Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Ճանապարհորդի գրառումները. բեռլինյան Կլադով շրջան (ֆոտո)

22:11, 15 մայիսի

Զբոսաշրջիկի համար ավելի հարմար է Հին Կլադով (Alt Kladow)՝ ներկայում Բեռլինի մաս կազմող նախկին այդ գյուղակ գնալ շոգենավով, Վանզեե լճի ափին գտնվող Շտեգլից-Ցելենդորֆի ջրային կայարանից:

 

Եվ ահա, երկար հերթում գրեթե մեկ ժամ կանգնելուց հետո ճանապարհ ենք ընկնում: Շոգենավը փոքր չէ, ուղիղ 300 ուղեւորի համար: Ուղեւորները հստակ կերպով բաժանվում են երկու խմբի. զբոսաշրջիկներ եւ տուն վերադարձող Կլադովի բնակիչներ:

Վերջինները, որպես կանոն, նստում են հանգիստ, լուռ եւ առանց առանձնակի հետաքրքրության դիտում իրենց համար սովորական դարձած բնապատկերները: Իսկ զբոսաշրջիկները՝ հակառակը, հիացմունքով արձագանքում են շոգենավին զբոսանավերի եւ նավակների մոտենալուն, անդադրում սեղմում ֆոտոխցիկների կոճակները եւ… խոսում աշխարհի բոլոր լեզուներով:

Այս բաբելոնյան խառնաշփոթում, որը հիանալի կերպով ցուցադրում է աշխարհի ռասաների եւ ժողովուրդների բազմազանությունը, խոսքի զգացմունքայնությամբ առանձնանում են ռոմանական խմբի ներկայացուցիչները: Հազվադեպ հանդիպում են նաեւ մեր հայրենակիցները, ովքեր չգիտես ինչ ճանապարհով են հասել այս վայրերը…

Եվ ահա, 20 րոպե տեւողությամբ «լճով» հաճելի շրջագայությունից հետո շոգենավը կայանում է Կլադովի նավամատույցում: Ուղեւորներն արագորեն դուրս են գալիս ափ: Տեղացիները շտապում են տուն, իսկ ժամանողները՝ տեղական տեսարժան վայրերը դիտելու կամ ամառային սրճարաններում մեկ գավաթ գարեջրի շուրջ որոշ ժամանակ նստելու: Բարեբախտաբար, անմիջապես նավամատույցի մոտ հասարակական սննդի նման օբյեկտները քիչ չեն:

Այդտեղից էլ կարելի է վեր բարձրանալ նեղ հեծանվա-հետիոտնի արահետով, որի երկու կողմից կեչիներ են տնկված: Այնտեղից 5 րոպեում ոտքով կարելի է հասնել Կլադովի ավտոճանապարհներից մեկին եւ հիանալ տեղի մեկ կամ երկհարկանի տնակներով: Դժվար չէ նկատել մի հետաքրքիր մանրուք. յուրաքանչյուր տան ճարտարապետությունը եզակի ու անկրկնելի է, երկու միանման տուն անհնար է տեսնել: Որոշ առանձնատների ճակատամասերը գրեթե ամբողջությամբ ծածկված են խիտ բաղեղով, որը դրանց հեքիաթային տեսք է տալիս: Անցնելով Կլադովի փողոցներից մեկով, կարելի է հին կառույցների հանդիպել: Ահա, ասենք, աղյուսե, բարձր տանիքով տներից մեկի պատին խոշոր թվերով գրված է դրա կառուցման տարեթիվը ՝ 1876:

Կլադովում ավելի հնաբնակներ էլ կան: Գյուղական համեստ եկեղեցու կողքով անցնելիս աչքի է զարնում ոչ մեծ ցուցանակ՝ մակագրությամբ, որը կարելի է թարգմանել այսպես. «Ինձ տնկել են 1631 թվականին, եւ երիտասարդությունը պարում էր շրջան կազմած: 1806 թվականին ֆրանսիացիները մտան երկիր եւ այրեցին իմ կատարը: 1945-ին նույնն արեցին ռուսները: Հիմա ես կարող եմ հանգիստ լինել»: Թարգմանության հստակության համար հանձնառու չեմ, բայց մենախոսության իմաստը մոտավորապես այսպիսին է: Ցուցանակի կողքին այս տողերի հեղինակն է՝ բազմաչարչար ծառը, որն արտաքնապես ոչնչով չի առանձնանում իր «երիտասարդ» եղբայրակիցներից:

 

… Թափառելով Կլադովի խաղաղ փողոցներով, հարկավոր է չուշանալ վերջին շոգենավից, հակառակ դեպքում ստիպված կլինեք հյուրանոց հասնել ավտոբուսով, երկար շրջանցիկ ճանապարհով:

Ալբերտ Խաչատրյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել