• Victoria Beckham x Mango. շքեղ, ազատ եւ գեղեցիկ

  Վիկտորյա Բեքհեմի՝ Mango-ի համար ստեղծած հավաքածուն դարձավ վիրուսային, երբ դրա մասին հայտարարվեց ապրիլի սկզբին․․․

• Ամենաթանկարժեք զգեստները, որոնք աճուրդի են հանվել ռեկորդային գումարներով

  Արվեստի աշխարհում հազվագյուտ նկարներն ու քանդակները, ինչպես հայտնի է, աճուրդում միլիոններ են ձեռք բերում, եւ թվում է, թե նորաձեւության սիրահարները նույնքան լրջորեն են տրամադրված աշխարհի ամենաթանկարժեք զգեստները ձեռք բերելուն...

• Miu Miu-ն դարձել է մոլորակի ամենահայտնի ապրանքանիշը

  Miu Miu-ն 2024 թվականի առաջին եռամսյակում դարձել է մոլորակի ամենահայտնի ապրանքանիշը․․․

• Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար

  Louis Vuitton-ը բարձրացրել է իր նորագույն հավաքածուի նշաձողը՝ VIA Varsity Jacket-ի միջոցով․․․

• Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»

  Ռիհաննայից բացի ուրիշ ո՞վ կարող էր մարտահրավեր նետել «հանգիստ շքեղության» նորաձեւ միտումին․․․

• Playboy x FAE հավաքածուն սեքսուալ իմաստով դրական նոտա է հաղորդում լողազգեստներին

  Playboy-ը եւ լողազգեստների FAE ապրանքանիշը թողարկել են նոր հավաքածու, որը սեքսուալ առումով դրական նոտա է հաղորդում լողազգեստներին․․․

• Dior-ն իր սպասքի հավաքածուում անդրադառնում է միջազգային շքեղությանը

  Dior-ն իր սպասքի հավաքածուում հարգանքի տուրք է մատուցում միջազգային շքեղությանը․․․

• Pucci-ն Հռոմ է վերադառնում «փսիխոդելիկ» պրինտներով

  Pucci-ի 2024 թվականի գարուն-ամառ հավաքածուն, որը ստացել է «Very Vivara» անվանումը, անդրադառնում է սիրելի «Vivara» պրինտին, որը վերադարձել է ապրանքանիշ․․․

NEWS.am Style-ը ոճաբան-վարսահարդար Գոքո Քալայջյանի հետ զրուցել է աշխարհում սանրվածքների, նորաձեւ գույների արդիական թրենդների եւ այն մասին՝ արդյո՞ք հայուհիները պատրաստ են նորաձեւության փոփոխություններին:

Գոքո, ո՞րն է այս աշնան գլխավոր թրենդը:

Այսօր ամբողջ աշխարհում գլխավոր թրենդ են համարվում գունավոր մազերը՝ կարմիր, կապույտ, մանուշակագույն, երկնագույն, վարդագույն: Իհարկե, այս գույները ոչ բոլորին են սազում, եւ ամեն մեկը չէ, որ պատրաստ է նման համարձակ քայլի: Սկզբունքորեն անհրաժեշտ էլ չէ, որ բոլորը մազերը նման վառ գույներով ներկեն միայն այն պատճառով, որ դա նորաձեւ է: Հայաստանում այսպիսի երանգներով փորձեր կատարելու երկրպագուները սակավաթիվ են: Հայուհների շրջանում եզակի անհատներ չեն վախենում մազերը կանաչ կամ դեղին ներկել: Նրանք, ովքեր գերադասում են բնական գույները, նրանց այս աշնանը կարելի է հանդիպել մեղրագույնի, կարամելայինի, վառ պղնձագույնի կամ պլատինե շեկի երանգներով:

Այս տարի ո՞րն է արդիական՝ երկար մազերը, թե՞ կարճ կտրվածքը:

Վերջին մի քանի տարիներին համաշխարհային բոլոր ոճաբանները քարոզում են պարզ, ոչ բարդ, ոճային կտրվածքներն ու սանրվածքները՝ առանց պաճուճանքների: Մազերը կարող են ուղղակի արձակվել՝ թեթեւակի անխնամ սանրված, լինեն երկար կարե կամ էլ կարճ կտրված: Գլխավորը՝ սանրվածքը շատ չգզելն է, խոշոր խոպոպներով կամ մազափնջով չծանրաբեռնելը: Ցանկալի է, որ դեմքը մշտապես առավելագույնս բաց լինի, եւ սանրվածքն ընդգծի ձեր բնական գեղեցկությունը:

Հայ աղջիկները ո՞ր թրենդներին են նախապատվություն տալիս, մազերն ի՞նչ գույն են գերադասում ներկել:

Անհնար է չնշել, որ մենք ժամանակակից միտումներից հետ ենք մնում, որովհետեւ ժամանակակից թրենդները տեղացի գեղեցկուհիների շրջանում անչափ դժվար եւ երկար են արմատակալում: Մենք դեռեւս միայն հազիվ հասնում ենք նորաձեւության հետքին: Հայ աղջիկներն ավելի շատ նախընտրում են բարդ սանրվածքները, պերճ գզվածքը, խոշոր խոպոպները: Դրա փոխարեն հրաժարվել են երկար, խիտ մազափնջից, մազերն ավելի լավ են խնամում, իսկ շատերը պատրաստ են մազի գույներով փորձարկումներ կատարել: Օրինակ՝ հիմա ինձ դիմում են մազերը արծաթագույն կամ մոխրագույն ներկելու խնդրանքով, ինչպես Քիմ Քարդաշայանի կամ Դեյներիսի մազերն են: Մեր աղջիկները հիմնականում հետեւում են շոու բիզնեսի իրենց կուռքերին եւ փորձում են նրանց սանրվածքները կրկնել:

Ստացվում է, որ հայ աղջիկներն արմատական փոփոխությունների պատրա՞ստ չեն:

Կարելի նաեւ այդպես ասել: Մասնագետին լիովին վստահելու համար մեր աղջիկները համարձակության եւ հանդգնության պակաս ունեն: Շատ հաճախ վերահսկում են կտրված մազի յուրաքանչյուր սանտիմետրը: Պատրաստ չեն փորձարկումներ անել գույներով կամ կտրվածքով՝ մինչեւ մայրիկի, հայրիկի, եղբոր կամ քրոջ հետ չճշտեն՝ ինչ անեն կամ չանեն (ծիծաղում է):

Մարգարիտա Ավագյան

Հետևեք NEWS.am STYLE-ին Facebook-ում, Twitter-ում և Instagram-ում