• Մալդիվների ամենաթանկ հանգստավայրի ներսում

  Երբ Soneva Secret-ը բացվեց ապրիլի սկզբին, այն աշխարհի ամենաթանկ հյուրանոցային ուղղություններից մեկում՝ Մալդիվներում, անմիջապես դարձավ ամենաթանկ հանգստավայրը․․․

• Տոկիոյի հանրային զուգարանները եզակի զբոսաշրջային գրավչություն են ճանապարհորդների համար

  Բացի տաճարներ այցելելուց եւ կեռասի ծաղիկներով հիանալուց, Տոկիոյի այցելուներն այժմ կարող են ուսումնասիրել քաղաքի ավելի ժամանակակից հրաշքները՝ հասարակական զուգարանները, հայտնում է Reuters-ը․․․

• Միշլենի հեղինակավոր ուղեցույցը ներկայացրել է իր առաջին Michelin Keys վարկանիշը՝ Ֆրանսիայի հյուրանոցների համար

  Միշլենի հեղինակավոր ուղեցույցը ներկայացրել է իր առաջին Michelin Keys վարկանիշը՝ Ֆրանսիայի հյուրանոցների համար՝ ներխուժելով հյուրանոցային ոլորտ․․․

• Daily Express. Եթե ցանկանում եք բացահայտել Եվրոպայի ամենատպավորիչ գաղտնիքներից մեկը, գնացեք Հայաստան

  Շշմեցնող Հայաստանն այն ուղղություններից է, որտեղ ավելի քիչ զբոսաշրջիկների կտեսնեք, քան մայրցամաքի շատ այլ երկրներոիմ, բայց սա շուտով կարող է փոխվել, քանի որ այնտեղ զբոսաշրջիկների թիվը սկսում է աճել․․․

• Հինգ ամիս, 40 երկիր եւ շքեղ նավարկություն, որտեղ լյուքս համարներն արժեն մինչեւ 1,7 միլիոն դոլար

  Պիկասոյի ստեղծագործությունները, ռոյալներ եւ անձնական սպասավորներ. բարի գալուստ Regent Seven Seas-ի շքեղ նավարկությունների ապագա․․․

• Four Seasons-ը բարձրացնում է շքեղության մակարդակը Կարիբյան և Միջերկրական ծովում իր առաջին զբոսանավի գործարկումով  

  Four Seasons-ը բարձրացնում է շքեղության մակարդակը Կարիբյան և Միջերկրական ծովում իր առաջին Four Seasons զբոսանավի թողարկումով: Սուպեր զբոսանավը նախագծվել է շվեդական Tillberg Design ընկերության հետ համատեղ...

• Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին

  Աբու Դաբին գնում է Սաուդյան Արաբիայի հետքերով և նախատեսում է ստեղծել աշխարհում առաջին eSports կղզին, որն ընդգրկում է 500,000 քառակուսի մետր տարածք, որը խաղային դրախտ կլինի ամբողջ աշխարհի խաղացողների համար...

• Versace հյուրանոցը բացվել է Մակաոյում

  Versace հյուրանոցը բացվել է Մակաոյում։ Palazzo Versace Macau-ն՝ բրենդի առաջին հանգստավայրը Ասիայում, միավորում է բարոկկոյի և հին հունական ճարտարապետության դասական ազդեցությունները Դոնաթելլա Վերսաչեի ստեղծագործական ղեկավարության ներքո...

Ասպետական մրցաշարն Իսպանիայի ամենից հետաքրքիր էքսկուրսիաներից է: Հենց այստեղ եք կարող մխրճվել միջնադարյան մթնոլորտի մեջ. թափառել անդունդով շրջապատված ամրոցում, ընթրել «միջնադարյան» ուտելիքներով եւ, բնականաբար, դիտել մրցող ասպետներին:

Ձեզ ավտոբուսով բերում են մինչեւ ամրոց: Մարդիկ շատ են, մի քանի տասնյակ ավտոբուս: Եթե կազմակերպված խումբ լինի, ձեր բախտը կբերի. արագ կհավաքվեք եւ տեղ կհասնեք առաջինների թվում, կարող եք զբաղեցնել առաջին շարքի լավագույն տեղերը: Իրադարձությունները տեղի են ունենում ամրոցի ներսում, փակ բեմում, որի շուրջ ամֆիթատրոնի ձեւով հանդիսատեսի տեղերն են. երկար նստարաններ, որոնց առջեւ սեղաններ կան:

Հանդիսատեսը բաժանված է 4 հատվածի (կարմիր, դեղին, կապույտ եւ կանաչ), եւ յուրաքանչյուր հատվածը երկրպագում է իր ասպետին: Այս ամենն իսկապես գրավում է, չնայած հասկանում ես, որ շոու է, շատ որակյալ զգեստավորված ներկայացում, իսկ ասպետները, թերեւս, նախապես պայմանավորվել են, թե ով է «հաղթելու»: Բայց, միեւնույն է, ձայնդ կտրվելու չափ գոռում ես՝ խրախուսելով քո ասպետին: Մրցաշարի ժամանակ ասպետները ջիգիթության, սրամարտի, նիզակամարտի եւ, եթե շատ տաքանան, նույնիսկ ձեռնամարտի հրաշալի պատրաստվածություն են ցուցադրում:

Էքսկուրսիայից առաջ պետք չէ ճաշել. հենց որ տարածքը լցվում է մարդկանցով, միջնադարյան հագուստներով մատուցողներն ընթրիք են մատուցում. յուրաքանչյուրին՝ կես հավ, հաց, կարմիր գինի (ինչպես նաեւ հանքային ջուր եւ հյութեր՝ ալկոհոլ չօգտագործողների համար): Ի դեպ, ինչպես միջնադարում, ընթրիքը ստիպված կլինեք ուտել առանց դանակ-պատառաքաղի:

Մրցելուց եւ որեւէ ասպետի հաղթանակից հետո դուք շուրջ մեկ ժամ կարող եք թափառել ամրոցում, լուսանկարվել, փողոցում տեղադրված սեղանների շուրջ նստել կամ պարել (փողոցում դիսկոտեկ է կազմակերպվում): Դրանից հետո ձեզ կառաջարկեն անցնել ամրոցի սրահներից մեկը, որտեղ հնարավորություն կունենաք դիտել իրական իսպանական պարեր՝ ֆլամենկո:

Իսպանական պարերն անհնար է բառերով նկարագրել, NEWS.am STYLE-ը, իհարկե, խորհուրդ է տալիս անպայման այդ սեփական աչքերով տեսնել: Չեք կարողանա ձեր հայացքը հեռացնել ճկուն, բարեկազմ, գեղեցիկ զգեստներով աղջիկներից եւ շքեղ երիտասարդներից, որոնք կրունկների եւ կաստանյետների թակոցներով հիասքանչ կերպով փոխանցում են իսպանական կիրքը:

«Ասպետական մրցաշար» էքսկուրսիան կարելի է համատեղել եւս մեկի՝ «Ակվարիումի» հետ: Այդ դեպքում դուք երկու ժամանոց կանգառ կանեք Բարսելոնայի նավահանգստի՝ Port Vell-ի մոտ, որի կողքին գտնվում են խոշոր առեւտրի կենտրոնը, 3D ֆիլմերի կինոթատրոնը եւ հենց Ակվարիումը:

Ակվարիումը մի քանի մեծ սենյակներից կազմված համալիր է, որոնց պատերի երկայնքով տարատեսակ ձկներով եւ ստորջրյա աշխարհի այլ բնակիչներով ակվարիումներ են շարված: Այնտեղ կա նաեւ բազմամետրանոց միջանցք՝ թափանցիկ պատերով եւ առաստաղով, այսինքն՝ թունել հսկայական ակվարիումի մեջ: Պարզապես աներեւակայելի տեսարան է, երբ անմիջապես քո գլխավերեւում շնաձուկ է լողում:

«Ասպետական մրցաշար» էքսկուրսիան տեւում է 4-8 ժամ (ժամանակը կախված է ձեր հյուրանոցի վայրից), «Ասպետական մրցաշար + Ակվարիում»-ը՝ 6-ից 10 ժամ: Էքսկուրսիաների արժեքը, համապատասխանաբար, շուրջ 40 եւ 50 դոլար է:

Շարունակությունը՝ հաջորդիվ…

Հետևեք NEWS.am STYLE-ին Facebook-ում, Twitter-ում և Instagram-ում