• «Դուբայը` երեք օրում. արևածագի փայլից մինչև Մարինայի կինեմատոգրաֆիկ մայրամուտները»

  Դուբայում անցկացրած երեք օրը դեկորացիաների կինեմատոգրաֆիկ փոփոխություն է...

• Եգիպտոսն առանց զբոսաշրջիկների. Ինչպիսի տեսք ունի փարավոնների նավով շքեղ զբոսանքը Նեղոսի վրա  

  Նեղոսի վրա զբոսանավով զբոսանքի մասին միայն հիշատակելն է հիշեցնում Ագաթա Քրիստիի «Մահը Նեղոսի վրա» ստեղծագործությունը՝ հագնված զբոսաշրջիկներ, թեյ և աղանդեր, և շքեղ, թեև որոշ չափով հնաոճ լայներ։ Սակայն այսօր դուք կարող եք Եգիպտոսը զգալ բոլորովին այլ կերպ՝ ճամփորդելով դահաբիայով՝ փարավոնների նավերը հիշեցնող ավանդական առագաստանավով, գրում է NYP-ն...

• Աթենքը մարտահրավեր է նետում Դուբային. Ինչպես է հին մայրաքաղաքը վերածվում հարուստ արտագաղթողների համար նոր դրախտի

  Այնտեղ, որտեղ մի ժամանակ գտնվում էր Աթենքի հին օդանավակայանը, արագորեն ի հայտ է գալիս ապագայի քաղաքը․․․

• Գեղեցիկ վայրեր՝ սառը ընդունելություն. 6 ուղղություն, որտեղ զբոսաշրջիկները բախվում են կոպտության

  Էյֆելյան աշտարակը, իտալական փողոցները և կապույտ Ադրիատիկ ծովը՝ միլիոնավոր զբոսաշրջիկներ երազում են տեսնել այս վայրերը…

• Դուբայը՝ ինչպիսին դուք այն երբեք չեք տեսել. քաղաքի նոր սեզոնի ուղեցույց

  Դուբայը քաղաք է, որին երբեք լիովին չես սովորում. այն ամեն այցելության հետ նորովի է բացվում․․․

• Մեկ ամբողջ տարի շքեղ նավի վրա. 56,000 ֆունտ ստեռլինգ արժողությամբ կռուիզը, որը կընդգրկի ամբողջ աշխարհը՝ Ալյասկայից մինչև Զանզիբար

  Երկշաբաթյա կռուիզը կարող է շքեղության գագաթնակետ թվալ։ Բայց ի՞նչ կլիներ, եթե դուք կարողանայիք ամբողջ տարին անցկացնել ծովում՝ ամեն օր արթնանալով մոլորակի մի նոր անկյունում․․․

• Ֆանտաստիկ ճանապարհորդություն. սուպեր զբոսանավերը և շքեղ լայներները գերհարուստ արկածախնդիրներին տանում են աշխարհի ծայրը  

  Սեզոնային ճանապարհորդները, որոնք ունեն բավարար ֆինանսական միջոցներ, դիմում են փորձարարական արշավային կրուիզների դեպի մոլորակի ամենահեռավոր անկյունները...

• «Հարստությունը վերածվել է կենդանաբանական այգու». Ինչու է էլիտար տուրիզմը սկսում ապստամբել «Սպիտակ լոտոսի» դեմ

  Քիչ հեռուստասերիալներ են այնպիսի խորը ազդեցություն ունեցել շքեղ ճանապարհորդությունների ոլորտի վրա, որքան «Սպիտակ լոտոսը»․․․

Վանզեե «լիճն» իրականում արհեստական ավազան է, չնայած գերմաներենից թարգմանաբար «see» նշանակում է «լիճ»: Պարզապես Հաֆել գետի հունը վաղ ժամանակներում ընդլայնվել է այնքան, որ ավելի շատ նմանվել է լճի: Ի դեպ, Հաֆել գետի վրա է գտնվում Գլինիկյան կամուրջը (Glienicker Brücke), որն ամբողջ աշխարհին հայտնի է որպես… «լրտեսների կամուրջ»:

Վանզեեի վրա լաստանավային հաղորդակցություն կա: Այն մայրաքաղաքի Շտեգլից-Ցելենդորֆ շրջանը կապում է նախկին Կլադով գյուղակի հետ, որը Բեռլինի արվարձանն է: Լաստանավերը քաղաքի հասարակական տրանսպորտի համակարգի մաս են կազմում, որտեղ գործում է միասնական երթեւեկության տոմս: Ովքեր նման տոմս չունեն, վճարում են կանխիկ դրամով, ինչպես ավտոբուսով կամ քաղաքային գնացքով երթեւեկելիս: 

Աշխատանքային օրերին լաստանավերից սովորաբար օգտվում են Կլադովի բնակիչները, ովքեր գնում են «քաղաք»՝ աշխատանքի կամ դասի: Իսկ հանգստյան օրերին նրանց են միանում բազմաթիվ զբոսաշրջիկներ՝ այցելելու գեղատեսիլ Կլադովը:

Քաղաքային նավամատույցից երեւում է Վանզեեի հակադիր, արեւմտյան ափը, որտեղ խիտ ծառերի հետեւում երեւում են անմիջապես լճի եզրին կառուցված տների ճակատամասերը: Հեռվից թվում է, թե ալիքները հարվածում են շինությունների աստիճաններին: Դե, ոչ անմիջական աստիճաններին, պարզապես շենքերի մեծ մասն իրենց փոքրիկ մատույցներն ունեն սեփական զբոսանավերի եւ նավակների համար: Լճափին հանդիպում են նաեւ զբոսանավային ակումբներ՝ առագաստների ներքո Վանզեեի ալիքներն ակոսելու սիրահարների համար:

Այդ տնակների արանքում ինչ-որ տեղ թաքնվում է հայտնի Մարլիր առանձնատունը, որի ճաշասենյակում 1942 թվականի հունվարի 20-ին կայացել է Երրորդ ռեյխի բարձրաստիճան մի շարք պաշտոնյաների եւ նացիստական ղեկավարների գաղտնի հանդիպումը: Քննարկվել են ոչ թե զբոսանավերի առավելությունները, այլ Եվրոպայի երկրների հրեա բնակչության ոչնչացման հարցեր: Պատմական այդ իրադարձությունը լայնորեն հայտնի է որպես «Վանզեեյան համաժողով», իսկ առանձնատանը ներկայում տեղակայված է Հոլոքոստի հիշատակի կենտրոնը:

Լաստանավով հաճելի է զբոսնել ամառային օրերին, երբ զով քամին օգնում է հաղթահարել տոթը: Բայց նախ հարկավոր է երկար՝ մի քանի հարյուր մարդկանց շարքում հերթ կանգնել: Չնայած լաստանավը 300 ուղեւորատեղ ունի, դրա հեռանալուց հետո ափին մի քանի տասնյակ մարդ է մնում: Այնպես որ՝ Արեւմուտքում նույնպես հսկայական հերթեր են լինում: Բայց մարդիկ հանգիստ սպասում են, այստեղ հանդգնությունն ու անպատկառությունը տեղ չունեն…

4.4 կմ երկարությամբ ուղեւորությունը տեւում է շուրջ 20 րոպե եւ ամենեւին էլ միատեսակ-ձանձրալի չէ: Ուղեւորները դիտելու բան ունեն: Լճում բազմաթիվ զբոսանավեր եւ մոտորանավակներ են լողում, իսկ որոշ համարձակներ սլանում են գրեթե լաստանավին հավասար: Բայց՝ ոչ մի վտանգավոր հնարք: Գերմանական կարգապահության եւ օրինապահության վառ օրինակ…

Շուտով երեւում է գրեթե կլոր փոքրիկ կղզյակ՝ ամբողջությամբ պատված խիտ անտառով: Անմիջապես դրա հետեւում Կլադովի նավամատույցն է, որտեղ լաստանավն անշտապ կայանում է: Ափին նկատելի է սպասողների երկար հերթը, որոշները՝ հեծանիվով: Լաստանավի վրա հատուկ տեղ կա տրանսպորտի նման տեսակի 25 միավորի համար, որը շատ հայտնի է Գերմանիայի բնակիչների շրջանում:

Ափ դուրս եկած զբոսաշրջիկների բազմությունն աստիճանաբար ցրվում է բազմաթիվ սրճարաններով եւ ռեստորաններով, հեծանվորդներն արագորեն հեծնելով իրենց երկաթե նժույգները՝ դուրս են գալիս իրենց ծեծված երթուղին: Մյուսները Կլադովի խաղաղ փողոցներով անշտապ զբոսանքը գերադասում են ընդհանուր սննդի օբյեկտներին եւ արագ երթին: Եթե շրջվեք մի ոչ մեծ նրբանցք, ապա ճանապարհին կտեսնեք բացառիկ ծառ՝ Նապոլեոնի արշավանքների վկան: Բայց դա արդեն առանձին հոդվածի թեմա է:

Ալբերտ Խաչատրյան

Հետևեք NEWS.am STYLE-ին Facebook-ում, Twitter-ում և Instagram-ում