Ամերիկաբնակ հայտնի երգչուհի Թամար Կապրելյանը, որն այս տարի մասնակցելու է «Դեպի Երատեսիլ» նախագծին, օրերս Երեւանում էր: Երգչուհին իր կարճատեւ այցի ընթացքում հասցրեց հանդիպել NEWS.am STYLE-ին, ինչպես նաեւ լուսանկարվել հատուկ մեր ընթերցողների համար: Թամար Կապրելյանի բացառիկ ֆոտոշարքն ու հարցազրույցը ներկայացնում ենք ձեր ուշադրությանը.
Թամար, միշտ ուրախ ենք քեզ տեսնել այստեղ: Ո՞րն էր այս անգամ Հայաստան այցելելու առիթը:
Եկա Հայաստան, որոհետեւ շատ էի կարոտել իմ երկիրը: Բայց այս այցելությունս նաեւ կարեւոր էր նրանով, որ պետք է ավարտեի մեր եվրատեսիլյան երգը: Նաեւ ցանկանում էի հնարավորություն ունենալ եւ քննարկել «Նուբարի բոյը» տեսահոլովակը, որը մի քանի ամիս առաջ ենք ներկայացրել: Հայաստանյան այցս տեւեց 5 օր, բայց հունվարին կվեերադառնամ՝ արդեն մեկ ամսով:
Թամար, դու առաջին հայտնիներից էիր, ով հայտարարեց, որ մասնակցելու է «Դեպի Երատեսիլին»: Այսօր այդ ցանկն ընդլայնվել է շատ հայտնի անուններով՝ Հասմիկ Շիրոյան, Սեւակ Խանաղյան, Կամիլ, «Նեմրա»... Ո՞մ ես տեսնում՝ որպես քո հիմնական մրցակից:
Իսկապես նրանց բոլորին շատ համակրում եմ եւ ուրախ եմ, որ նրանց հետ եմ կիսելու բեմը: Կարծում եմ՝ յուրաքանչյուրս էլ եզակի ենք մեր տեսակի մեջ: Ես մեծապես համոզված եմ, որ այս մրցույթում արժանի հաղթող կարող է դառնալ նա, ով պատվով կներկայացնի Հայաստանը «Եվրատեսիլում»:
Քանի որ մեր ֆոտոշարքն իրականացրեցինք Երեւանի կենտրոնում, կցանկանայի նաեւ իմանալ՝ ո՞րն է մեր քաղաքի քո ամենասիրելի անկյունը:
Այնքան շատ վայրեր կան, որոնք սիրում եմ: Բայց հատկապես շատ եմ հավանում Կասկադը (Գաֆեսճյան արվեստի կենտրոն) եւ դրա շրջակայքում գտնվող սրճարանները: Տարածքն, իսկապես, շատ գեղեցիկ է:
Երբ ԱՄՆ-ում ես լինում, ի՞նչն ես ամենից շատ կարոտում Հայաստանը հիշելիս:
Ուտելիքը, մարդկանց, լեզուն, ընկերներիս, ինչպես նաեւ շատ եմ կարոտում իմ «Նվակ»-ի երգահաններին եւ այն բոլոր տաղանդավոր մարդկանց, որոնց հետ ես աշխատում եմ այնտեղ:
Լուսանկարներում երկու տարբեր կերպարներում ես. ինքդ քո ոճը ո՞ր երեք բառերով կնկարագրեիր:
Կարծում եմ՝ նրբագեղ, դասական եւ մինիմալիստական:
Թամար, այս օրերին աշխարհի տարբեր ծայրերում պատրաստվում են Ամանորին: Ինչպե՞ս ես նշելու տոնն այս տարի:
Նոր տարին կանցկացնեմ Արիզոնայում, իսկ հայկական Սուրբ Ծնունդը՝ Լոս Անջելեսում: Իմ ժամանակը կանցկացնեմ ընտանիքիս անդամների եւ սիրելի մարդկանց հետ:
Իսկ ի՞նչ կմաղթես հայերին գալիք տոնի առթիվ:
Բոլորին մաղթում եմ առողջություն, երջանկություն եւ սեր:
Սյունե Առաքելյան
Լուսանկարները՝ Արսեն Սարգսյանի
Դիզայներ՝ Եվա Թանգյան
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը