Հայկական դրոշով Քայլի Ջենները, շիկահեր Անի Երանյանն ու երեւանյան գարեջուրը. շաբաթվա ամփոփումը՝ NEWS.am STYLE-ում (տեսանյութ)

Գարեջրի 5-րդ հոբելյանական փառատոնը՝ Երեւանում (ֆոտո/վիդեո)

Այսօր ծնվել է Պատրիկ Սուեյզին. կյանքից վաղաժամ հեռացած դերասանի մասնակությամբ 5 ֆիլմ, որոնք առաջարկում ենք դիտել

POPcorn blog. 10 ամենաշատ հետեւողն ունեցող հայերն Ինսթագրամում

Ռոբերտ Դե Նիրոն դարձավ 75 տարեկան

Շոն Պենը նշում է 58-ամյակը

Forbes-ը ներկայացրել է 2018 թվականի ամենաբարձր վարձատրվող դերասանուհիների վարկանիշը

Մադոննան դարձավ 60 տարեկան

Կրքոտ VARDA-յի նոր տեսանյութը

PROFFY. Մի քանի ժամով` կոշկակար

Ամուսնության առաջարկություն՝ Ջուսին, շոկային կերպար Բրիթնիից, մերկ լուսանկար Լիլի Մորտոյից. շաբաթվա ամփոփումը՝ NEWS.am STYLE-ում

Shine&Food: Պարզիր՝ սունկ ուտելուց հետո չթունավորվելու ի՞նչ շանս ունես

Բլոգ Լի. Գառնու տաճարը, Գեղարդի վանքը, Քարերի սիմֆոնիան ու Կոտայքի այլ գողտրիկ անկյունները

POPcorn blog. 10 հայ բլոգեր, որոնց արժե հետեւել համացանցում

Դասթին Հոֆմանը նշում է 81-ամյակը

PROFFY. Կենդանաբանական այգու աշխատակից

Բլոգ Լի. Երեւանյան տրանսպորտը՝ զբոսաշրջիկների աչքերով

«Տարազ ֆեստ»

Ինչպե՞ս սկսել գործել հենց հիմա եւ իրականացնել նպատակները

14:04, 26 հունվարի

Սովորաբար որևէ նպատակ նախանշելիս՝ մենք ոգևորովում ենք և սկսում մտածել, թե ինչպես կարելի է այդ նպատակն իրականություն դարձնել: Առաջին պահին թվում է, թե ամեն ինչ իրատեսական է, և դուք ի վիճակի եք ձեր նպատակին հասնել, եթե ջանք չխնայեք և աշխատեք դրա իրականացման ուղղությամբ: Բայց որոշ ժամանակ հետո մի շարք հանգամանքներ՝ ծուլությունը, հիասթափությունը, անորոշությունը, անվստահությունը, ստիպում են ձեզ նոր ծնված գաղափարները հետաձգել լավագույն ժամանակների համար, որոնք, որպես կանոն, այդպես էլ երբեք չեն հասունանում: Ուրեմն ի՞նչ անել, ինչպե՞ս ստիպել ինքներդ ձեզ սպասելու փոխարեն գործել հենց հիմա:

Նախ՝ ձերբազատվեք ամեն ինչ հետագային թողնելու վնասակար սովորությունից

Եթե որևէ մեկը դիմացինին չի պարտադրում կատարել այս կամ այն աշխատանքը, օրինակ՝ մասնագիտության, աշխատանքի բերումով, ապա նա կարևոր ու շտապ գործերն անգամ հետաձգում է վաղվա օրվան, որը հիմնականում այդպես էլ չի գալիս: Արդյունքում մարդն իր առաջ դրած նպատակները, սեփական մտադրությունները կամ չի իրականացնում, կամ էլ իր առաջ դրված պարտավորություններից հնարավորինս արագ ձերբազատվելու համար դրանք շատ վատ է կատարում, անարդյունք: Ահա ինչու շատ կարևոր է սովորել հետևողական լինել և սեփական մտահաղացումները թեկուզ դանդաղ քայլերով, սակայն արդյունավետ կյանքի կոչել: Դրա համար պարզապես հարկավոր է միշտ վերահսկել սեփական արարքները և վարքը և թույլ չտալ, որ կողմնակի զգացումները խանգարեն ձեզ:

