հասել ու հպարտանան ինձնով: Չեմ սիրում, երբ ինձ ասում են սփյուռքահայ: Ես ինձ սփյուռքահայ չեմ համարում: Ինձ համար շատ կարեւոր է իմ երգը, որ մարդկանց դուր գա այն, ինչ անում եմ: Ու չեմ ընդունում երբ մարդիկ հաջողության հասնելով փոխվում են: Չեմ ընդունում դա. մարդ պետք է միշտ մարդ մնա»,-եզրափակեց երգչուհին:

Սյունե Առաքելյան

Լուսանկարները տրամադրել է Արծվիկը

 


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել