• Հանուն քաշի կորստի. «Աստվածաշնչյան դիետան» դարձել է 2026 թվականի ամռան գլխավոր ֆիթնես միտումը

  Մինչ Հոլիվուդյան աստղերը, ինչպիսիք են Օփրա Ուինֆրին և Էնդի Քոհենը, նիհարում են Օզեմպիկի ներարկումների միջոցով, իսկ դիետա պահողները օրական մի քանի նուշ են ուտում, սոցիալական ցանցերում արագորեն ժողովրդականություն է վայելում արմատապես այլ միտում…

• TikTok-ի թրենդը. ձմերուկի դիետան խոստանում է քաշի կորուստ, բայց բժիշկները զգուշացնում են վտանգների մասին

  Ձմերուկի դիետան TikTok-ի նոր վիրուսային թրենդն է, որը խոստանում է արագ քաշի կորուստ և մարմնի «դետոքսիկացիա»․․․

• «Ալկալային դիետայի» վերադարձը. արդյո՞ք այն իսկապես աշխատում է

  Ալկալային սննդակարգը մի ժամանակ շատ մոդայիկ էր, հիմա գիտնականները կրկին խոսում են դրա օգտակարության մասին, բայց գիտական մոտեցմամբ․․․

• Գիտնականները պնդում են, որ համեմունքներն ու թեյը կարող են դանդաղեցնել կենսաբանական ծերացումը

  Ժամանակն է երիտասարդանալու՝ չամանի, քրքումի և մի բաժակ կանաչ թեյի օգնությամբ…

• Հինգ քայլ կատարյալ կազմվածք ունենալու համար

  Որակավորված սպորտային սննդաբան և մարզիչ Ռեյչել Աթարդը հայտնի է դարձել նրանով, որ օգնում է կանանց ունենալ գեղեցիկ կազմվածք ընդամենը 8 շաբաթվա ընթացքում...

• Կանայք բուսակեր տղամարդկանց պակաս գրավիչ եւ ավելի քիչ առնական են համարում

  Բուսակերությունը և՛ կանանց, և՛ տղամարդկանց ավելի քիչ գրավիչ է դարձնում որպես պոտենցիալ զուգընկերներ․․․

• Լիլիթ Բասյանն իր Black Coal ապրանքանիշով մասնակցել է 16-րդ PanArmenian միջազգային էքսպո-ֆորումին

  Սննդաբան Լիլիթ Բասյանն իր Black Coal ապրանքանիշով մասնակցել է 16-րդ PanArmenian միջազգային էքսպո-ֆորումին…

• Սննդաբան Լիլիթ Բասյանը շուտով կզարմացնի նոր արտադրանքով

  Սննդաբան Լիլիթ Բասյանը Հայաստանում ամենապահանջված մասնագետներից է…

Նիհարելու սննդակարգերը հաճախ ոչ միայն չեն օգնում նիհարելուն, այլև սխալ կիրառման դեպքում վնասում են օրգանիզմին: Հանրահայտ սննդակարգերից հատկապես երեքն, ըստ մասնագետների, չափազանց վտանգավոր են, և հարկավոր է զերծ մնալ դրանցից՝ հատկապես եթե ցուցված չեն բժշկի կողմից:

Սննդաբանները խորհուրդ են տալիս պահպանել սննդի բուրգի սկզբունքը և օրվա կերակրաբաժնում ներառել օրգանիզմի համար չափազանց կարևոր բոլոր բաղադրիչները՝ ածխաջրեր, սպիտակուցներ, ճարպեր, վիտամիններ, միկրոօրգանիզմներ: Ընդ որում՝ մեկ օրաբաժինը խորհուրդ է տրվում ուտել երեք-չորս անգամից: Բայց շատերը շարունակում են օրգանիզմը հյուծել տարատեսակ սննդակարգերով, որոնք եթե անգամ որևէ արդյունք տալիս են, ապա այն տևական չի լինում, և որոշ ժամանակ հետո մարդը նորից գիրանում է: Մինչդեռ սննդի սահմանափակումները հաճախ բավականին թանկ են արժենում մարդուն, քանի որ տարբեր հիվանդություններ են առաջացնում՝ երբեմն լուրջ ու անդառնալի:

Սննդաբանները ներկայացրել են առողջության համար ամենավտանգավոր սննդակարգերը և պատմել, թե ինչու է հարկավոր խուսափել դրանցից:

Պալեոսննդակարգ (քարե դարի սննդակարգ)

Սննդակարգի այս տեսակը բաղկացած է բուսական և կենդանական ծագման որոշ մթերքներից, որոնք ենթադրաբար օգտագործել են մեր նախնիները քարե դարում: Այլ կերպ ասած՝ այն ժամանակակից մոտեցում է պալեոլիտի ժամանակաշրջանի մեր նախնիների սննդակարգին, որը հիմնականում բաղկացած է կենդանիների՝ այդ թվում թռչնի, ձկան որակյալ մսից, մրգերից, բանջարեղենից, ընկուզեղենից, սերմերից և բացառում է հատիկավորները, ընդեղենը, կաթնամթերքը, շաքարը և բուսայուղը, մշակված և ճարպոտ միսը: Այս սննդակարգը հարուստ է վիտամիններով, հանքանյութերով և բջջանյութով, որոնք չափազանց կարևոր են օրգանիզմի համար և միևնույն ժամանակ կալորիական չեն: Առաջին հայացքից թվում է, թե նման սննդակարգը ոչնչով չի կարող սպառնալ օրգանիզմին, ավելին՝ այն օգտակար է ոչ միայն նիհարելու համար, այլև առողջության:

Սակայն պարզվում է, որ սննդակարգով պարտադրվող որոշակի զրկանքները բացասաբար են անդրադառնում մեզ վրա: Մասնագետների պնդմամբ՝ այն ոչ բոլորի համար է խրախուսելի, ուստի չի կարելի առանց երկար-բարակ մտածելու կամ մասնագետի հետ խորհրդակցելու անցնել նման սննդակարգի: Իրականում այն նախատեսված է որոշակի հիվանդությունների բուժման համար և չի կարելի երկարատև օգտագործել: Հակառակ դեպքում մարդու մոտ կարող է վիտամին D-ի և կալցիումի պակաս առաջանալ, իսկ չափազանց մեծ քանակությամբ սպիտակուցի պատճառով կարող են տուժել երիկամները:

Ալկալիական սննդակարգ

Այս սննդակարգը նախատեսում է թթվային և հիմնային սննդի միաժամանակյա օգտագործում: Թթվային սնունդը սպիտակուցներով հարուստ է և կարող է նպաստել ստամոքսահյութի չափից ավելի շատ արտադրմանը, իսկ դա կարող է ավելորդ ինսուլինի արտադրման պատճառ դառնալ: Հիմնային բուսական սնունդը չեզոքացնում է ավելորդ թթվայնությունը և օգնում է օրգանիզմին առավելագույնը յուրացնել մթերքների բոլոր օգտակար բաղադրիչները: Ուստի այս սննդակարգի կողմնակիցները խորհուրդ են տալիս սննդի օրաբաժնում ներառել միայն 30 տոկոս թթվային և 70 տոկոս հիմնային սնունդ: Այսինքն՝ թույլատրվում է ուտել մրգեր, բանջարեղեն և տավարի կամ գառան անյուղ միս՝ միաժամանակ վերահսկելով խոլեստերինի մակարդակը օրգանիզմում: Բադի և սագի միսը մեծ քանակությամբ ճարպ և խոլեստերին է պարունակում, ուստի խորհուրդ չի տրվում օգտագործել: Հիմնային մթերքներից կարելի է ներառել ցորեն, հնդկաձավար, զեյթունի ձիթայուղ, նուշ, մեղր, սերուցք, պաղպաղակ, մուրաբա և այլն:

Սակայն ինչպես նշում են մասնագետները՝ այս սննդակարգը նպաստելով օրգանիզմում թթվայնության նվազեցմանը՝  կարող է նյութափոխանակության խանգարումներ առաջացնել:

Իսկ եթե մարդն արդեն սրտի հիվանդություն ունի, գաստրիտ, ապա այս սննդակարգը պարզապես հակացուցված է:

Բժիշկ Դյուկանի սննդակարգը

Աշխարհում մեծ համբավ վայելող սննդակարգերից մեկն իրականում ամենևին առողջարար չէ: Այս սննդակարգի շնորհիվ հնարավոր է շատ արագ և զգալի նիհարել՝ ամբողջ կյանքի ընթացքում պահպանելով ցանկալի քաշը: Ցածր ածխաջրածնային և մեծ քանակությամբ սպիտակուցներ պարունակող սննդակարգը հնարավորություն է տալիս ուտել սրտիդ ուզածի չափով, բայց միայն սպիտակուցային սնունդ: Ցանկության դեպքում երբեմն կարելի է մրգեր և բանջարեղեն ուտել:

Սննդակարգը բաղկացած է 4 փուլից: Առաջին փուլում կարելի է միայն սպիտակուցային սնունդ ուտել: Երկրորդ փուլում թույլատրվում է սպիտակուցային սննդի հետ նաև բանջարեղեն ուտել, բայց միայն որոշակի օրերի: Երրոդ փուլում կարելի է նաև բրինձ, մակարոնեղեն և որոշ ածխաջրածնային սննդամթերք ուտել: Եզրափակիչ փուլում նորից միայն սպիտակուցային սնունդ է պարտադրվում:

Մասնագետները  պնդում են՝ օրգանիզմին բազմազան սնունդ է հարկավոր, որպեսզի հնարավոր լինի ստանալ բոլոր օգտակար տարրերը: Սպիտակուցային սնունդը շատ արագ է հագեցնում և հետո երկար ժամանակ մարդը քաղցի զգացում չի ունենում: Պատճառն այն է, որ սպիտակուցը շատ դանդաղ է մարսվում, և մարդու մոտ տևական ժամանակ հագեցվածության զգացումը պահպանվում է: Նման սնունդը նպաստում է արագ նիհարելուն: Սակայն այն նաև վատ հետևանքներ է ունենում: Միայն սպիտակուցներով սնվելու դեպքում կարող է հոդաբորբ առաջանալ, լյարդը և երիկամները նույնպես կարող են տուժել: Սննդակարգի բարդություններն ի հայտ են գալիս ոչ միանգամից, այլ 4-6 ամիս հետո:

Աղբյուրը՝ Wday.ru

Հետևեք NEWS.am STYLE-ին Facebook-ում, Twitter-ում և Instagram-ում