Ինչի՞ց սկսել

Սկսեք ձեր ցանկությունների և նպատակների ցուցակը կազմելուց: եթե անգամ այդպիսի ցուցակ արդեն ունեք, ապա արժե մեկ անգամ էլ այն վերանայել: Ընդ որում՝ դրանում ներառեք ոչ միայն ձեր մեծ ծրագրրեն ու ցանկությունները, այլև ամենօրյա գործերը: Որքան հաճախ է առիթ ստեղծվում ցուցակը վերանայելու, այնքան ավելի լավ: Որոշ հոգեբաններ անգամ խորհուրդ են տալիս այդ ցուցակը ձայնագրել և ամեն անգամ ձայնագրությունը լսել՝ աշխատանքի գնալիս:

Իսկ ցուցակի առաջին տողերում նշեք այն ծրագրերը, որոնք ձեզ աննշան են թվում կամ տհաճ և սկսեք դրանք իրականացնել: Այլապես բոլոր այդ անկարևոր թվացող գործերը կուտակվում են և սկսում ճնշել ձեզ: Ավելի լավ է տհաճ գործերից ազավել առավոտյան, երբ դեռ ուժ և եռանդ կա: Դրանցից հետո մնացած գործերը, որոնք ավելի ցանկալի են, ձեզ ավելի հեշտ կթվան:

Ինչպե՞ս անել առաջին քայլը

Թերևս հոգեբանորեն տրամադրվելուց: Հիշեք՝ քանի անգամ եք հետաձգված գործերը վերջապես ավարտին հասցնելուց հետո զարմացել ինքներդ ձեզ վրա՝ համոզվելով, որ ամեն ինչ պատկերացրածի պես բարդ չէր և անգամ հետաքրքիր էր: Նաև միշտ մտածեք, որ ձեր փոխարեն այդ աշխատանքը մեկ ուրիշը չի անելու: Օգտակար է նաև նախապես այս կամ այն աշխատանքն ավարտելու համար որևէ մրցանակ սահմանել, օրինակ՝ մտածեք, որ եթե ժամանակին և որակով գործն ավարտեք, ապա կգնեք խանութում ձեր հավանած զգեստը կամ ինքներդ ձեզ երես կտաք որևէ համեղ բան գնելով: 

Հիշեք, ամեն ավարտված նոր գործ ավելի ու ավելի ինքնավստահ է դարձնում ձեզ և օգնում բարձրացնել ինքնագնահատականը, ինչը նոր նվաճումների, առաջխաղացման կարևոր գրավական է:

Ինչպե՞ս հեշտացնել խնդիրը

Եթե նախապես զինվեք անհրաժեշտ գործիքներով, ապա հոգեբանորեն պատրաստ կլինեք ձեզ համար տհաճ և անցանկալի աշխատանքը կատարելուն: Ուստի գործը սկսելիս՝ նախապես կազմեք այն մարդկանց հեռախոսահամարների ցուցակը, որոնց հետ կապ հաստատելու անհրաժեշտություն կլինի, նշեք նաև այն թեմաները, որոնց շուրջ ստիպված եք լինելու խոսել, հարցեր բարձրացել:

Մասնագետների պնդմամբ՝ տհաճ և անցանկալի աշխատանքը որևէ մեկի հետ անելիս՝ այն ավելի արագ և արդյունավետ է առաջ գնում: Այնպես որ, կարող եք նաև գործընկեր գտնել և նրա  օգնությամբ հաղթահարել դժվարությունները:

Սովորեք հաճույք ստանալ աշխատանքից

Դրա համար գուցե աշխատանքը սկսեք ձեզ համար հաճելի որևէ գործողությունից, որը կբարձրացնի տրամադրությունը: Օրինակ՝ կարող եք ձեր սիրելի գրքից մեկ-երկու էջ ընթերցել, սուրճ եփել, մի քանի րոպե զբոսնել կամ հաճելի երաժշտություն լսել: Իսկ երբ զգաք, որ աշխուժացաք, անմիջապես անցեք աշխատանքի՝ կարճատև դադարներ տալով, որոնք ընթացքում նորից կարող եք վերադառնալ սիրելի և հաճելի զբաղմունքին:

Մի մոռացեք պարբերաբար գովել ինքներդ ձեզ ամեն հաջող քայլի համար և արժանի հանգիստ վայելել:

Որոշ ժամանակ հետո այս ամենը ձեզ համար սովորություն կդառնա և այդուհետ ամեն անգամ դժվար թվացող աշխատանքը հնարավոր կլինի հեշտությամբ հաղթահարել, ինչից դուք անգամ կսկսեք հաճույք ստանալ: Չէ որ ամեն մարտահրավերի հաղթահարումը հաղթանակ է ձեզ համար: Իսկ ամեն հաղթանակ ձեզ ավելի ուժեղ, դիմացկուն, անվախ և ինքնավստահ է դարձնում:

 

 

 

 

 

Источник – Elle.ru


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության